دكتوري (مكتملةة)

الحلقة 25 و الاخيرة

رواية #دكتوري

الحلقة 25 و #الاخيرة

ل هلها و طبعا تولين خشت دارها و بعدها بشوي اتصل الفون بعد شافت كم مسج وصلوها من رقم غريب مابتش ترد و الرقم كثر رن لعند بعتلها ردي عليا ي تولين ضروري ف قررت ترد لان الشخص يعرفها لي بعتلها مسج ب اسمها
تولين: ايوه ، اهلين
الرقم: مافيش رد
تولين: ايووه من معايا الووو
الرقم: ............
تولين: تسمعي و لا تسمع فيا راه.. شكله مافيش تغطيه عندكم و صكرت الخط
بعدها ب دقيقه جاها مسج اسف ع الازعاج لكن حبيت نسمع صوتك ، تولين عرفت طول ان هدا مهند و فاتت معش دورت

************

تاني يوم ف حوش راوند قاعده ع سريرها دوبك واعيه رن فونها و كان المتصل مراد
راوند: صباح الورد بصوت تاعب
مراد: صباح العسل، شن جوك اليوم ؟
راوند: بخير الحمدلله و انت؟
مراد: كنا صوتك ؟ في حاجه ؟
راوند: كنا لا مافي شي
مراد: حاس ف شي لان صوتك مش طبيعي
راوند: لا والله الحق تمام غير تاعبه و نحس ف روحي مرهقه بكل
مراد: تشغلينيش احكي الحق
راوند: والله العظيم مافي شي غير تاعبه
مراد: باهي تمام ريحتيني، بس م شن تاعبه
راوند: م الجامعة أكيد ، باهي بنوقف توا بنخش نغسل وجي و نصلي و بنفطر و بعد نفضي توا نحكو
مراد: الواضح مافيش جامعه اليوم !!!
راوند: تمينا الامتحاناات ولهم اسبوع كيف بدو محاضرات ما عنديش جو نمشي اليوم
مراد: اها يعني مش صاير شي معاك صح
راوند: لالا اطمن خلاص بنوقف انا خليني نصكر، بين ما هي وقفت حست ب الدنيا ظلمت بكل عليها و لسانها ثقل جت بتحكي ممرا معش قدرت تكمل تحكي لعند فقدت الوعي و طاحت و مراد كان مزال يحكي معاها ع الخط و سمعها طاحت و الفون طاح م يدها
مراد: راوند بصوت عالي راوند ردي عليا راوند وينك شن صار معاك راوند الله يربحك و راس امك ردي عليا راوند مش قلتيلي مافيا شي ردي ي راوند ماهو قتلك ما تشغلينيش مافيش رد لعند خش خوها بينقل منها الماسنجر شاف ل راوند طايحه ف آلأرض شاف ل نبضها ضعيف بكل كلم امه و جابلها اميه و سكر فاقت و شافت لخوها و امها لي خايفين بكل عليها بعدها بدت تستفرغ وجت بتوقف حست بدوخه رفعها خوها و امها للمستشفي طول
سألها الدكتور هل عندك تكرار ف عدد مرات التبول اكتر م المرات الاعتياديه، و الاحساس بالعطش الشديد، التشوش ف الرؤيه، و شعور بالتعب و الارهاق و النعاس الدائم الاستفراغ ، صداع ، غثيان، صعوبه ف التنفس، الآلام ف البطن لو عندك الاعراض هدينا قوليلي
راوند: اها حتي أني فقدت وزني ف فتره شهور بس و مع اني ناكل عادي مافقدتش الشهيه بكل ناكل اكتر م قبل و نجوع
الدكتور: تمام معناها ديري تحليل سكر التراكمي و جيبي ليا توا
راوند: بخوف تحليل سكر ،
الدكتور: اها لان أعراض هدينا أعراض ارتفاع السكر ف الدم
راوند: باهي تمام راوند وقفت بتطلع داخت عليهم و يحسابوها دوخه عاديه لكن للاسف م الدوخه هدي خشت ف غيبوبه
دارولها تحاليل طلع عندها ارتفاع ف سكر التراكمي و ارتفاع السكر كان ف 600 ملغم ديسلتر و التراكمي كان بين 4.2 الي 6.4 و هدا لي خشاها ف غيبوبه لان مرتفع بكل و امها و خوتها كلهم بدو مشغولين عليها بكل و ما سيبوهش جت اختها ف المستشفي فات اسبوع و راوند ف المستشفي طلعت م غرفة العنايه ل غرفه الباطنة و فاقت و امورها تمام بس مزال كل بين فتره و فتره يقيسو ف السكر يبو ينزل طبيعي لعند (80-100 ملغم/ديسيلتر)، و هو مزال وصل عند 350 ملغم ديسلتر و كل هالفتره مراد كان يجي يوميا للمستشفي يشوف ف راوند بدون ما حد يركز عليه يطمن عليها و يمشي و يرد ف اليوم كم مره و طبعا صحباتها كلهن زارنها و شافوها و كان مزال يوم و تطلع م المستشفي