دكتوري (مكتملةة)

رواية دكتوري ، الحلقة 9

الحلقة 9

تولين: شافتله بنظرة استحقار
الشاب: اسف سامحيني ، و انتي الغالطة فـِ حد يمشي و هو ملتفت شوفي قدامك بعدها احكي
تولين: انت اصلا هدي مش اول مره تقريبا، كأنك متقصد كل مره انتلاقو فيها أدير فـ لفت انتباه و أدير حاجه تقهرني
مالك: انتي كنك تحكي واجد، بعدين لفت انتباه انديره لك انتي، حسيتك صدقتي روحك ؟؟
تولين: نعم ي استاذ انت شن تحساب روحك، أساسا انا النماذج لي زيك مش ستايلي و حركات متاعك واضحه لفت انتباه و مره اخري شوف و انت تمشي،،و فجأة سكتت خافت لما شافت مهند جاي م بعيد، خلاص حصل خير باي ومشت بسرعه قعمزت عند كراسي متاع البوابه هي و انتيماتها
مالك: هدي كنها، و الله شكلها مش طبيعي و هو يشوفلها و هي تمشي، المهم شن دخلني بيها خليني نخش نشوف هاشم و أحمد طلعو م المكتبه و لا و كمل طريقه

*********
الكاتبة: هديل بن عامر

نورا: بتجن بكره و لا
تولين: لا مافيش وحده فيكن تجي لان بكره ع الاقل ناخدو رست م الجامعه و قرفها و نجهزو روحنا لبيان سالي نسيتن
ريماس: حي خطرتي عليا تصدقي نسيت بعد بكره هو صح؟
تولين: أي صح ماهو عقلك مش فـ صاحباتك عقلك فـ حمادي الحب و ضحكت
نورا: مش غير أسأليني انا عليها هدي
سارة: حي شن بتلبسن خطرها خلونا نلبسو نحن كلنا زي بعضنا ع خاطر نكونو مميزين
اماني: عجبتني فكرة سارة خلاص بنلبسو كلنا نفس اللبسه و نفس اللون، شن رايكن
تولين: عادي مافيش مشكله حلوه الفكره
نورا: حتي انا عنديش مشكله و حتي انا عجبتني
ريماس: فكرة مميزه زي صاحبتها و غمزت لسارة، حبيت الفكره بكل
تولين تمام معناها بكره نطلعو مع بعضنا و لا نحجزوها م النت افضل و لا وحده فيكن عندها رأي اخر؟
نورا: انا عن نفسي بابا مش ح يعطيني نشري لأن م اسبوعين شريت كم لبسه ع خاطر الجامعه و مش ح يشيلني انا و ريماس فـ النت احسن راي
ريماس: اها صح ي بنات والله فلسنا بـ بابا بكل
سارة: حتي انا بابا مرات مش ح يفضالي النت احسن زي ما قالت نورا
اماني: انا بابا عادي ما يقول شي لكن لو تبن تشرن م النت خلاص حتي انا معاكن
راوند: حتي انا عادي نقول لسالم يشيلني و لا اختي بس نحس النت يعني أسرع واحسن ما اننا نمشو و قصه
تولين: تمام اتفقنا ح نشوفو حاجه ع النت تعجبنا و نطلبو ديلفري يجيبها عند حوش وحده فينا، بس م تطلب لان انا خلاص شعفت بضحكه
نورا و ريماس: لالا انتي بالذات الله يربحك خليك بعيد ع الديلفري
و طبعا قرب مهند و هو يسمع فـ موضوع لي يحكن في وقف بعيد شوي و قعد يشوف لـ تولين و هي تضحك مع صاحباتها مالاحظتش حتي وجوده م كثر ماهي متحمسه للموضوع
اماني: ساكته كيف لي سارحه فـ عالم بعيد عن موضوع صاحباتها قطعت تفكيرها راوند
راوند: وين ي عيوني، حسيتك رحتي
اماني: اها و ضحكت لا شي شن قالن البنات اتفقتن ع ديلفري
راوند: تي خشينا حتي فـ لبسه فرح سالي، وين انتي فاتك واجد راه بضحكه
مهند: يشوف لتولين و هي تضحك محلاها و محلا ضحكتها، امتي بس ربي يعطيني و يخليني انا لي نجيبها و انا لي نروح بيها و قطع تفكيره سند صاحبه
سند: وين و انت كل شويه فايتنا و كل ما ندور عليك نلقاك قدام تولين خلاص خفف علينا ي روميو و ضحك بصوت عالي لدرجه البنات لاحظن وجود سند و مهند لي واقفين قريب منهم
مهند: ليا ساعه واقف هنا ماحد ركز عليا الا لما جيت ي متاع الفضايح فضحت بيا و خلاص ، وبعدين وين حبيبتك انت؟؟
