دكتوري (مكتملةة)

الحلقة 6

الحلقة 6

ريماس: خلاص مش مكلمته غير شوفي بابا و هيا وقت ع محاضرتي
يقطع كلامهم رنت فون ريماس حي شكله حمادي يتصل قاعده تفتش ف شنطتها تبي اطلع الفون
و نورا مشت لـ بوها بـ تقوله هيا نمشو
ريماس طلعت فونها و استغربت من رنت فونها لي ما كانتش م حمادي
ريماس: هلا و غلا عاش م سمع صوتك ي قلبي وينك ي ماما معش تسألي
أماني: عاشو احباب قلبك شن جوك انتي و البنات و نورا تعرفي مرايفه عليكن موت ي قردات
ريماس: باهي قوليلي روحتي م طرابلس و لا مزال منسجمه مع خوالك
أماني: تعرفي جووو يهبل ناقص وجودكن أنتن و تولين رايفتلها الحيوانه حتي هي
ريماس: والله حتي نحن رايفنا عليك ما قلتيليش امتي بتروحي
أماني: الايام هدي ان شاء الله، قتلك ماشيات الجامعه اليوم
ريماس: اها كنك ؟
أماني : لا شي غير نسأل ي قرده،، قتلك قولي ل نورا تسجلي المحاضرات امس شفت ع الفيس ف قروب الدفعه ان منزلين موعد الامتحانات!!
ريماس: اها والله ريتي قربوهن قهروني بكل،،و احسن ع الاقل تروحي سادك شهر و انتي بعيده علينا
أماني : هههههههههه خزي عليك والله حتي انا نبيكن و توا نجيكن
و فجأة يقطع كلامهم صوت نورا
نورا: ريماس هيا حبيبتي بابا يرجي فينا ف السياره راه
ريماس: حي بابا يرجي فينا قتلك ي قلبي كان هكي توا نرن عليك لما نوصل الجامعة
أماني : خلاص ي عمري انتلاقو..
ريماس: كيف
أماني: قصدي انتلاقو ع الفون ي همي حمادي واخد عقلك و مخلي استيعابك بطئ بكل الحقي روحك بضحكه هزوة،، المهم خلاص ردي بالك ع روحك ي قلبي وسلميلي ع البنات

نعرفكم ب أماني انتيمت تولين و م 2001 بس خاشه المدرسه بكري و تقرا مع دفعه نورا ف كليه الصيدلة مع بعضهم بس حتي هي تحضر مع تولين خوالها م طرابلس و ديما تمشيلهم و ح تعرفو قصتها اكتر ف باقي الحلقات

لمهم ريماس صكرت الخط م أماني و طلعت تجري ع السياره و شافت وجه نورا راقيلها و بوها راقيله ركبت السياره بهدوء
ريماس: صباح الخير بابا
بوها: صباح النور
المهم طول الطريق ساكتين لعند وصلو عند البوابه رن فون نورا
نورا: حي جمال يتصل قالتها بصوت واطي لـِ ريماس
ريماس: اهو بننزلو ردي عليه توا
المهم نزلو و ردت نورا ع اتصال جمال و هي بترفع عينها بتخش الساحه قابلها جمال
جمال: طالعه طرف اليوم محلاك و محلا لبستك
نورا: ضحكت ضحكه خجوله ووجها انحمر بكل عيونك الحلوات
جمال: نعليا م الحشم ياربي انا
نورا: باهي كنك واقف قدام هكي
جمال: تبيني نجي نقرب منك احسن حتي انا فكرت فيها اصلا هكي خير
نورا: لالالا مش هكككِ يعني مش هكِ
جمال: اهدي اهدي بشويه بس ههههههه
نورا: لخبطتني انت قصدي مش هكِ انا يعني ما تقعدش واقف قعمز بس
جمال: ماهو نبيك توصلي لمكانك و تقعمزي بعدها انا نقعمز
نورا: بنخش للمدرج
جمال: و انا بنخششك و نمشي انتي عارفه
نورا: عندك محاضرات انت
جمال: اها و هو زعلان قالها
نورا: كنك ؟؟؟ زعلان صح و لا في حاجه
جمال: لا بس مانبيش نسيبك قبل بنقعد معاك لعند نهايه الدوام بس
نورا: لا عادي ي قلبي محاضراتك اهم
جمال: مافي شي اهم م عيونك و راحتك عندي
نورا: تحرج فيا انت راه
******
الكاتبة: هديل بن عامر