دكتوري (مكتملةة)

الحلقة 1

تكملة الحلقة 1

مرات جد تولين: تولين،،، تولين هيا نوضي س 8 توا راه شويه و بتجيك السواقه نوضي بيش تلحقي تلبسي
تولين: يييي م سريب الجامعه امتي نكمل و نتخرج و نتريح مليت م القرايه نبي نرقد و يقطع تفكيرها رنت فونها بصوت ناعس نعم
مهند : صباح الورد ي ورده
تولين: جوك تمام؟؟
مهند : أها تمام...ما تقوليش راقده حي عليك محاضرة اليوم تبدأ الساعه 9 تي هيا نوضي و انتي حشيشتك النوم
تولين: باهي شويه بس توا انوض
مهند : مافيش شويه هيا نوضي هيا صبي تولين خيرلك راه هيا
تولين: خلاص سادك براده بنرقد شويه و انوض
مهند: مافيش نوم كلمه وحده
تولين : صكرت ف وجه الخط...و بدت تبي تغفي شويه ع خاطر تنوض تصحصح

********
الكاتبة: هديل بن عامر

في مكان آخر

سارة: طلعت القميص الاسود الطويل،،و البنطلون الجينز،، ووشاح قهوي و كندرة سوده لبست و دوبك بتلبس الوشاح يبيب باتها يبيها تنزل.
يييي ع بابا ديما هكي ينوض قبلي و يقعد مستعجل انا مش عارفه مانيش زي البنات نلبس براحتي و نكمل براحتي ضروري يقهرني ونطلع زي الهبله ياربي صبرني لعند يجيني الراجل لي يعيشني و يدلعني خليني نتصل بالغبيه تولين نشوفها شن صار فيها جايه و لا .. تي كنها حتي هدي ما تبيش ترد شكلها ما تبيش تجي ..حي عليا حي خليني ننزل بسرعه قبل ما بابا يمشي و يسيبني

****
راوند: ناضت ع صوت مسج فتحت المسج و هي مبتسمه
المسج( صباح الورد حبيبتي مرايفلك و مرايف ع صوتك هيا نوضي و اول ما تخشي الجامعه رني عليا مرايف ع صوتك موووت) و خشت ام راوند و اختفت ابتسامتها و صكرت الفون صباح الخير ي امي كنك نايضه بكري
ام راوند: صباح الخير مش عارفه حلمت حلم شين نوضني و ما سمعتش صوتك قلت نشوفها ناضت و لا
راوند : انا نضت ي امي ارقدي و تريحي توا انوض واحد م خوتي يشيلوني للجامعه
ام راوند : خلاص تحركي بسرعه و البسي شوفي سالم يشيلك ف طريقه
راوند: تمام ي امي

******
الكاتبة: هديل بن عامر

تولين : مصبيه ع المرايه حسيت روحي سامنه و مش حلوه اللبسه هدي،،، اوووف مليت م دبشي بكل انا نبي حاجه جديده توا نلبس هدي وخلاص (جاكه لونها اسود طويله شويه و قميص لونه وردي قصير و بنطلون قماش اسود و شنطه و كندره نفس لون القميص ) و اخيرا كملت و لبست قبل ما تجي س 9 و نص مسكت الفون خليني نرن ع ابله فايزه( السواقه)
تولين : صباح الورد ابله فايزه وينك
ابله فايزه: صباح النور هيا هي جايتك توا ف الطريق واتيه؟؟
تولين : أي من بكري واتيه
ابله فايزه: خلاص حبيبتي خليك قريبه م باب الحوش نرن عليك اطلعي تمام!!
تولين: تمام حاضر...اوكي باي

*******
بعد 10 دقائق قطع سرحان تولين رنه فونها حي ابله فايزه جت خليني نطلع و تأخرت ع المحاضرة مش ح يدخلوني عليك قصه تحكي لروحها و هيا طالعه للسياره
تولين ركبت السياره بينما هي ساكته طول الطريق و مش م العاده انها تقعد ساكته الوقت هدا كله..
ابله فايزه : كنك ف شن تفكري ..و لا عندك امتحان اليوم ؟؟ و لا صاير معاك شي؟؟
تولين: ااه كيف؟؟ اههها لالا مافي شي ي ابله فايزه غير المحاضرة نفكر ف الدكتور بيدخلني ولا
ابله فايزه: ما تخافيش ان شاء الله توا يخششك و توا نحاول نسرع
****
ف الجامعه
سارة : مصبيه تحت الشاشه متاع الجامعه لي ع البوابه
كنها هدي لا جت لا دورتني و لا شي زعمك غايبه جديات اليوم حي عليا كيف بندير ف موضوعي بدونها و قطعت تفكيرها راوند
راوند: ف شن يفكر السمح هدا صباح الخير ي قرده
سارة: عنشكلك فجعتيني صباح النور ي قلبي قتلك ما كلمتيش تولين؟؟؟
راوند: لا كنها ؟؟؟

*******
الكاتبة: هديل بن عامر
ف السياره
تولين : فونها يرن ..سارة كنها ، أيوه حبي صباح الورد
سارة: باهي لي عبرتينا و رديتي وينكك؟؟ راهو المحاضرة بدت و نرجو فيك انا و راوند
تولين : ف الطريق ي قلبي توا عند البوابه
سارة: تمام تلقيني نرجي فيك توا عند البوابه
تولين : تمام باي
سارة: باي
تولين نازله تجري م السيارة تبي تلحق المحاضرة و ف يدها الشيتات و هي داخله للبوابه فـ سيارة طالعه م اللفه متاع البوابه و طبعا تولين ما شفتش جهه اليمين تشوف لجهه لي قدامها لي ديما تتلاقا فيها مع سارة و راوند
و فجأة سياره تجي قدام تولين بدون ماتركز و اطيح تولين ع السياره و تفنص ف السواق
تولين: تعرف خلعتني ع هالصبح ان شاء الله تموت وقتك توا ووقت عماء عيونك افتح عيونك بالله عليك مش ناقصين راه
نزل صاحب السياره : اول حاجه صباح الورد و تاني شي انتي ماشيه و انتي راقده و شن بندير انا المهم شكله لسانك طويل و عندي امتحان عملي توا و ناسي البالطو بنمشي ناخده و بنرد ف ياريت ما تعطليش عليا
تولين : والله خايف ع امتحانك وانا بسببك تأخرت ع صاحباتي و محاضرتي فاتت بسببك كان عندي فرصه دقيقتين بس انت اعمي ما تشوفش و ريحت عليا المحاضرة
صاحب السيارة : باهي معليش سامحيني دكتورة و حقك عليا
تولين : باهي خلاص اوكي و مشت و سيباته
و هي خاشه ماشيه شور السنتر شافت مهند واقف برا المدرج يرجي فيها و طبعا ساره و راوند خشن المحاضرة لما طولت
مهند: سماحتي كنك طولتي
تولين قصه طويله خليني نخش نحاول مع الدكتور توا و بعدين ساهل توا نحكيلك...

#يتبع

لو لقيت تفاعل ح انزل الحلقه 2