دكتوري (مكتملةة)

الحلقة 17

#رواية_دكتوري
الحلقة #17

تولين: بدت اخري تبكي ليش هكي يصير معايا، نحس ف روحي أني قاعده ف كابوس مش قادره نصدق أن مهند مش ح يكون ليا
اماني:اهدي ي قلبي اصبري بس توا يصير لي تبيه و انا توا بنحكي مع مهند
مهند: ايوه اهلين
أماني: كيف حالك ي مهند
مهند: الحمدلله تمام و انتي
اماني: مش تمام اكيد لان صاحبتي تعاني بروحها و السبب انت
مهند: كيف تعاني صاحبتك بروحها ؟
أماني: قصدي انت عارف ي مهند ان تولين دفعها بعد أسبوعين و انت قاعد هكي عادي
مهند: شن بنديرلها انا هي مستعجله و تبي تتزوج انا مانمسكهش، و بعدين الدسكه هدي ما تمشيش عليا انا ، نخطبت ما نخطبت و انا جايب هلي كيف يجوها عرب و انا خاطبها و لا مش راجل انا
اماني: هلها جبروها كنك ما تبيش تفهم انت و نعنجد دسكه فيش تحس انت ي مهند معلش، وقت دسكه توا
مهند: اها دسكه لان اقنعيني كيف جايب هلي و يجو ناس يخطبوها و أدير مقابله كيف الكلام هدا حتي انتو فهمونا عاد كلام ما يخشش الرأس هدا
اماني: قصدي ي مهند انتو معش دورتو البنت و هلها معاهم الحق، معقوله ف حد يجيب هله م سنتين ومعش يدورو لا يسألو لولا المكالمات لي بينكم بس راه و هلها نوعيتهم ما يقتنعوش ب الكلمه انت ادفع و خليها 10 سنين عادي لكن هكي ما يصير شي
مهند: ي اماني مش ضروري امي ديما تمشيلهم و بعدين انا مش راجل و لا كيف ماهو نحكي معاها و مش مسيبها، انا ما خشتش راسي قصه جوها عرب و انا هكي و لا هكي بنجيها و بنخطبها غير القصه تبي صبر بس و شن خطر عليها هي الجو هدا
اماني: حسيت روحي نحكي م جهه و انت م جهه المهم كان تبي تولين و ما تبيهش اضيع م يدك عندك اسبوعين بعدها ح تكون لغيرك و تندم عمرك كله ، سلام و صكرت
اماني: ما تزعليش مني لكن اقسم بالله مش عارفه شن لي خلاك تحبي طبعه زي وجهه، نحكي و نفهم في يحسابك تكدبي، لا انا نحكي و هو يرد ع كلام مش شور كلامي بكل
سالي: مبرده والله العظيم الحيوان هدا عديم الإحساس
سارة: انتي اسمعي خطوبه هدي ما تخليهش اتم لان الكلام لي قلتي ليوسف ان شاء الله ح يطلعه م عينك بعد الزواج و يقعد يعاير فيك، و الخرا الاخر فوتي كان ما جاكش الحياه ما توقفش عليه
تولين: و هي تبكي يعني مهند خلاص، كيف هكي ف يوم و ليله نفوت 3 سنين و ننسي
سارة: ف لي اكتر منك سنين و نسو ، هو باعك و بصراحه بوك ما كدبش لي قالك قوليله و مش ح يجي شفتي توا
اماني: خلاص ما تزيدوش عليها خلونا توا بس نشوفو حل مع هدكي يوسف و كيف اطفشه بكل و ما يديرش دفع

**********

ريماس: ي نورا ما توقعتش ماما تحكيلها هكي بكل معقوله قالتلها لا ما ناسبوش ف العمامره كنها ماما هكي شن تفكر فينا ام حمادي توا
نورا: هدي ماما انتي عارفه انها مش راضيه ع الموضوع بكل،
راوند: بصراحه كلام امك اوفر عيب مهما كان حرجت المرأة، زي ما قتلك م قبل خلي يجيب رجاله و يجو لبوك طول اما جو صبايا هدا فوتي نصيحه والله
ريماس: حمادي يرن شن نقوله اكيد زعل ع امه حي عليا انا ، والله انا مش عارفه شن ندير تخيلن حمادي يقولي مافيش نصيب توا
راوند:ردي عادي و خليك عاديه قوليله انا حكيتلك ع ماما و طبعها
نورا: صح خليك عاديه زي ما قالتلك راوند و هو عارف ماما م البدايه و شن رايها ف الموضوع ف ما ديريش موضوع و ردي هيا
ريماس: صكر توا كان رن اخري توا نرد عليه
راوند: تمام، حي مشغوله ع تولين تصدقن، امبكري البنات بعتن ف القروب ان ياما صاير مع تولين و مش مهند لي جايها
نورا: كيف لالا تبصري تي كيف ياهوو
ريماس: حي قصدك تولين اشر مني قاعده توا
راوند: والله بنفهم القصه معش فهمت قلت نروح و نكلمها مع ان هي مصكره نت بكل م امس، سالي و اماني و سارة عندها و هنا لي بعتن ف القروب
ريماس: خلينا نتصلو بيهم نسالو عليها
نورا: اها ضروري نكلموها نطمنو عليها بصراحه توا نكملها انا