رواية دكتوري
الحلقة 10
تولين: مبردك خلاص نعسانه بنرقد
مهند: حتي انا بنرقد هي خلينا نرقدو ، تصبحي ع وجي ي حبي
تولين: و انت م اهلي،، و ك العاده رقدو الاثنين و هما ع الخط
*******
تاني يوم
راوند : تتصل بـ تولين و سارة و نورا و اماني مكالمه جماعية ع الواتس
تولين: صباحو حبيباتي، شن جوكن تاحشتكن اليوم
(طبعا ح تستغربو فـ لهجتي بس م كتر حبي للهجةة الغرباويه لدرجه ممزوجة لهجتي بـ اللهجة الغرباويه مع الشرقاويةة يعني مش مزعله لا غرب لا شرق ههههه)
سارة: مش تمام، و ما تساليش ليش!!
راوند: الحمدلله بخير
تولين: عارفه ع قصة عبدالله صح ، فوتي مصيره مع الايام ح يجيك و ح ترديله لي داره بدال الصاع صاعين ووقتها ح تكون محبتك ليه بردت
اماني: اهو ماشي الحال
نورا: تمام و أنتي
تولين:تمام ،قتلك ي نورا كنها ريماس مصكره النت ؟
نورا: سهرانه امس مع الحب طبعا فرصتها لان مافيش جامعه اليوم
تولين: اي تمام ، شن صار فيكن حصلتن لبسه م النت و لا مافيش وحده فيكن دورت طبعا
راوند: لقيت لبسه حلوه بس توا نبعتلكن الصورة
اماني: حتي انا فـ لبسه عجبتني بكل لقيتها فـ عزو فاشن فرع فينيسيا
نورا: اوه عزو ستايله خيال بدون ما نشوفها اكيد حلوه
سارة: ورونه طبعا انا مقاسي مقاس اطفال ان شاء الله نلقي مقاسي بس
تولين: و هي تضحك ع كلام سارة، كم مره قتلك امشي دكتورة تغديه لكن انتي عاجبك ، المهم وحده فيكن تخش تحكي مع عزو و تقوله ع المقاسات و ع الديلفري
أماني: صح فعلا انا وسارة أحرف م بعضنا الحق
سارة: خليني ساكته حقي مهضوم فـ كل شي انا قالتها بضحكه
نورا: اها صح معناها نقولو لصاحب المحل ع المقاسات و يبعتهن لان مزال حاجات واجد و رانا
تولين: هيا اوقفن واكيد كل وحده مزال ما رتبت حوسه حوشهم معش فـ وقت انتلاقو فـ الليل ع النت كملن حوستكن و جوكن و انتلاقو بنات، باي
نورا: تمام ي قلبي انتلاقو
اماني: تمام خلاص باي
سارة: نورا ذكري ريماس ع الاقل تنوض واتلحق تكمل حاجتها
نورا: تمام ي حبي توا انوضها
راوند: أها صح معش عندنا وقت ان شاء الله نلحقو اليوم، باي
صكرن الخط و كل وحده مشت لهت فـ حوستها و فـ روحها، لي تستشور فـ شعرها ع خاطر بكره ترد عليه ع الخفيف و لي خشت تدوش و لي دارت حاجات بنات و لي شافت لي ناقصها بكره خاطي اللبسه و هكِ يعني تعرفو التفاصيل لما تكون عندك دفع و بيان صاحبتك المقربه
*******
الكاتبة: هديل بن عامر
تولين تحكي مع اختها اسيل
اسيل: شن قررتي تلبسي انتي بكره؟
تولين: مزال الحق ما نعرفش، لكن اتفقت انا و البنات ع لبسه بيحجزن فيها و بتجينا ديلفري و الجو هدا
اسيل: اهااا، باهي ماشاء الله دايرات جو مع بعضكن، خطرها شن صار ف امتحاناتك؟
تولين: حي ما تخطريش عليا بالله الاسبوع الجاي بيبدن
اسيل: حتي نحن بيزرونا فـ الجامعه ، و شن جو بونسيب معاك، مزال نكدي و لا عقل قالتها بضحكه
تولين: اي شن بيغير في
