دكتوري (مكتملةة)

الحلقة 4

الحلقة 4

راوند ف حوشها و الفون معزوق ع السرير و بدا يتصل فونها فجأة رغم مراد عارف قوانين الحوش ما يتصلش بيها بكل مسجات فقط استغربت ف الوقت هدا ان حد يتصل بتقرب تفتح و نصدمت م المتصل لي ران عليها ف نص الليل
راوند: ان شاء الله خير شن في
تولين: ايوه ي قلبي شن جوك توا ؟
راوند: تممامم و انننتتي؟
تولين: بضحكه خيرك ي ودي تمرعشي ف الحكي
راوند: لا شي ما كني شي قصدي في شي..ييي تخلبطت قصدي ف حاجه صايره معاك انتي؟؟
تولين: هههههههه عنشكلك ضحكتيني لالا بس بنستشيرك
بما ان تعرفت عليك وقت تعرفت ع مهند و مافيش بينكم الا شهور و تعرفي زي ما نعرفه انا
راوند: أها كويس هو الحق واضح ان يحبك و ديما نقولك فيها غير طبعه غيور واجد و عنده ع النكد
تولين: مش عارفه خايفه نحس ف روحي
راوند: باهي ي قلبي كان مش متريحه صلي الاستخاره
تولين: بصوت ناعس و هي تثاوب أها هدي هي ي قلبي خلاص انا طفيت و حتي انتي ارقدي
راوند: أها حتي انا بنرقد ليلتك سعيده
تولين: ليلتك اسعد باااي ي عمري
راوند: باي ي قلبي

******
الكاتبة: هديل بن عامر

تولين خليني نخش الانستا قبل ما نرقد بنشوف صفحة لي تنزل ف معلومات ع جماعه طب البشري
خشت اصفحت و دارت سكرينات ع المعلومات و طفت فونها و رقدت
*****
ف حوش نورا و ريماس
نورا ع سريرها: تعرفي ي ريماس نحس ف مهند يحب تولين بكل واضح ف عيونه
ريماس: فكيني منه نحس في مش لائق عليها بكل راه
نورا: ع اساس لائق عليا جمال هو اشين مني لكن نحبه ي نعليا م صوته و هو كيف نايض م النوم كان تسمعي اذوبي
ريماس: اوووف ع أوهامك ما قتلك معش تفكري في واجد ع سبه ما طيحيش في بوجك خلي هو لي يطيح
نورا: حبيبتي هو طايح اصلا و قالي نحبك اليوم
ريماس: كيف كيف؟ جت نطت ع سرير نورا و بصوت فرحان كيف صار احكيلي
نورا: مسكت فونها خلاص سادنا مواضيع اليوم توا نحكيلك بكره،،و خطرها بكره نوضي و امشي لان البنات قررن يبدن يقرن
ريماس: لا ماشيه اصلا حمادي قالي معش نبيك تغيبي ع قرايتك و يبيني نقرا كويس بصوت دلع
نورا: ي عيني ع حمادي باهي باه خلاص ارقدي قهرتينا بحماديتك و خدت الورغان وغطت بيه وجهها تصبحي ع خير ريماس و ارقدي
ريماس: ماسكه لفونها و هي تحكي ع الواتس مع حبيبها و انتي م اهلو؛ اها شويه و بنرقد اصلا

