-Unicode-
" ပြေငြိမ်း မင်းတော်တော်မလွယ်တဲ့ကောင်ပဲ။ မင်းခုလိုလုပ်တာ Daddy ဘယ်လောက်မျက်နှာပျက်ရလဲ မင်းသိလား "
Daddyဆူလိမ့်မယ်ဆိုတာသိပေမယ့် ညီမင်းဈာန် အိမ်မှာတော့ ပြေငြိမ်းဘယ်လိုမှဆက်နေနိုင်တော့မှာမဟုတ်လို့ အားချင်း အထုတ်တွေကို တေဇအိမ်မှာရွှေ့ထားလိုက်ပါသည်။
သူထင်တဲ့အတိုင်းပါပဲ။ Daddyကသူ့ကိုဆူနေလေပြီ။
" Daddyရာ သားတကယ်နေရတာ အဆင်မပြေလို့ပါ"
" ဘာမပြေစရာအကြောင်းရှိလို့လဲ။ ဟိုက မင်းကိုကောင်းကောင်းမွန်မွန်ထားထားတာ"
" Daddyမသိပါဘူးဗျာ "
" မင်းနဲ့တော့ ခက်တော့တာပဲ ပြေငြိမ်းရာ။ မင်းဒီလိုပုံစံမျိုးနဲ့သာဆို ရန်ကုန်မှာ ဆက်မထားတော့ဘူး။ ပထမနှစ်ပြီးရင် ဒီမှာပဲ တက်တော့"
Daddy စကားက သူ့ခေါင်းပေါ်မိုးကြိုးပစ်ချလိုက်သလိုပါပဲ။ အရင်ကဆိုရင်တော့ နယ်မှာကျောင်းတက်ရမှာမို့ မတက်ချင်တာမျိုးဖြစ်ပါလိမ့်မည်။ အခုတော့ ညီမင်းဈာန်နဲ့ ပိုဝေးရမှာဆိုတဲ့အတွေးတွေဖျက်ခနဲဝင်လာတာမို့ သူခေါင်းကိုသွင်သွင် ခါယမ်းလိုက်သည်။
ဘာလို့များတစ်ခုခုဆို ညီမင်းဈာန် အကြောင်းပဲစဉ်းစားနေမိလဲ သူနားမလည်ပါ။
" သားရန်ကုန်မှာပဲဆက်နေချင်တယ် "
" ပြေငြိမ်း မင်းကိုDaddyက အလိုလိုက်တယ်ဆိုပြီး ကမ်းမတက်နဲ့နော်။ Daddy သူငယ်ချင်းကိုဘယ်လောက်မျက်နှာပျက်ရတယ်ထင်လဲ။ သူတို့ဘက်က သူတို့နဲ့အဆင်မပြေလို့မင်းမနေတော့ဘူးထင်နေတာ"
" မဟုတ်ပါဘူးဆိုဗျာ။ လူငယ်ကိစ္စဗျ...လူငယ်ကိစ္စ။ Daddy မသိပါဘူးဗျာ "
" မင်းက Daddy မွေးထားလို့ လူဖြစ်လာတဲ့ကောင်ပါ။ Daddy လည်း ငယ်ရာက ကြီးလာတာ...ဘာကိစ္စလဲပြော။ မပြောပြရင် အဆောင်တွေဘာညာ ရှာခိုင်းမယ်မကြံနဲ့။ မန္တလေးကိုချက်ချင်းပြန်ခေါိမှာ "
Daddyကလည်း သူ့လိုခေါင်းမာတာမို့ အကြောင်းပြချက်ကောင်းကောင်းမပေးရင်လွတ်နိုင်မည်မဟုတ်ဘူးဆိုတာကို သူကောင်းကောင်းသိပါသည်။
BINABASA MO ANG
Dreamer 🦋 ( U+Z )( Completed )
Romance" အချစ်ကို လက်တွေ့ဘဝမှာမခံစားဖူးသေးပေမယ့် အိပ်မက်ထဲမှာခံစားနေရတယ်လို့ ကျွန်တော်ပြောရင် စာဖတ်သူတို့ယုံမလား " Dreamer " အခ်စ္ကို လက္ေတြ႕ဘဝမွာမခံစားဖူးေသးေပမယ့္ အိပ္မက္...
