دكتوري (مكتملةة)

الحلقة 7

الحلقة 7

ماشيات شور الديلفري و مهند يراقب فيهن،، وقفن عند الديلفري وجاء واحد يعيط م غادي وقفت تولين و راوند بيحكن لـِ صاحب الديلفري و يسمعن م جهه الخلفيه كلهن التفتن البنات لي طالبات الديلفري و شبه الجامعه كلها لاحظو عياط مهند لان الصوت كان عالي
تولين: راوند حي مهند هدا و جاي جهتنا بصوت متوتر
راوند: ييي مش وقته بكل توا يطلق لسانه
تولين: ياريتني ما سمعت كلامكن
و قرب مهند م جهه تولين
مهند: اصبري عليا شويه ، شن طالبات م الديلفري
تولين: شننن طلبتنن ي راااوند
راوند: ااه مش عااارفه انا
مهند: شن طلبتن م الديلفري بصوت عالي
راوند: سندوتشات
تولين: اي سندوتشات
مهند: لا بلكي مخدااات، ماهو عارف سندوتشات شني قصدي بصوت متنرفز بكل
راوند: 3 شاورما و 3 شيش و 2 بيبسي، و3 شويبس
مهند: تمام خليكن واقفات هنا
تولين: مهند هاك الفلوس بصوت واطي يدوب سمعها
مهند: التفتلها و عطاها بنظرة حقيره بكل
راوند: م كثر ما انتي خايفه خفت معاك والله
تولين: حي عليا خايفه بكل اول مره نشوفه و هو هكي
راوند: ليلتك ليله ان شاء الله، بس بصراحه اوفر بكل هو كنا هكي مسمطها
تولين: و انا شن عرفني خلاص اسكتي اهو جاء
مهند: عطي لراوند الكيس متاع الديلفري و قاللها تعطي للبنات
مشت راوند و هي تشوف لتولين بنظره شفقه
مهند: اما انتي تعالي معاي
تولين: ماشيه و هي ساكته وراه مهند
مهند: شن قايلك انا
تولين: ع شني ؟؟
مهند: تستعبطي انتي، انا شن قايل ع دين ام الشباب و الديلفري
تولين: سوري نسيت
مهند: بصوت عالي كيف نسيتي و قعد يخبط ع الشجرة بيده لعند فـِ غصن جرحه
تولين: شافت الجرح خافت عليه و نفس الوقت خافت تحكي بدت تشوفله و هي ساكته
مهند: فهميني انتي كنك ، ما تبيش تحسي بيا ليش، شن ندير انا؟؟
تولين: باهي بس انا ما درتش حاجه غلط
مهند: تحكي مع صاحب الديلفري و توقفي معاه عادي مش غلط تشوفي في انتي؟؟
تولين: ماهو م بيستلم غيري انا و البنات
مهند: كيف ؟؟ كيف؟؟ يعني انا مش قاعد و لا ماتشوفيش فيا تولين ليش ما اتصلتي بيا انا نجيبلكم الديلفري انا فهميني؟ ليش ما قلتيلي ؟؟ ليش تحبي تشوفي دمي محروق م حركاتك؟ بصوت عالي، لدرجه لي ماشي و جاي يتفرج عليهم م صوته
تولين: راسها لوطه باهي خلاص عليش تعلي فـِ صوتك الناس تشوفلنا
مهند: ماعنديش حاجه بحد انا خلي لي يبحت يبحت ماحد مبيت رأسه عندي و مش مخلي وجي عند حد ، و انا نقول مبدري تحكي بـِ الفون و تضحكي قصدك مع الـ### هدا، تضحكي ف الفون مع هدا؟
تولين:لالا والله لا،، باهي مهند اهدأ و توا نحكو فون بعد ما نروح
مهند: مستعجله ع صاحباتك؟؟ مافيش مشي ي تولين و رني ع السواقه روحي توا
تولين: مزال فـِ محاضره
مهند: رني ع السواقه قتلك انا بصوت عالي

ريماس و نورا و سارة و راوند مع بعضهم م بعيد يشوفن لـِ تولين كيف قاعده ساكته و مهند يهزب
نورا: بصراحه مدره كبدي العيل هدا كنا هكِ هو
سارة: غيرته مش طبيعيه ح ينجن لو تولين تسيبه
راوند: نلقنه حرام والله ، ياريتنا ما خليناها تمشي
ريماس: يحبها بكل و غيرته ناااار عليها ادعن ربي يهدي و خلاص خطر عليا روايه قريتها الاسبوع لي فات نفس الشخصيه لي ف الروايه والله
نورا: قعدت تضحك بصوت عالي لا انتي متأثره بكل بالروايات لا روايه لا شي هدا واحد بارد
رواند: أعصابي بينفلتن نمشو نشوفو تولين زعمك
سارة: هيا نمشو نهدو شوي م بدري و هو يهزب فيها
نورا : فكونا م جمال توا مرات يشوفني واحد م اصحابه يديرلي موضوع
ريماس: و انا وعدت حمادي نقدرش نحكي مع حد فكوني ي بنات بصراحه مش ناقصني حتي انا نكد منه
راوند: ي قردات نخلوها بروحها يعني
نورا: لا مش هكِ بس هي تعرف كيف تتفهم معاه و توا يصالحو
********
الكاتبة: هديل بن عامر