دكتوري (مكتملةة)

الحلقة 23

رواية #دكتوري

الحلقه 23

تولين: شن بنحكي غير تاحشتلكم و تاحشت للجامعه و برضو تاحشت حتي لدكتوري ههههههه
نورا: ي حبيبي وين دكتوري بسم الله طول هكي استاحشتيه مش كنتي ع اساس مش طايقتيه و تكرهي
سارة: حي حي ف تطورات يعني كيف صار احكيلنا
ريماس: ماشاء الله ف كم يوم خشت مريضه طلعت ب دكتور
أماني: كدابه عارفتها بلعاني فيكن لعند يومتها تتعارك هي وياه
راوند: ما بعد الكره الا المحبه معروفه هدي
تولين: تضحك ع كلامهم و ردت فعلهن ع كلامها ، نورا شويه فوني لو سمحتي دكتوري بعتلي بنرد عليه
نورا: واااو اخري ف شات بينكم يعني م ورانا هدا كله و نحن ع اساس مسكينه و مش طايقه الدكتور و يناري و انتي تشلطي ف الحب غادي
اماني: شوقتيني والله شن صار معش فهمت شي انا
تولين: والله لا نحبه و لا شي مبردكن حتي انتن ما صدقتن لكن مش عارفه بعتلي مسج ان عارف اني ف كازا كيف صار او كيف عرف مش عارفه والله نبي نعرف كيف عرف
ريماس: اكيد شافك ي هبله
راوند: و لا ممكن خدا حاجه من هنا و طلع اكيد هكي اصلا
تولين: مش عارفه الحق عطيني الفون نسأله
سارة: حبيتيه صح، اصلا هو ينحب بجديات
سالي: أها والله ينحب الحق جميل بكل و شخصيته جذابه
تولين: بطلن وهم ما نحبش لكن قعدنا شبه أصدقاء يعني و بس
راوند: توا تشوفي كيف تنقلب شبه الصداقه هدي
سالي: توقعاتي ح تنقلب اكبر قصه حب
نورا: اتفق
اماني: حتي انا متأكده م الشي هدا
تولين: غير بطلن كلام مافيش جو، خطرها شن جو اصولي هههههه
نورا: من اصولي ؟؟؟
أماني: صح من اصولي
تولين: شكله مافيش تقدم لي نسيتي حتي الاسم ع دكتور اصيل ي همي ههههههه
أماني: واااك والله عمره ما خطر عليا الدلع هدا اعييي بشعتي الاسم
نورا: وووووه عنشكلك ي تولين وحق الله متتت عنجد اصولي كيف خطر ع بالك بالله الاسم هدا
تولين: عرفاتني نوحلش ف شي انا هههههه

المهم تم العيد ميلاد بالضحك و بالجو السمح بين الصحبات و كل وحده ع المغرب روحت و كل وحده رجعت لهمومها لي نسوهن وقت شافن تولين، و اما تولين كانت ف بدايه جديده ف حياتها مع مالك بس ما كانتش حاسه ان بدت تنجذب ل مالك و بدت لما تحكي معاه تنسي ف ذكرياتها و اوجاعها لي م مهند و مالك انجذبلها و مش حاسيين بالشي هدا و ينكرو في لان كانت البدايه ومش متأكدين م لي يحسو فيه، و م اول ما روحت م الكافي و هي تحكي معاه و تبصر ع الانستا و عرفت ان شافها نازله للكافي هو و مخطم م شارع الكافي و كل ما يقول حاجه تولين تعارضه ف الشي لي يقوله و كانت كلمته المعتاده انا دكتورك ما تعاندينيش و كانت تضحك و تسكت تولين لما يقول هكي ،لعند رقدو متأخر بدون ما يركزو ع الساعه م كثر الحكي
اما راوند كلمت مراد شويه و رقدت ماحكوش اي شي جديد لان علاقتهم بدتت تتوتر اما سارة كل ما تكلم عبدالله تبدأ تضايق لان مستاحشته و هو بعيد عليها بينما سالي قفلت فونها و رقدت ما عندهش خلوق تحكي مع عماد ،و الأجواء عند ريماس جميله كلمت حمادي و رقدت و كذلك نورا و جمال و اما أماني حكت شويه مع اصيل و ك العاده طلع بعذر و رقدت