Dreamer 🦋 ( U+Z )( Completed )

Part 34 🦋

-Unicode-

၃ နှစ်ခန့်ကြာသော်

" いらっしゃいませ "
(ကြိုဆိုပါတယ်)

ညီမင်းဈာန် သူ့ Dutyချိန်ပြီးခါနီးနေပေမယ့် ဆိုင်က တံခါးဖွင့်သံကြားတာနဲ့ လှမ်းနှုတ်ဆက်လိုက်သည်။

သူ ၈ နာရီကြာကြာ မတ်တပ်ရပ်ကာ အချိန်ပိုင်းအလုပ်ဆင်းနေရပါသည်။ဒီလို တနင်္ဂနွေနေ့မျိုးဆို ဆိုင်မှာ လူကျနေကြမို့ သူအနည်းငယ်တော့ ပိုပင်ပန်းရသည်။

ဝင်လာတဲ့လူကို သူလှမ်းကြည့်လိုက်တော့ နေသွေးဖြစ်နေပါသည်။ သူနေသွေးကို မြင်တာနဲ့ တော်တော်ပျော်သွားရသည်။

တကယ့်ကို အမောပြေလေးပါပဲ။ဒီလိုအချိန်မျိုးမှာ သူ့ရဲ့ကယ်တင်ရှင်ဆိုလည်းမမှားပေ။

" こんばんは "
( Good Evening )

နေသွေးက ဝင်လာတာနဲ့ သူနဲ့ အတူတခြား အလုပ်လုပ်နေကြတဲ့ ဝန်ထမ်းကောင်မလေးနှစ်ယောက်ကို နှုတ်ဆက်သည်။

ဆိုင်ပိုင်ရှင်က မြန်မာဖြစ်ပြီး နေသွေး အမေရဲ့ သူငယ်ချင်းဖြစ်တာမို့ အပြင်အလုပ်တွေထက်စာရင် သူအများကြီး အဆင်ပြေပါသည်။

" နေသွေးရောက်လာပြီလား "

" အေးလေ ဘာလို့လဲ ဈာန် နောက်ကျနေလို့လား "

" မဟုတ်ပါဘူး။ ငါက ဧည့်သည်တွေရောက်လာတယ်ထင်လို့"

" မင်းနားချင်နေပြီမလား ဒါဆို အခန်းပြန်တော့လေ။စက်ဘီးပါတယ်မလား"

" အင်းပါတယ်။ ဒါဆို ငါပြန်ပြီနော်"

" အေး အေး။ ငါမိုးချုပ်မယ်ထင်တယ် "

" ဂရုစိုက်ပြန်နော် "

" စိတ်ချ "

ညီမင်းဈာန်ခပ်မြန်မြန်ပဲ ဝန်ထမ်းတွေအတွက် လုပ်ပေးထားတဲ့ locker room လေးထဲ ခပ်မြန်မြန်ဝင်လာလိုက်ပြီး Uniform ချွတ်ကာ T shirtနဲ့ ဂျင်းဘောင်းဘီကို ကောက်ဝတ်လိုက်သည်။

အမှန်အတိုင်းပြောရရင် သူ ဒီနေ့အိမ်ကိုစောစောပြန်ချင်နေပါသည်။ ဒီနေ့လေးက သူ့အတွက် တန်ဖိုးရှိတဲ့နေ့လေးဆိုလည်းမမှားပေ။