اسيل: ماما يومتها سالتني قالتلي مزالو مش ناويين يقدمو و ما تبيش تسألك انتي تحسابني نعرف شي
تولين: كككيفف هو جاب امه و هكِ و توا يدفع اكيد
اسيل: اها، المهم نظمي امورك انتي معاه انا لي عليا حكيتلك، و توا بنمشي نقرا
تولين: تمام ي قلبي، و كانت بتحكي قطع كلامها رنت مهند
مهند: وين ي حبيبي كان ما نكلمكش ما دورينيش بكل
تولين: انت متعود شن الجديد يعني و انا تعودت انك انت لي تتصل
مهند: هدا لأني نحبك اكتر منك
تولين: تكدب انا اكتر
مهند: نسألك سؤال و جاوبيني بصراحه
تولين: اسال خليني نسمع
مهند: لو يوم غبت عليك و انتي متعوده اني انا لي نتصل و نهتم و نفقدك لو فـ يوم ما اتصلتش لعند تاني يوم، و انا صايرلي حادث و لا ميت شن اديري وقتها لما تسمعيني فـ اخر لحظات الموت
تولين: كم مره نقولك فكني م اسألتك البايخه، و بالذات السؤال هدا مانحبش تعرف اني نكره الكلام ع الموت
مهند: عارف بس خاطري نعرف الجواب متاع السؤال، لدرجه م كتر ما خاطري نعرف نبيها تصير معايا حقيقه ع خاطر نعرف شن بديري بعد ما نموت
تولين: حبيبي مش ح يصير خير فيا لأني متعوده عليك و توا خشينا قريب سنتين مع بعضنا وانا ماعمري فـ حياتي ما حبيت حد غيرك و لا عمري عرفت راجل قبلك فـ انا نحبك انت بس، و مش ح تكون ساهله عليا نتحمل شي فيك،
مهند: تولين نبيكش تسيبيني مهما يصير بينا هزبي،عيطي عليا، اقلبي وجك، ديري اي شي الا البعد نتحملش يوم بدونك و ربي وصحت امي نعشق التراب لي تمشي عليه، و ننكلب لما نشوف نسمه هواء تلمس وجك ما بالك راجل غيري شوفي شن يصيرلي
تولين: مهند انا مستحيل نستغني عن شخص نحبه بسهوله الا فـ حالة الخيانه او الكذب، اعتبر اي بنت تخش حياتك ح يكون آخر يوم بيني و بينك، غير هكي مستحيل نسيبك بروحك
مهند: عارفه اني نحبك صح؟
تولين: و تعرف اني نموت فـ حبك صح؟
مهند: ربي يخليك ليا و لا يحرمني منك العمر كله
تولين: امين، خلاص هيا خليني نكمل شعري نبي نستشور
مهند: عليش ،نبيش نصكر انا شن بديري هي
تولين: ماهو قتلك امس ان سالي دفعها بكره زهايمر؟ عادي اقعد ع الخط و ح نستشور نتحشم الا منك يعني
مهند: عارفك بارده ، باهي ما تطلعيش سمحه واجد بكره و ما ديريش ميك اب واجد، ع خاطر ماحد ينعجب بيك و ياخدك مني نغار راه،، خطرها شن رايك فـ بوسه امس؟؟
تولين: ي حليلي م لي يغار،، تحشمت م سؤاله، و توترت باههي نستششوورر ونككلممك
مهند: وهو يضحك تتحشمي مني صار باهي حبيبي خلاص باي كملي و رني عليا نبيك
تولين: تم باي و صكرت
*******
أنت تقرأ
دكتوري (مكتملةة)
Storie d'amoreالكاتبة: هديل بن عامر ..رواية : دكتوري قصة حقيقيه م ارض الواقع و إضافة بسيطه م الخيال تتكلم ع مجموعه طلبة طب ف جامعة العرب و اغلبهم م نفس الجامعه حبو بعضهم و في لي م جامعه قاريونس و كل شخص فيهم قصته تختلف عن الاخر بس لي جمعهم هو الحب و في لي النصيب...
