دكتوري (مكتملةة)

الحلقة 8

الحلقة 8

جاء الصبح فـ حوش سارة و فجأة اتصل الفون و كانت متوقعه الاتصال يكون م وحده م انتيماتها لكن تفاجأت لما لقت المتصل بيها
عبدالله: حبيبي صباح النور
سارة: صباح الخير، ان شاء الله خير؟
عبدالله: كنك تحكي هكي معاي
سارة: عبدالله نحن ح نلعبو و لا شني
عبدالله: وضحي
سارة: قصدي لنا سنه مع بعضنا و عارفين بعضنا كويس..لو انت عاجبك الجو انا لا ،،كل مره كنت نمشيلك و نشوف بعيوني و ندير روحي ما شفتش، تعبت م خيانتك لي قدام عيوني، قلبي يوجع فيا و ما نبيش حد يعرف و نكمل فيها ضحك
عبدالله: تبيني نبعد
سارة: يكون هكي الافضل ليا
عبدالله: و انا باهي ؟
سارة: كمل يومك كم مره مع وحده
عبدالله: يعني عاجبني هكِ ، كم مره نقولك نحبك انا و نبيك
سارة: و كم مره نقولك مليت م خيانتك لي نشوف فيها فـ وسط الجامعه احرجتني قدام صاحباتي اخري
عبدالله: انا شن ندير؟ لي كيفي ما يحبوش مفروض، لي كيفي ما يحلموش بمستقبلهم، انا كنتش هكِ لكن لما حبيتك اضطريت غصبا عني ندير الشي هدا ع خاطر انتي ما تتعلقيش بيا، بس شعورك و جرحك مش ح يكون اكتر مني لي نبعد فيك عليا
سارة: تمام صبح و حسيت ان حكينا واجد لذلك نبي نصكر و ربي يهنيك
عبدالله: لو ربي يتقبل دعائك هدا فـ نبي يهنيني معاك انتي بس
سارة: تمام ان شاء الله، باي و صكرت الخط و حطت يدها ع قلبها،، ليش حظي هكي فـِ الحياه تنهدت بالقوة و غمضت عيونها و قالت يااارب انت تعرف محبتي له

******
مهند و هو ع الخط: تولين ، تولين، مازلتي راقده
تولين: نعممم
مهند: نوضي عندك محاضره
تولين: بصوت ناعس بكل نبيش نمشي انا اليوم
مهند: و انا نبي نشوفك لالا ما تغيبيش، نبيك
تولين: بنرقد
مهند: انتي راقده م امس و جوك سمح ، و انا م امس مزال ما رقدت و انا نفكر فـ الموضوع لي قاهرني
تولين: باهي ارقد
مهند: ربي يعطيني البرود لي عندك هدا بس
تولين: امين

*********
فـِ حوش راوند لي ناضت ع صوت م المنبه س 8 و نص ولقت مسج م مراد (حبيبتي انتي راقده و انا ما عرفتش نرقد نفكر هلك زعمك يرضو بيا و لا ، عارفتيني نحبك اهم شي ما نبيكش ترخي بيا نودي، تنوضي طمنيني) كان المسج م س 4 الفجر
قعدت واقفه فـ مكانها و هي تفكر فـ كلامه

اما فـِ حوش نورا و ريماس فـ كان الكل راقد و فون ريماس داير ازعاج فـِ الدار
نورا: ناضت مخلوعه م رنت فون ريماس ،، ريماس انتي نوضي فونك يرن
ريماس: اقفلي الفون بنرقد
نورا: حمادي يتصل نصكر الفون يعني؟؟
ريماس: قعمزت طول و شدت منها الفون ،،الوو حبيبي
اماني: حبيبك عينك ، كنك راقده لعند توا
ريماس: تاعبه بكل والله
أماني: باهي اوقفي نبيك فـ موضوع بعد تمشي الجامعه قوليلي و لا ابعتيلي ع النت
ريماس: تمام باي
********
جاء الصبح و الكل ناض و مشي للجامعه بدون نيه و الزعل مسيطر ع قلوبهم م القصص لي صارتلهم امس