****
الكاتبة: هديل بن عامر

ف مكان آخر
مهند: دق باب داره مرام خشي م امتي نزل عليك الأدب و ادقي بضحكه
مرام: مبردك قلت تكلم ف تولين و لا حاجه مابيتش نخش طول
مهند: لا حكينا م بكري و رقدت اخري
مرام: نعليا انا م لي يرقد ف حبيبته
مهند: خطرها باتي دوتله امي راه خلاص انا مليت بكل نبي يديرولي حل ف البنت نبيها أنا
مرام: دوتله قاللها الشهرين هدينا ح يكلم اعمامي و يمشو لهلها و يجيبوها لك كون هاني
مهند: لا كون هاني لا كون مسعود غير فكيني م الجو و انا جديات عابي عليك و ع الله ف الموضوع هدا نبيك تصبيلي و اي حاجه تبيها خيك قاعد
مرام: لا ما نبي شي غير لما نحب تخليني نكلم ونشوف حبيبي براحتي
مهند: شني ي بنت الكلب انتي تعالي هنا
مرام: تي نبصر و طلعت م داره تجري و تضحك
مهند : مسك فونه بيتصل ب تولين بعدها قال ف عقله خليها راقده و خش ع استوديو متاعه لي في صورة سيلفي ليه هو و تولين
شافلها لعند رقد بدون ما يركز ع روحه
****
الكل عنده قصه و آخر الليل الكل رقد ع خاطر ينوضو الصبح ووراهم قصص و حاجات ما يعرفهش غير رب العالمين
بينما الناس راقده و ف حد قاعد ف المستشفي  لجماعه 5 بشري
مالك: يقطع الطب و يقطع 7 سنين لي قريناهم و ضيعناهم ف القرايه
أحمد صاحب مالك د. توليد: بكره بتمشي للمكتبه انت و باقي القروب
مالك: لالا بنروح نرقد تي صارلي موقف اليوم مع بنت غبيه بكل ي راجل معش عندي لها جو الجامعه فوت خلينا نمرو ع المرضي..بكره ورانا قرايه و امتحان الجراحه الاسبوع الجاي
أحمد: تي شن قصه البنات معاك انت فهمني بس و هو يضحك ..تمام هي اطلع و توا نجي وراك
مالك: تمام هي طالع..وقف مالك طالع و خطرله موضوع الصبح متاع السياره يييشششش شن التفكير هدا مش وقت التفكير ف حاجات زي هكي

******
الكاتبة: هديل بن عامر

عبدالله: ع الفون انتي عارفتيني من نحب كنك هبله و شن فيها كان بحتتت فيا انتي مش واثقه فيا يعني
سارة: ااه لالا !! قصدي لا واثقه فيك بس هنا مش واثقه فيهم انت ليش تبيش تفهم ي عبدالله
عبدالله: حبيبي ،عيوني، قلبي خلاص نكد عاد هيا فكينا
سارة: حاضر ي قلبي عارف قريب يإذن الفجر و نحن نحكو..انا نعست
عبدالله: قاعد معاك ع سبه ما تقوليش ما كلمنيش اصلا يخون فيا هدا بيش تتتاكدي اني نحكي معاك انتي بس
سارة: هابا منك ي بلعوط
عبدالله: شنو؟؟؟
سارة: لا شي تصبح ع خير
عبدالله: وين بوستي باهي
سارة: بكره بكره باااااي
عبدالله: هربتي اليوم، باااي و صكر الخط

*****

تولين ناضت فجأة م نومها لقت رنتين م مهند جربت تتصل تشوفه واعي و لا راقد
مهند: حبيبي وينك امبكري رنيت عليك وينك بصوت ناعس
تولين: أها ي قلبي كنت راقده انا باهي خلاص نخليك ترقد
مهند: كنك تبي تحرميني م صوتك انتي
تولين: بضحكة خفيفه لا مش هكي والله كنت نبيك اتريح بس
مهند: راحتي ف صوتك ي جنه قلبي
تولين: ي حليلي م كلامك السمح..باهي ما تنسش ان ورانا جامعه و محاضرات ارقد
مهند: ديما اديريلي ف الجو هدا انتي مش عارفه عليش كل ما خاطري نحكي معاك توزعيني و تتهربي مني
تولين: مش هكي قصدي والله خلاص خليك باهي
مهند: لا ارقدي تريحي خير ما عيونك يطلعو كان ما ترقديش..تصبحي ع خير
تولين: بصوت زعلان و انت م اهلو..و صكرت الخط
ديما مش فاهمني هو والله مش عارفه كنا هكي حصله المهم خليني نخش نشوف الانستا و خلاص و نرقد
خشت ع الانستا تبي تشوف عدد المتابعين و خشت تبي تلغي الفولو م الناس لي مش متابعتها و فجأة شافت و بدت تخش و تطلع م البروفايل
تولين: كيف هدا نتابع فيه و اخري م 2017 انا ضايفته عندي و لا متفاعل معايا اخري.. هالبارد خزززي البليددد تشوف لصوره عليك شكل شين
خليني نرقد و ان شاء الله ما يطلعلي كابوس بعد شوفت هالشكل المقرف
تولين: غطت وجهها و غمضت عيونها و رقدت طول

#يتبع