دكتوري (مكتملةة)

الحلقة 24

رواية #دكتوري

الحلقة 24

تولين: و بين ما هي تمتحن كان الضمير يأنب فيها م اتجااه مهند لعند تمت امتحانها وطلعت و ركبت للكافتيريا و جاها مسج م مالك
مالك: شن صار فيك ف امتحانك طلعتي و لا مزال ؟؟
تولين: بإبتسامه اها توا غير طلعت
مالك: شن جوك و شن تحسي ف صحتك توا تمام؟
تولين: انا الحمدلله بخير احسن م قبل
مالك: باهي الحمدلله، شن بديري توا بتروحي؟
تولين: أها اكيد بنكلم السواقه و بنروح
مالك: باهي هكي احسن ،
تولين: باهي تمام خلاص نستأذن توا بنمشي نشوف البنات وين و بعدها بنروح
مالك: تم تروحي ابعتيلي !!
تولين: تم باي
************

و مشت للقروب متاعها و هدرزت عليهم شافت ل راوند زعلانه و تفكر اما نورا كانت تحكي مع جمال اتصلت ب جمال تطمن روح و لا و سالي و أماني و ريماس كانو يضحكو و يهدرزو ع تولين أما راوند تضحك ف ضحكه مجامله ع خاطر ماحد يحس ف لي هي فيه و طبعا كل وحده بدت ترووح ماعادا تولين و راوند مزال ما روحو
تولين: راوند كنك نحس فيك جوك متلخبط في شي؟؟
راوند: ......
تولين: حي اخري مش معايا بكل رايحه تشيرلها بيديها ع عيونها و كانت راوند في عالم أخر لعند صفقتلها ع خاطر راوند ركزت ع تولين انها تحكي
راوند: شن في كنك
تولين: لا تبصري انتي عنجد شن في كنك، و انا ليا ساعه نحكي بروحي
راوند: والله سامحيني ي قلبي عقلي مش فيا الايامات هدي راه بكل
تولين: مراااد ؟؟؟ صح
راوند: لا ما تشغليش بالك مافي شي راه
تولين: لنا كم نعرفو بعضنا نحن
راوند: قريب 3 سنين ونص توا يعني 4 سنين
تولين: المهم يعني انا حتي لو ما حكيتيش نعرفك م عيونك انتي تمام و لا، و صحبتنا مش صحبه عاديه أو رسميات ، ف معقولة تقوليلي ما تشغليش بالك لو ما انشغلت ع صحباتي ع من بننشغل هبله انتي انا مش مراد حبيبك انا صاحبتك، احكيلي لو ما حكيش انتي عارفه شن ح تكون ردت فعلي ف احكي افضل
راوند: والله مش هكي لكن انتي مش ناقصك نكد و ضيق علم و انا نبيش نضايقك بصراحة
تولين: انا هكي انشغلت اصلا، احكي و فكيني م الفلسفه الزايدة جو جديد هدا ع أساس امس كيف تعرفنا ع خاطر تقوليلي نبيش نضايقك
راوند: باهي طالما تبي تعرفي توا نحكيلك مراد قبل يبي يدفع فيا و انتي ف المستشفي ع المهم تهارجنا شويه و قتله نبي بعد تطلعي ع خاطر تحضري دفعي المهم هو قالي ح تصير مشكله لو صكرتيها و انا اصريت ع ان ما يصيرش الا لما تطلعي و توا امه و خواته يبو يخطبوله قريبته نفسيتي و نفسيته تعبت م الموضوع هدا
تولين: تمام اول شي انتي كثري م الاستغفار و كوني واثقه حاجه لك مستحيل تمشي لغيرك، تاني شي ليش ضيق العلم و النكد و السرحان و الهيمان و هو كل شي مكتوب عند ربي بس في حاجه اخري توا الحل كله ف يد مراد لو يحبك ح يثبتلك توا و لو ما يحبكش ف هدا ح يدير جو البنات سوري اصلا ماما و بابا غصبوني و زوجوني و تقعدي هكي افتكيتي منه م الاساس ترهقيش نفسك ف التفكير اوكي تحبي عارفه الشي هدا صعب عليك انك توقفي تفكير بس خليك واثقه