-Unicode-
ညီမင်းဈာန် နေသွေးကိုကြောင်အမ်းအမ်းလှမ်းကြည့်လိုက်သည်။ရုတ်တရက်ကြီးနေသွေးကကျောင်းလိုက်မယ်လို့ ပြေငြိမ်းကိုပြောလိုက်တော့ သူတကယ်ကြောင်သွားရပါသည်။
တကယ်ဆို နေသွေးအဖွားက အုန်းနို့ခေါက်ဆွဲချက်လို့ လာပို့တာကို ပြေငြိမ်းကိုမြင်တော့မှ ကျောင်းလိုက်မယ်ဘာလို့ပြောလိုက်တာလည်းဆိုတာသူနားမလည်ပါ။
ပြေငြိမ်းကတော့ထုံးစံအတိုင်း ပေကပ်ကပ်နဲ့ဆင်းလာပါသည်။
" နေသွေး ရုတ်တရက်ကြီးဘာလို့လဲ"
သူနေသွေးကို တိုးတိုးလေး ကပ်မေးလိုက်သည်။ပြေငြိမ်းရှေ့မှာတော့ ခုလိုမျိုးမမေးချင်ပါ။
" ငါပျင်းလို့လေ။ပြီးတော့ ဟိုကောင်လေးနဲ့စိတ်မချလို့"
ညီမင်းဈာန် အခုချိန်မှာအစိုးရိမ်ဆုံးက ပြေငြိမ်း ကြားသွားမှာကိုပါပဲ။သူ နေသွေးပုခုံးကိုလှမ်းတိုက်လိုက်ပြီး သတိပေးရသည်။
ပြေငြိမ်းကတော့ သူတို့ရှေ့ကို ရောက်လာတာမို့ သူပြေငြိမ်းကိုအရင်စကားစလိုက်သည်။
" မြန်သားပဲနော်"
" မမြန်ပါဘူး။ခင်ဗျားပြောထားတဲ့အချိန်ထက်နောက်ကျတယ်"
သူ အစောကြီးနိုးလိုက်မိလို့ထင်သည်။အခေါ်အဝေါ်တွေက အစပြောင်းလဲသွားပါသည်။
ဒီလိုမှန်းသိရင်အစောကြီးမနိုးပါဘူး။
ပြေငြိမ်းကနှိုးပေးဆိုလို့ မနက်စောစောမထ
တတ်တဲ့ ညီမင်းဈာန်alarm ကိုအစောကြီးပေးထားပြီး တညလုံးလည်းကောင်းကောင်းအိပ်မပျော်ခဲ့ပေ။
အခုတော့ ပြေငြိမ်းက အိပ်ရေးမဝလို့သူ့ကိုကြည့်မရဖြစ်နေသည်လေ။
" အေးပါ။sorryငါအစောကြီးနိုးမိလို့"
" ပြောလို့ ပြီးပြီမလား။သွားမယ်လေ"
ပြေငြိမ်းက ခပ်ပြတ်ပြတ်ပြောပြီး အရင်ဆုံးထွက်သွားသည်။
" အဲ့ကောင်လေးစကားပြောတာ အချိုးမပြေပါဘူးကွာ"
" မင်းကလည်း မင်းပဲ "
" ဟမ် ငါကဘာလို့လဲ"
YOU ARE READING
Dreamer 🦋 ( U+Z )( Completed )
Romance" အချစ်ကို လက်တွေ့ဘဝမှာမခံစားဖူးသေးပေမယ့် အိပ်မက်ထဲမှာခံစားနေရတယ်လို့ ကျွန်တော်ပြောရင် စာဖတ်သူတို့ယုံမလား " Dreamer " အခ်စ္ကို လက္ေတြ႕ဘဝမွာမခံစားဖူးေသးေပမယ့္ အိပ္မက္...