سند: ليش اذكر فيا بـ المواجع، حبيبتي خديتها انت و صحه عليك
مهند: كيف ؟؟ شن قصدك و اين حبيبه خديتها انا
سند: فوت فوت مش موضوع جوك تمام انت وتولين
مهند: اها تمام ، كيف سيبت انت و فاطمه
سند: قصدك فاطمه هدكي لي معانا فـ المدرج
مهند: شكله فـ غيرها
سند: بضحكه قصدي هكي تمشايه وقت بس راه خيك حب مره وحده وبعدها طار الحب م القلب لما خدوا
مهند: ربي يعوضك ي غالي و مشو مع بعضهم الكافتيريا و مهند قبل ما يمشي شاف لـ تولين ضحكلها ضحكت حب و هي بادلاته نفس الضحكه و مشو
تولين: فـ عقلها محلاه لما يكون رومنسي و مرزن دمه لما ينكدها عليا بس و ربي نحبه، و تراقب فـ بعيونها لعند وصل لدروج متاع الكافتيريا و اختفي م عليها و قطعت تفكيرها نورا
نورا: تولين شن صار معاك انتي و مهند ماحكيتليش شفته ضحكلك تفاجأت الحق و ضحكت
تولين: اي تصالحنا بس نخاف م بعدين شن داسلي وشن بينكد عليا اخري
نورا و اماني: بضحكه ما بعدك والله و الكل يضحكو ع حركات مهند المجنونة و بعدها كل مره وحده فيهم بدو هلها يجو ياخدوها و تروح لعند تولين قعدت أخر وحدة تأخرت عليها السواقه تتصل بيها ما تردش و مهند واقف مقابلها و ماعندش رصيد يتصل يشوفها شن صاير معاها و الأمن واقف ما يقدروش يقربو م بعضهم و شبه الجامعه كلها روحت ماعادا تولين و مهند و كم بنت مهند يشوف لـ تولين بتوتر وخايف عليها لأنها بروحها
و تولين تشوفله و هي خايفه و متوتره بعدها اتصلت بيه
تولين: مهند السواقه ماتردش عليا
مهند: ما تخافيش ممكن بس مش جنب الفون او مش فاطنتله اكيد عارفتك توا تجيك اصبري بس
تولين: تمام حاضر بصوت متوتر
مهند: باهي قتلك
تولين: نعم
مهند: امشي للمكتبه قوليلهم نسيت شيتاتي و توا نلحقك
تولين: تمام، وقفت مشت جهه المكتبه وقفلها واحد متاع الأمن وين ي دكتوره
تولين: للمكتبه
الامن: تمام
و مشت كملت طريقها الجامعه تخوف لانها فاضيه الطلبه ينعدو ع الأصابع و شادة الفون و ترن ع السواقه
مهند: جاء خلعها و هي تمشي
و تولين م الخوف بدت تصرخ بصوت عالي مهند حط يده ع فهمها و هو يضحك م كتر خوفها لما خلعها تولين شافت لمهند هدت
تولين: مبردك مرزن دمك خلعتني وربي قلبي كان ح يوقف منك
مهند: بعيد السو ع قلب حبيبي و يضحك و حط يده ع قلبها، ترا نشوف قلبك لي يحبني هدا
تولين: حول يدك مبردك و انت مغلا عليك تصمط عليا وجت بتمشي ، تكمل طريقها
مهند: اصبري نمشي معاك تولين التفتت ع اساس تحساب فـ مسافه بينها و بينه وللاسف ماكنش ف مسافه لقت مهند يبوس فيها ع خدها وحضنها م الجنب
تولين: مهند وقف حول م عليا
مهند: يضحك مش محول شن بديري هي،
تولين: حول بصوت عالي
مهند: عيطي زي ما تبي مافي حد ح يسمعك ، عطيني بوسه توا نسيبك
تولين: تحلم انت، مافيش بوسه لا شيئ
مهند: شدها بالقوه ، قاللها تبوسي و لا نزيد
تولين: ي بارد حول ي بارد كنك انت اليوم شن تحس،
مهند: نحس فـ قلبي يبي بوسه، هيا عطيني خيرلك
تولين: مافيش ي سخيف حول بصوت هادئ بكل، وجت بتقرب م خده بتبوسه رن فونها جاء مهند فكها
تولين: ابله فايزه كنك شغلتيني ان شاء الله خير طمنيني فيك شي
ابله فايزه: سامحيني ي قلبي والله العظيم كنت نوصل ف بنت خويا و نسيت تلفوني فـ الحوش لعند رديت توا خديت و جيتك سامحيني بنيتي
تولين: لا عادي و لا يهمك، جيتي و لا مزال
ابله فايزه: قريبه منك حبيبتي انا توا عند جزيرة متاع الجامعه بس خليك قريبه م البوابه
تولين: تمام باي و صكرت