-Unicode-
ပြေငြိမ်း ညီမင်းဈာန်လက်ကိုကိုင်ထားရင်း
ကမ်းခြေမှာလမ်းလျှောက်နေရတာမို့ အတော်လေးကို ပျော်ရွှင်နေမိပါသည်။
အခုချိန်မှာသူချစ်ရတဲ့ အကို့ကို ပိုင်ဆိုင်နေရပြီမို့ ဘာမှထပ်မလိုချင်တော့လောက်အောင် ကြည်နူးနေရသည်။
" ဒါနဲ့မောင်က ဘယ်မှာနေနေတာလဲ "
ညီမင်းဈာန်က ပြေငြိမ်းကိုလမ်းလျှောက်ရင်းလှမ်းမေးလိုက်သည်။
" မောင်က အကိုဘေးကအခန်းမှာနေနေတာလေ "
" ဒါလည်း ဟိုကောင့်လက်ချက်ပဲပေါ့ "
" ဒါပေါ့ဗျာ အကိုနေသွေးကျေးဇူးတွေ ဟ ဟ "
" မဟုတ်မှလွဲရော မနေ့က message ပို့တာလည်း မောင်ပဲမလား "
" ဟမ် မဟုတ်ပါဘူး။ လူမှားနေတာလား။ အကို့ကို ဘယ်သူပို့တာလဲ "
" အလုပ်ကသူငယ်ချင်းနေမှာ မောင်ရ။ စိတ်မဆိုးပါနဲ့နော် "
" မရဘူးဗျာ စိတ်ဆိုးပြီ "
" လူကြီးဆန်နေပြီထင်တာ ကလေးဆန်နေတုန်းပဲလားနော် ဒီကောင်လေးက "
ပြေငြိမ်းဘာမှပြန်မပြောဘဲ လမ်းသာဆက်လျှောက်နေလိုက်သည်။ သူအကို့လက်ဖဝါးနုနုလေးတွေကိုတော့မလွှတ်သေးပါ။
" မောင်ကလည်း တစ်ခုခုပြန်ပြောပါဦး...စိတ်မဆိုးပါနဲ့နော်။ အကို့မှာမောင်တစ်ယောက်ပဲရှိတာပါ။နော် ....နော် "
" ဟား ဟား အကို အညာမိသွားပြီ။ အဲ့စာကမောင်ပို့ထားတာ အကိုဘာပြောမလဲသိချင်လို့ တမင်စတာ "
" ဟာ သက်သက်လူကိုဂျင်းတာပဲ။ ဒီတစ်ခါတော့တကယ်တင်းပြီ "
" မတင်းပါနဲ့အကိုရာ မောင်ကချစ်လို့စတာပါ။ အာဘွား "
" တော်ပါ စတုန်းကစပြီး "
" အကို စိတ်ဆိုးနေရင် မောင်ပင်လယ်ထဲ ဆင်းသွားတော့မယ် "
" ဆင်းပေါ့ "
" တကယ်နော် "
ပြေငြိမ်း ပြောပြီးတာနဲ့ ညီမင်းဈာန်လက်ကိုဖြုတ်ကာ ပင်လယ်ထဲဆင်းသွားလိုက်သည်။
YOU ARE READING
Dreamer 🦋 ( U+Z )( Completed )
Romance" အချစ်ကို လက်တွေ့ဘဝမှာမခံစားဖူးသေးပေမယ့် အိပ်မက်ထဲမှာခံစားနေရတယ်လို့ ကျွန်တော်ပြောရင် စာဖတ်သူတို့ယုံမလား " Dreamer " အခ်စ္ကို လက္ေတြ႕ဘဝမွာမခံစားဖူးေသးေပမယ့္ အိပ္မက္...
