رواية دكتوري
الحلقة 13 و 14
اماني: نورا و سالي هي نخشو لمدرجنا مانبيش نحضر هدا دكتور حمار ما يعرفش يشرح و تجي كلمه دكتور حمار ف وذن الدكتور ، اماني مسكت ف يد صحباتها و بتاخدهن و تمشي و تسمع صوت م الخلف ،معلش لو سمحتي ارجي
أماني ف بالها حي عليا سمعني شكله حي توا يهزب ح يحرجني قدامهم، مش مهم ح نشوف كنا عليش بنخاف و التفتت
اماني: نعم تفضل
د. اصيل: شكلك نسيتيني مش إنتي البنت لي امس و شير بيده انها طاحت ،قدام الطلبه و الطالبات ان شاء الله رجليك ما يوجعوش فيك اليوم
اماني: لا دكتور الحمدلله ما يوجعوش،
د. اصيل: سنه كم و شن تخصصك
نورا: قرده ما حكيتيلنش عليه السمح هدا بصوت واطي
اماني: اسكتي توا شن نقوله نكدب و لا نصارحه ع تخصصي، بعد تفكير طويل ردت، كلية الصيدله سنه اولي !!
د. اصيل: اها نعطي ف محاضره ف مدرج سناء كان مش فاهمه شي تقدري تحضري
اماني: اها شفتها ع النت امس ، ان شاء الله توا نشوف صحباتي كان مش فاهمات نحضرو و جت بتكمل طريقها و تمشي
د.اصيل: المحاضرة تبدأ الساعه 12:00 كان بتحضري
أماني: تمام و شافت ل نورا و سالي لي قاعدات مش عارفات شي و مصدومات
سالي: هدا متاع الكافتيريا صح؟
أماني: اها صح
سالي: عنجد الفضايح و شكلي امس كان شين بكل و بكيت المشكله زي البيبي قدامه ياربي شن ندير
نورا: طيحي ي هبله شكله عسل و كويس بكل والله
اماني: شني نطيحه هدا فكيني عارفتيني مانحبش الجو هدا و بعدين هو دكتور يعني ح يكون دكتورنا و يقرينا عنجد تصير بينا علاقه اشششش شن التفكير الغبي لي تفكر فيه مستحيل مستحيل
سالي: اهدي اهدي خلاص وسعي بالك كنك هبله انتي
نورا: اهدي ي عمري بس كان طاح فيك بدون ما اطيحي ف هدي فرصتك
اماني: نورااا فكيني قلت بصوت متعصب و كملن طريقهم و خشن لمحاضرتهن
********
ف المدرج
مهند قاعد حدا تولين بعدها سارة و حداها عبدالله و بعدها راوند قاعده ف الكراسي لي قدامهم
تولين منسجمه ف المحاضرة و قاعده مع شرح الدكتوره و مهند يرسم ف شكل الدكتوره لأنها كانت مليانه يشير بيده لتولين انها تشوف للدفتر متاعه و لما شافت لقاته راسم مدام نفيخه و كاتب عليها هدي الدكتور الدبه لي قاعدة تشرح و بدت تولين تضحك و طبست راسها ع المدرج و مهند حط يده ع فمها بيسكتها مشت تولين عضاته ع يده و بدا يعيط و بعدها ركز ع روحه سكت طول
مهند: والله تشوفي عليها العضة توا نردها لك باهي
تولين: ههههههه هدا كان قدرت اصلا
مهند: تمام تولين
و بعدها شدت يد مهند و شافتله و ابتسمت شافلها حتي هو و أبتسم و همسلها نحبك و عطاها بوسه م بعيد تولين عضت شاربها الدكتورة ي غبي مهند عض شاربه حي عليا نسيت و ضحكو هما الأثنين مع بعضهم و شد يدها و خدا بيرو ورسم ف يدها سمايل حزين و شكله شين ع اساس يشبه تولين بعد تزعل بعدها رسم نص قلب ف يدها و النص الاخر ف يده هو و لصق يديهم ببعضهم وضح القلب كامل و كتب ع يدها انح و ف يده بك و بدو يصورو ف يديهم و يعيشو اللحظات الرومانسيه و نسو المحاضرة بكل
مهند: شوفي شوفي لراوند قاعده بروحها حرام مافيها الا نعرفها ع واحد م الشباب لي نعرفهم و تفوت هدكي
تولين: تفوت عينك ، تحبه حي عليك
مهند: و لا شن رايك نجوزكن انتن الاثنين و خلاص اصلا انتن صاحبات وحده اطيب ووحده نتفرج عليها و نرقد معاها
تولين: فكت يدها م عليه باهي نظم امورك لكن انا انساني
مهند: ي عليك قصه كل ما نبصر انساني ما نبيش ننساك ي غبيه نحبك انا
تولين: كداب ، معش تحكي معايا
مهند: و صحت امي و ربي نحبك ،بالله آخر مره نقرم شوفي شوفي عبدالله و سارة نحس ف روحي تقول مقعمز حدا باتي و امي باردين بكل يارا ساكتين و مافيش اي لقطه حب بينهم، مافيهمش جو بكل
تولين: تحساب كلهم باردين زيك ي بارد
مهند: لالا نحساب كلهم عندهم بنت سمحه و طفوليه زيك والله ي بابي نحبك ، هيا ليا زمان ما سمعت كلمة بابي منك
تولين: لالا مش بابي بنقولك بابا خير ههههه
مهند: نحبك ي بنتي
تولين: نموووت ف حبك ي بابي ههههههه
*******
أنت تقرأ
دكتوري (مكتملةة)
عاطفيةالكاتبة: هديل بن عامر ..رواية : دكتوري قصة حقيقيه م ارض الواقع و إضافة بسيطه م الخيال تتكلم ع مجموعه طلبة طب ف جامعة العرب و اغلبهم م نفس الجامعه حبو بعضهم و في لي م جامعه قاريونس و كل شخص فيهم قصته تختلف عن الاخر بس لي جمعهم هو الحب و في لي النصيب...
