دكتوري (مكتملةة)

الحلقة 22

رواية #دكتوري

الحلقة 22

تولين بينما و هي راقده كان فونها يتصل و ما وقفش اتصااااال نهائيا ،
ايوه،
مهند: اهلين كيف حالك تولين
تولين: بخير
مهند: كيف حال هلك و هيثم و عمامك و خوالك ؟؟
تولين: الكل بخير
مهند: كنك داهشه و لا كنا صوتك هكي متغير
تولين: كنا صوتي
مهند: مش عارفه نحس فيك مريضه و لا شني
تولين: لالا تهيالك مافيا شي غير كنت راقده بس
مهند:اها، باهي كنك ما تتصلي تسألي عليا و ادوريني
تولين: عليش قصدي ندورك
مهند: ع خاطر العشره لي بينا و لا انتي مسرع ما تنسي العشره
تولين: نذكرو ف الناس مش بالعشره بـ اللي يستاهل ..ي مهند
مهند: كنك رايحه تفشكي و تحكي م راس خشمك
تولين: لا والله تهيالك لا نفشك و لا شي
مهند: مازلتي تفكري فيا تولين
تولين: انا بطلت نحبك و حبيت من بعدك مش قتلك اني مستحيل نحب بعدك لكن حبيت
مهند: تكدبي ع روحك انتي مستحيل تحبي غيري
تولين: و صارت و حبيت، تذكر لما قلتلي مستحيل دكتور يشوفلك و هزيت عليا، و تذكر لما كنت كل مره ترن عليا و انا راقده تقولي انتي تكلمي ف غيري و نحلف و ما تصدقش فيا وقتلك و وعدتك وقت نحب أو نكلم غيرك ح نقولك، اهو انا وفيت بوعدي توا
مهند: نعرفك تكدبي و تبي تقهريني انتي ما حبيتيش
تولين: مهند حاول تنساني بجد لان مهما حاولت مش ح نرجعو لبعضنا خيانتك الاخيره مستحيل تخليني نرجعلك او نفكر اصلا اني نرجع، خلاص علاقتنا انتهت وقت شفت ستوريات اختك
مهند: بس انا نحبك ، مازلت نبيك ي تولين انا قاعد نتقطع ف جرتك قاعد نتعذب حرام عليك لي درتي فيا
تولين: لي درته ف روحك، مش انا لي درت هكي حذرتك كم مره ، كم مره درت ايميل م ورايا كم مره شفتك تحكي مع بنت و كنت نتغافل، كنت نمشي و نبكي و نسكت ع خاطر ما نخسركش و مره بعتتلك مسج طويل عريض قتلك حاول ما تخسرنيش و حاول انك ما اديرش الحاجات لي انا نكرهن زي ما نصون فيك صوني و صون الحب لي بينا، بس للاسف كل شي نكرهها كنت أدير فيه، و هزيت ع المسج وقتلي انتي تخوفي فيا مثلا و كان بتسيبيني سيبيني مش ح نمسكك ،اهو استنفذت الفرص ب اغلاط اكبر م الاغلاط الأولي شن ذنبي انا نعيش ف علاقه كلها خيانه و كدب؟؟
مهند: عارفتيني مش قصدي نجرحك و عارفتيني اني نحبك اكتر م روحي، انتي عارفه تولين عمري ما بكيت ع بنت غيرك عمري ما تعاركت مع باتي الا ع خاطرك و عارفه ان الأغلاط هدينا ماتجي شي حدا حبي لك، و انتي عارفه اني ما نعرفش نصرف هدا طبعي و لأنك انتي لما تتعاركي معاي تسيبي فيا بروحي هدا عليش نمشي نحكي مع غيرك
تولين: هدا مش حب مهند و ليش انا لما نتعارك معاك ما نمشي نحكي مع شباب، ما تقوليش انا راجل و يفرق لان مش مقتنعه بالشي لي تحكي في، خلاص انت خسرتني و مهما حكينا مش ح نرجعلك ف ما تعبش روحك
