دكتوري (مكتملةة)

الحلقة 19

رواية #دكتوري

الحلقة #19

مش قادره تتنفس صارلها زي الضيق ف التنفس شالوها طول للمستشفي و هنا كانت الكارثة م قلت الماكلة و كتر التفكير و عدم النوم و طلع عندها صدمة نخاعيه (spinal shock ) و شالوها لمستشفي الجلاء عند دكتور مخ و اعصاب و الدكتور لي يشخص ف حالتها قاللهم ضروري اديرولها تحاليل ca * vit d * CBC* blood
لان مش ح نقدر نشخص حالتها و لا نقول شي الا لما ديرولي التحاليل هدينا و كانت تولين مزالت مش حاسه بشي تاعبه و خلاص مشو دارو التحاليل و جابوهن للدكتور
الدكتور: لا هدي لازم تركبولها دم اول شي و تاني شي افتحولها ملف نديرولها دخول ف المستشفي ما تطلعش م المستشفي
بات تولين: بس كيف ي دكتور قصدي شن عندها بنتي ع خاطر اديرولها دخول و نفتحو ملف
الدكتور: لان عندها انيميا حاده هدا اول شي دمها 6 و هدا لي سببلها الهبوط و الارهاق و مانع عليها الاكل و شحوب ف الوجه و برودة اليدين و الرجلين و الم الصدر و الم او التهاب ف اللسان و مسببلها دهشه و تسارع ضربات القلب كيف عايشه بنتك الله اعلم و الحاجه التانيه ان عندها نقص ف الأكسجين ف الدم وهدا لي مسببلها الضيق ف التنفس و ارتفاع ف ضغط الدم و فرط ف التعرق و شعور بالبرد و تغير لون بشرتها للاحمر او للاصفر وبرضو يكون تسارع ف نبضات القلب و مافيش كالسيوم بكل ف جسمها و عندها نقص فيتامين د و عندها صدمه نخاعيه و هدا يعني مرات نضطرو نخشولها ع جراحه لان الصدمه النخاعيه هدي ف البدايه لو مالحقنش و عالجناها طول ف ح يصير معاها اصابه كامله ف الحبل النخاعي مع شلل رخو و ح يصير فقدان السيطره ع الأمعاء و فقدان كل المنعكسات ف الاصابه هدا عليش قتلك لازم بنتك تقعد ف المستشفي نشوفوها من هنا للفجر لو مافيش اي تقدم و ما قدرتش تتحرك ف نضطرو لجراحه
بات تولين : هي كانت ما تاكلش بس و معقوله طلع عندها هدا كله يعني ما شكتش م شي الفتره هدي كلها مافيش و لا يوم شكت هي طاحت بس تأكد م التحاليل ي دكتور
الدكتور : والله شن بنقولك لكن هدينا الأعراض لي شفتهن عليها و هدا ليش طلبت منك التحاليل و م التحاليل تأكدت م الشي لي شفته خلال التشخيص بس كيف تخلي بنتك بدون ماكله واضح انها ليها فتره طويله ما تاكلش يعني كيف عايشه البنت هدي و توا ضروري نركبولها دم و تغديه ع خاطر تفيق و الباقي توا نشوفه بعد ما تفيق و تصحصح كويس
بات تولين: تمام مشكور دكتور تعبناك
الدكتور: لا مافيش م تعب هدا شغلي بس ياريت ما تتأخروش ف الدم
و بعد ركبو الدم و تغذيه ناضت تولين و صحصحت
تولين: هاااي انت شن جيبك هنا ان شاء الله، قصدي و انا امتي جيت هنا اصلا، و انت كنك تلحق فيا

******
الكاتبه: هديل بن عامر

اماني و نورا و سالي ماشيات للكافتيريا ف طريقهم شافو دكتور اصيل ياخد ف حاجات م الكافتيريا شاف ل اماني و نابشها بحواجبه و ابتسملها و اماني شافتله و ابتسمت
سالي: نحس ف حاجه غريبه ي بنات، اماني يضحكلك الدكتور اصيل و يحركلك ف حواجبه هدا يعني
اماني: ريحي روحك لا يعني لا شي، عادي هكي بس راه
نورا: من ورانا نحن ي اماني باهي باه تمام ي قلبي
اماني: والله خزي عليكن ي باردات ما فيش شي بينا بس هو قالي ان هو معجب بيا و هكي
سالي: مش قتلك والله كنت حاسه ، أن ف شي جديد و ف تطورات بينكم، احكي احكي كيف صار ،تحكي بحماس
نورا: ي حليلي تحكي فيها و هي متحشمه ، هههههه شوفي لوجهها كيف انحمر و قعد الوان الوان ههههههه
أماني : هيا نشرو الميه و نخشو نحضرو بنات و نحكيلكن التفاصيل بعدين، بكره اول يوم امتحانات خلاص ، زعمك شن يصير ف تولين ، خطرها ع تولين حي تصدقن امس و اليوم ما رنيتش عليها نسأل شن امورها، اصبرن نتصل بيها
أماني: اهلين عميمه كيف حالك؟ قتلك تولين حداك ؟؟!
ام تولين: لا حبيبتي و الله تولين ف المستشفي و معاها بوها
أماني: مستشششفي ككيف؟؟ كنها ؟ عليش شن صار معاها
ام تولين: والله طاحت علينا شلناها و توا نرجي ف بوها يجي ياخدني نقعد مرافقه معاها لان دارولها دخول
اماني: ف اما مستشفي باهي هي توا، وشن صاير فيها، شن قالولكم قصدي
ام تولين: والله بوها ماحكالي شي غير قالي دارولها دخول ف الجلاء
اماني: تمام ي عميمه و ان شاء الله الف لابأس عليها و توا نسأل ع مواعيد الزيارة و نمشيلها ان شاء الله
ام تولين: ما تشوفي باس ان شاء الله حبيبتي مع السلامه