دكتوري (مكتملةة)

الحلقة 16

رواية دكتوري
الحلقة 16

اماني: المهم قوت قلبها و فتحت الباب و نصدمت م لي يعطي فيهم ف المحاضرة ، حي اصيل ي بنات لي جوا
اصيل: شاف للباب لقي اماني واقفه و فاتحه الباب، خشي اماني تفضلي لو حابه تحضري انتي و زميلاتك، دكتورة العضويه اعتذرت ف طلبت م الإداره نمسك نعطيكم هستو بناءآ ع الطلبه لي مش فاهمين حاجات معينه فيه لو تبي تخشي تفضلي
اماني: بدت واقفه و حايره تخش او لا
نورا: اها حتي انا مش فاهمه يوم ما غبت ف محاضره تلخبط عندي بكل بنخش و انتي سالي
سالي: حي حتي انا مش فاهمه بكل اسبوعين و انا غايبه ف نبي نحضر اماني بتحضري و لا
أماني: يعني مثلا بنقعد ف السنتر و لا الساحه بروحي ح نحضر معاكم و خلاص قالتها وهي زعلانه
و خشن الثلاثه حضرن مع اصيل

******

ع الواتس
مهند: حبيبي توا مفروض ف الوقت هدا قاعدين حدا بعضنا و نهدرزو
تولين: عادي الايام جايه نقعدو حدا بعضنا ي قلبي
مهند: مكسده حبيبي
تولين: بكل والله
مهند: باهي شن بديري ؟؟
بعدين بنقول لماما نطلع للسوق نشري كم قميص و بنطلون و جاكاات
مهند: لالا مافيش فكيني م ام السوق خلي امك تطلع تجيبلك انتي لا، ديري بالك تطلعي
تولين: باهي حاضر
مهند: انا مشيت حوش عيت عمي الاخر ع خاطر نهدرز معاك براحتي، تعالي نلعبو لودو شويه نحولك الكساد
تولين: باهي كويس تنسش تاكل، تمام ي قلبي هيا تعال نلعبو
خشو ع اللودو لعبو كم قيم بعدها مهند صكر بيمشي يرد لحوش عمه الاخر لي دايرين فيه العزاء و تولين مسكت ماده تقراها

*******

نورا رن فونها و طلعت م المحاضرة و كان جمال المتصل طلعت تحكي معاه برا و قعدت اماني و سالي
اماني: امتي اتم المحاضرة مليت بكل انا
سالي: اصبري مزال نص ساعه
اصيل يشرح و كل حواسه مع اماني و كل شويه تجي عينها ف عينه
سالي: كنا دكتور اصيل يشوفلك بصوت واطي
اماني: و انا شن بيعرفني يعني

******

و تمت محاضرة ريماس و طلعت اتصلت ب حمادي
حمادي: باهي لي اذكرتيني
ريماس: خززي عليك و امتي نسيتك ي عمري
حمادي: نبصر عليك حبيبي، قتلك بكره ماشيه للجامعه
ريماس: اها اكيد الفتره هدي كلها مراجعات ي عمري، كنك تبي حاجه
حمادي: يعني نسيت جيت امي و كيف بتلحقي تروحي م الجامعه و تجهزي روحك
ريماس: حي سوري سوري حبيبي و الله نسيت بكل، تعرف بطني بدت تقطع م توا م الخوف
حمادي: شن قلنا عاد ي حبيبي، راه الكلام هدا يضايق فيا انا
ريماس: باهي حبيبي اسفه معش نفكر هكي
حمادي: حبيبتي والله انا فرحان بصراحه نحس ف روحي متفائل بكل اخري
ريماس: ان شاء الله لي تفكر في يصير ي عمري

******
الكاتبة: هديل بن عامر

سارة: ف المدرج حداها عبدالله و م جهه الاخري راوند
راوند: مليت بنطلع شرحه اعيي بكل الدكتور هدا مافهمتش شي ، راسي تصدع بكل من كثرت كلامه
سارة: حتي انا كان نلقي نطلع مليت بكل، و عبدالله رايح ممل و ساكت
راوند: هههههههه اسكتي راه يسمعك يعزقك م فوق المدرج
سارة: ههههههه شكله هو اصلا راقيله
عبدالله: كنك بتطلعي
سارة: لا حبيبي ، انت بتطلع؟؟
عبدالله: اها مليت انت ب احضري و انتلاقو بعدين
سارة: باهي ي حبيبي تمام
راوند: ي الله عليك إفراج بصراحه و اخيرا
سارة: خزززي عليك ي بارده ، هيا خلينا نمشو للكافتيريا بالله
راوند: و هي تمسك ف شنطتها و شيتاتها هي حبي
و طلعن الاثنين للكافتيريا و لقو ريماس قدامهم واقفه ع المرايا
راوند: والله سمحه راه ، ما كلماتكش تولين؟
ريماس: ي حليلي انا، لا والله كلمتنيش
سارة: غريبه القرده ما دورتنش بكل
ع خشت نورا عليهم ف الكافتيريا، كملتن محاضراتكم ي خاينات
سارة: عليش خاينات؟
نورا: لانكن طلعتن و كلمتنش، تعرفن حي عليا م اماني طلعت م المحاضره نحكي مع جمال معش رديت خفت ما يخششنيش
راوند: دكتور من عندكم ؟؟
نورا : راجل اماني هههههههه
سارة: اماني لالا هدي مش متوقعتها بكل اماني مش متاعت زواج و ارتباط بكل ممكن صديق هدي صح
ريماس: كيف راجل اماني شن تحكي انتي
نورا: تي نبصر و انتن كلكن نضتن تعيطن، قصدي دكتور اصيل متاع كلو
ريماس: كيف كلو
نورا: يعني معش تعرفي شن يعطي ، تقريبا ف المواد كلهن، لأن هو مش دكتورنا هو دكتور يعطي هكي لله متطوع تقريبا
راوند: اها اوكي فهمت عليك
سارة: خلاص ي بنات بنكلم بابا و بنروح ع الاقل نلحق نقرا شويه نبيش نضيع الوقت كله ف الجامعه حتي انتن روحن هي
ريماس: حي صح حتي نحن لازم نروحو هل حمادي بيجوني بكره ع الاقل انرتب المربوعه و الحوش كله انا و نورا
نورا: لا انا طلعيني م موضوعك بنقرأ
سارة: حي و أخير، باهي و امك؟
راوند: ي خيه و اخيراا جديااات وين هرمنا قولي لأمك ههههه، و انتي ي قرده لي اسمك نورا ساعدي اختك و ادعيلها
ريماس: اختي هدي بارده عطيها جمال بس هههههههه ، لا توا تساعدني عارفتها
راوند: معناها روحن بكري اليوم، معش في وقت و بديري موالح و بتوتي الضيافه و هكي
ريماس: اها هدي هي ما هو خلاص توا نرن ع بابا