مهند: باهي فكري فيا انا اقسم بالله قاعد نتعذب، حاولت نحب غيرك و حاولت ندير لي خاطري ف معاك مع غيرك، ما قدرتش، تولين ما تخلينيش نحلف و نقولك ح نتعبك ف حياتك ي انا لي ناخدك ي مافيش حد ياخدك تقعدي طول عمرك هكي
تولين: انا نحب و انت شوف حياتك و حب و اخطب و اتزوج اما انا خلاص نسيتك، ما تحاولش تهددني لأني مش ح نخاف م تهديدك و لي بديره ديره
مهند: من الراجل لي خلاك تحكي معايا هكي؟ شن شكله لي خلاك ف كم اسبوع تنسي حب 3 سنين كيف حبيتي غيري ف كم اسبوع بنعرف انا كيف هكي
تولين: دكتوري هو لي خلاني ننساك ،و هو الراجل لي حبيته
مهند: كيف دكتورك انتي تعرفي قبلي صح انتي اكيد كنتي تخوني فيا معاه هدا عليش لقيتي سبله و سيبتيني كنت حاسس اقسم بالله انك تخوني فيا، انتي ما كنتيش تمام معايا، سيبيه خير ما انا نخلي يسيبك
تولين: ما نسيبش راجل ع خاطر عيل، و توا بنرد نرقد تاعبه
مهند: اخرتي طلعت انا عيل نقدر نرد عليك و نقولك كلام يجرحك لكن لأني نحبك مش ح نرد عليك بس نقولك حاجه ي تولين و الله ح تندمي لو ما سيبتيش انا قتلك سيبيه و مافيش حد غيري ياخدك افهمي كويس ي انا ي مستعد ندير فيك اي شي طالما ما كنتيش ليا و انتي عارفه صورك عندي و المحادثات بينا ح نخلي يشوف كل شي
تولين: دير لي تبي اديره و انا معاك ف اي شي، لكن ما تفكرش اني ح نخاف م تهديدك
مهند: كنك انتي هكي، ما نبيش نحكي معاك هكي ي بابي ليش اديري فيا هكي و الله حرام عليك انا نحبك ي بنت الناس افهمي
تولين: اسفه نحن مش لبعضنا اخطب تزوج كسد دير اي شي زي لما كنت معاك كنت تحكي مع غيري توا انت حرر معش في حد يعيطلك و يفهمك و يبكيلك خلاص دير لي ف خاطرك، و انا بنرقد نعسانه
مهند: للدرجه هدي كرهتيني م امتي كنتي تحكي معايا هكي و تقوليلي بنرقد الله الله عليك دنيا ي تولين، مسرع ما تغيرتي نسيتي أيام الجامعه ي تولين نسيتي أيام المدرج
تولين: ما ذكرني بشي لأني مش ح نذكر، نذكر ف خيانتك ليا بس
مهند: نسيتي أيام كانت الجامعه تشهد ع حبنا، معقوله نسيتي أيام الكافتيريا و الساحه نسيتي ممر الصيدله كيف نسيتي تولين مستحيل تنسيهن الايام هدي
تولين: للاسف ما نذكر ف شي و ما تحاولش اذكرني لان كانن أيام كلها وهم و كدب
مهند: انتي تكدبي و الله تكدبي عارفك و حافظك انتي تقولي هكي بلعاني ع خاطر تعاقبي فيا و تبيني معش نكرر اغلاطي والله عارف، مش مصدق انك تكوني لغيري، انا نلف و ندور و نغلط و نجيك لأني عارف ح تسامحيني
تولين: ليلتك سعيده بنرقد باي و صكرت الخط و بدت تذكر أيام الجامعه م اول يوم تعرفت في ع مهند لعند آخر يوم و تذكر أيام المدرج و كل شي بالتفصيل و كيف قدرت تكدب عليه بس ع خاطر تبي يبعد منها و معش يفكر فيها و يرجعلها أو يحط امل ان يرجعو اخري و كل مره تذكر و تزيد تبكي انهارت ف البكاء لعند مشت ف النوم