فـ الكافتيريا
تولين : بنات م لي عندها محاضرة توا ؟
نورا: انا عندي بس و انتن متنكدات هكِ ما عنديش نيه نحضر
ريماس: حتي انا عندي فسيو بس ما عنديش نيه نحضر
سارة: حتي انا ما عنديش جو نحضر و كان نلقي نكلم بابا يجي يروح بيا نبيش نطول جيت ع خاطركن بس
راوند: شاده الفون كانت تراسل فـ مراد، حتي انا لي تبن اديرنها معاكن
تولين: يعني كلنا مضروربين بنفس العصا و ما عندنش نيه فـ شي و بعدها شافت لفونها لقت مهند يتصل بيها
مهند: كنك ما تردي م بدري و انا نتصل؟
تولين: سوري دايرته سايلنت و ما ركزتش عليه الا توا
مهند: جوك تمام ؟
تولين: اي و انت؟
مهند: مش تمام
تولين: كنك؟ شن صاير معاك ؟
مهند: لان ما شفتكش
تولين: اي ، ماهو لما خشيت م البوابه شفتني فـ الساحه
مهند: قصدي مش هكِ متعود نقعد حداك و نهدرزو و نشوف الضحكه السمحه
تولين: اي عادي يوم هكِ و يوم هك
مهند: مازلتي زعلانه مني؟
تولين: لا عادي شبه تعودت مش يوم او اتنين و انا نحترم غيرتك
مهند: باهي سامحيني انا ندير فـ الشي هدا غصبا عني لأني نحبك والله
تولين: ماهو قتلك عادي ، و فجأة سكتت تولين و تشوف لجهه لقدامها و مصدومه و بعدها بدت تعيط م الفرحه البنات شافن لتولين تعيط نصدمن و بعدها وقفن حتي هنا يجرن فـ جهه لي واقفه فيها اماني
اماني: رايفتلكن بكل و كنكن وجوهكن شينات هكِ زعلانات لأني مش معاكن صح
تولين: تحضن فيها و تبكي و الله تاحشتك و اخيرا لي جيتي
نورا: قريدتي حمدلله ع سلامتك
ريماس: واااو و اخيرا لي جيتي بس ليش ما قلتي ي هبله
راوند: حبيبتنا حمدلله ع سلامتك
سارة: و اخيرا التم الشمل ناقصتنا سالي بس و قروبنا يكمل
مهند ع الخط متعصب تولين تي ردي عليا وين مشيتي
و البنات لي فـ الكافتيريا بدو يشوفن لتولين و انتيماتها و كيف دايرات دائرة ع بعضهن و يحكن بصوت عالي و كأنه مافيش غيرهن فـ الكافتيريا، فرحتهن بجيت اماني كانت كأنها سبله يطلعو م الأجواء لي هنا فيها و رجعو لطاولتهم و بدو يهدرزو و يسألو فـ اماني ع أجواء طرابلس
ريماس: وين ع التطويله ان شاء الله روحتي بفايده
تولين: وين ع اللبس السمح ، رايحه طرف
راوند: صح جديات مسمحه
نورا: قوليلي مافيش حب لا شي
سارة: ديري بالك تطلعي مكبده فوتي التكبيد
اماني: عطوني فرصه نرد بالوحده ههههههه معش عرفت ع من نرد،، المهم احكلي توا كنكن، و كنا مهند مع تولين
تولين: حي مهند كان يحكي معايا ع الخط خليني نشوف، شافت لفونها لقاته مصكر الخط و متصل بيها 10 مرات، فـ عقلها قالت حي عليا توا يبدأ يهزب و اتصلت بيه
مهند: باهي لي اذكرتينا ي ابله و اتصلتي
تولين: سوري والله تفاجأت بجيت اماني و ما قلتلنش انها جايه
مهند: و عياطك شن قايل عليه انا ضروري تعلي صوتك و تعيطي
تولين: ع اساس ديما نعيط انا
مهند: صوتك اكيد وصل لـ كافتيريت الشباب ع اساس م البعد مثلا
تولين: خاطرك فـ مشكله انت ؟؟؟
مهند: تي باهي تمام ي تولين اوكي باي و صكر
تولين: نكد فـ نكد فـ نكد
اماني و نورا و ريماس و سارة و راوند: كنا مهند صوته بيطلع م الفون
تولين: فوتن بالله ، غيرن الموضوع
مهند اتصل بيها اخري
تولين: نعم شن فـ اخري
مهند: تعالي نبيك لوطه فـ الساحه؛ و لا نقولك تطلعيش بروحك توا نجيك لعند الكافتيريا انا
تولين: أماني كيف شفتها بعد كم و بنحكي معاها
مهند: قتلك نبيك انا ما دخلنيش بـ أماني لا حد توا مش ح تريح منك اماني و توا تشوفيها
تولين: حتي انا مش ح نريح مش ضروري نحكو اليوم لايف
مهند: شن نفهم انا م كلامك ؟؟
تولين: شي نرجي فيك عند باب الكافتيريا و صكرت الخط
تولين: بنات مهند يبيني مش عارفه كنا، توا شويه و نجيكن
اماني: باهي باه انا بايته معاك يعني، ليا وين ما شفتك و بنهدرز
تولين: والله ي قلبي قصه طويله توا نجي و نحكيلك
أماني: باهي ي عمري معناها ما طوليش
تولين: تمام
نورا: ديري بالك ع روحك ي قلبي ، و مادوريش كان قالك حاجه ما تعجبكش
تولين: حاضر و طلعت م الكافتيريا و وصلت عند باب الكافتيريا لقاته مقابلها شيرلها بحواجبه و مشي مشت وراه ووقف لعند الساحه مكانهم المعتاد قعمزت وهو قعد واقف
مهند: يشوفلها و ساكت
تولين : كذلك تشوفله و ساكته