دكتوري (مكتملةة)

الحلقة 2

مهند: سماحتي كنك طولتي
تولين قصه طويله خليني نخش نحاول مع الدكتور توا و بعدين ساهل توا نحكيلك
المهم خشت تولين تحاول مع الدكتور مابش يخششها هي و مهند لانهم تأخرو 15 دقيقه ع المحاضرة المهم مهند قاللها عادي طول ما انا قاعد ما تخافيش تعالي ناخدو قهوه م الكافتيريا
تولين : ثانكس مش خاطري والله
مهند : ع اساس بنسمع كلامك يعني
تولين : و غصبا عنك تسمع
مهند: انا و لا انتي الراجل خلاص فكيني م الجو و هيا تعالي
تولين : حاول المره الجايه ما تكررهش ايوه
مهند: عطاها بنظرة متاع ضمي فمك
و مشت تولين و مهند و خدو القهوه و قعمزو عند جهه الكافتيريا يلي تنزل ع الساحه المهم يشربو ف القهوه و يضحكو مع بعضهم ع جيت سارة و راوند و نورا
هما الثلاثه مع بعضهم قصدكم انتو الاثنين هنا و تضحكو
تولين : أها كنكن تقول متفقات قبل ما تجن انكن نقولنها مع بعضكن خطرها شن خديتو؟؟؟
مهند : تعالن شوفن صاحبتكن شن تحكي عليكن
سارة: عارفتها ديما تحب تقرم
تولين : تمام
مهند : يضحك عارفتيني ي سارة اني نحب نهدئ النفوس انا..هي ما قالت شي غير أن ما تبيش تشوف وجوهكن اليوم و مش طايقتكن و تبي تقعد معايا قالتلي هدينا شلة فاشله
راوند: عارفتها تولين مستحيل يطلع منها هكي علينا
المهم جت تولين بتمشي و تسيبهم و فجأة مسك يدها مهند: تولين كنك ؟؟؟
تولين : شي شويه و توا نجيكم حست روحها مشوشه و حب و اهتمام مهند ليها فات حدود الصداقه و هي بدت تتعلق بيه بس ما تبيش تحسسه بالشي هدا و خايفه ف الاخر يخدلها
المهم بدت سارة و راوند ونورا ماشيات وراها مع بعضهم تولين ،، تولين اسمعي قربن م عندها
سارة: كنك اليوم مش طبيعيه حسيتك؟؟
نورا: حبيبتي في حاجه صايره معاك احكيلي ؟؟
راوند: هدي دواها عندي غير خلوها عليا
نورا و سارة مع بعضهم: كيف صار و بحتن ف تولين و مستغربات م ورانا تولين
تولين : والله مافي حاجه و قطع كلامها مهند
مهند : تولي قتلك مرام اختي تبيك
شويه استاذنت تولين م نورا و راوند و سارة بنات عطني شويه و نجيكن طبعا مش اول مره ديما مهند يحب يكون مع تولين الوقت كله معروفين ف الجامعه بالشي هدا
نورا: نعليا ي بنات شفت محل ف فينيسيا جايب قمصان حاجه خيال بكل
راوند: حي وين شن اسمه المحل
سارة: خلوني ف الحيوان متاعي و فوتن المحل شن ندير معاه انا
راوند: عبدالله ؟؟؟
نورا: فوتيه و خليه يجري وراك
سارة: من عندي غيره انا اصلا، كيف نخلي يجري ورايا و هو مش فاضي م البنات لي يجرن وراه

**
الكاتبة: هديل بن عامر

ف نص الساحه مقعمزين مهند و تولين

مهند : يشوف لعيون تولين تعرفي نقولك حاجه ي تولين
تولين : شني احكي
مهند: كل ما نشوف لعيونك السماح نبدأ خايف نفقدك والله
تولين: طول ما انت كويس معايا مش ح تفقدني
مهند : تولين انا نحبك انتي عارفه الشي هدا صح؟؟
تولين : وجهها انحمر و معش عرفت كيف ترد خايفه م مشاعرها مش متاكده هل تحبه او معجبه بيه المهم سكتت و قالتله شويه نبي التويليت توا نجيك
مهند: ابتسم ابتسامه خفيفه باهي عدي بس ما طوليش نرجي فيك هنا
تولين : تمام المهم وقفت عند التصوير متاع القلم و بدت تفكر ف كلام مهند و حد يحط يده ع كتفها
تولين : مابتش تشوف وراها مهند حول يدك مش للدرجه هدي
ماحد رد عليها
و بعدها برمت نخلعت لما شافت م لي كان وراها و نصدمت قعدت واقفه و ساكته

#يتبع