ان لو يبيك ح يعرف يوصلك لو كنتي ف الصين مش ف ليبيا و لو نظام هكي تضيع وقت ح يطلع اتفه عذر و ينهي لي بينكم ف و الله ما يستاهل انك تتوجعي أو تفكري بعدين هو يقدر يختصر المشكلة في كلمتين نبي البنت هدي ي أمي هدي حياتي و هدا زواج مش لعب عيال، ما قلنش يعصي أمه أو يضربها أو يسيب الحوش أو هكي كلمتين يحلن الموضوع و بعدين هو مزال ف امهات يزوجو ف عيالهم غصب بنات ما علينا لكن حتي رجاله بشناباتهم هكي اوفر
راوند: صح كلامك مقتنعه بيه انا و عارفه هدا عليش مضايقه و المشكله امه و خواته عارفات ب علاقتنا م ايام المدرسة مش عارفه ليش توا خطرلهم مفروض م البداية وقفو عند حده أو وحده فيهم م البدايه جتني و قالتلي راه ما يصلحش بيك لكن هما يقولولي ي كنتنا حتي امه تقولي ي كنتي والله و بعدها بدت عيونها ادمع لما ذكرت كيف وجعوها بالموقف لي داروه وجعتها روحها
تولين حضنتها و بدت تهدي فيها بشويه، شوفي انا م يقول نعيش بعد مهند لي لنا سنين و انتي شاهده ع حبنا انا نبيكش تكرهي مراد بس نبيك تتوقعي كل شي ع خاطر ما تتوجعيش واعر وجع القلب واعر بكل و ربي
راوند: مستمره ف البكاء باهي شن ندير انا مش قادرة نحس ان هو ح يشوف لغيري تعودت عليه بكل و انتي عارفه اني اول مره نحب حد بالطريقه هدي
تولين: غير اهدي اهدي بس خطرها انتي كنك انسجمتي ف الحضن راك تحسابيني مراد قاعده مازلتي تبكي خلاص والله ما مراد انا راهو تولين خطرها بالله شوفي هدوما الاثنين شوفي كيف مقعمزين بحدا بعضهم تقول تيمون و بومبا واااك ضعيفه بكل هي وهو تبارك الرحمن بطمه وين الطول مافيش ابدا نتخيل فيهم متزوجين و هي رافعته وووووه عليا هههههههههههه
راوند: ههههههههه مبردك خزززي حرام عليك تخيلي يجيك واحد هكي توا
تولين: اياااااه ان شاء الله انتي تتزوجي مراد و يبدا زي البمبه ي ساتر انا لالا نقعد طول عمري سنقل و لا ناخد واحد قصير و سميييييين لالا لا وووه تخيلت حسيت روحي بننتحر ههههه
راوند: ههههه ههه خزي عليك لا نطلق كان مراد قعد هكي، اععععي و انا قصيره اخري لالا شين السمن بصراحه ههههههههه
تولين: خليتك اتهزززي معايا هدا لي كنت نبي نوصله ، لجهنم مع بعضنا للجنه مع بعضنا و ناخدو الذنوب مع بعضنا اصلا هدي الصداقه الحقيقيه
راوند: ههههههههه لا لي يقعد معاك يضمن جهنم طووول مافيش مفرر م كتر هزوتكك انتي
تولين: حي ي قلبي بنسيبك توا جت ابله فايزه المهم كلمي هلك هيا توا شوفيهم وين نخليكش مع تيمون و بومبا مرات م كتر القصر يعفسو عليك بدون ما يركزو
راوند: لا انتي ما صدقتي كرهتيني ف روحي ي باردة ي قرده ع أساس انتي زرافه بيناتنا سنتيمتر بس راه
تولين: ههههههههه ماهو اصلا كان عندك ثقه ف روحك تكرهيهش ي غبيه حي ابلة فايزه ترن و انا قاعده نهدرز ، هيا باي ي قلبي و ديري بالك ع روحك و روحي راه الشرف غالي ما تعطليش ف المرواحه ههههههه
راوند: والله تشوفي بكره ي قرده القرود باي
تولين و هي راكبه السياره شافت سيارة خو راوند جايه روحت تولين و روحت راوند