دكتوري (مكتملةة)

الحلقة 21

رواية #دكتوري

الحلقه 21

راوند: ممكن لما نشوفه نسيته الحق الموقف والله
اماني: باهي بنات انا بنخش القاعه بعدين انتلاقو

********

تولين: ماما الدكتور ماجش و نحس ف الدهشة زادت عليا و ظهري رجع يوجع فيا
ام تولين: باهي كان هكي توا نسالو الممرضه هدي اصبري، قتلك ي سيس بنسألك ع دكتور مالك مش قاعد ف الغرفه متاعه و لا ف الأقسام
الممرضة: لا والله كملت الروتا متاع الدكتور مالك ح يجي س 8 الصبح
تولين: حي يعني بكره و اليوم نقعد هكي بلا دكتور
امها: توا نشوفو دكتور آخر و خلاص كان هكي يشوف حالتك و يعطيك حاجه مؤقتا، و اصلا كله م لسانك تستاهلي طفشتي الدكتور
تولين: كيف مؤقتا ي ماما ما تجيش بكل ، حي عندي فكره توا نخش عليه ع النت توا انشوفه

******
ف الجامعه : طلعت كل وحده م امتحانها لي حلت و طلعت فرحانه و لي شاكه ف حلها و لي حاسه روحها ماحلتش بكل و متنكده
اماني: تصدقن ي بنات شرح دكتور اصيل هو لي كله جاء
نورا: اها والله خصوصا المحاضره الاخيره نفس الشرح كله
سالي: انا نحس ف روحي ما حليت شي بكل مش عارفه ليش، خايفه
اماني: شن لي ما حليتيش فيه انتي بس
سالي: فوتن توا قصه الحل وين الدكتور اصيل خطرها غريبه اليوم ما شفنش بكل
اماني: اها حتي انا ماشفتش حتي بعتتله ع النت ماردش عليا زعمك كنا ي بنات
نورا: الحب واااااو شكله الحب بداا ، قصدك تحسي ف روحك فقدتي صح
سالي: واضح م الصبح اصلا سارحه و مش معانا بكل
اماني: لا والله ف الصبح نوضته و حكيت معاه شويه و بعدها اختفي بكل و قالي ح نكلمك و نطمن عليك حليتي ولا مش حب بس هكي حبيت اهتمامه ليا
سالي: اسكتي اسكتي اقنعي روحك انك حبيتي اهتمامه مش نحن، و تقطع كلامها راوند: شن لي اقنعي روحك شكله موضوع شيق
نورا: هههههه ديما جايه ف المواضيع الشيقه انتي اصلا
راوند: حماتي بتحبني يعني ههههههه
اماني: ايوه اسهوكن و خلني انا هكي
سالي: حكت القصه لراوند
راوند: واضحه حبيبتي لي وجك قاعد ما يتفسرش و جوك متلخبط و تحسي ف حاجه ناقصتك انك بديتي تحبيه
أماني: بس كيف هكي هو دكتوري يعني ماقاليش نحبك عاجبته بس انا
نورا: انتي لمحي و شوفي شن يقولك، و بعدين هو وحق الله دكتور محترم و يجننن لو انا مكانك نقعد اسعد انسانه لان معجب بس بيا مش يحبني شوفي رازن بكل و ما يشوفش لحد و كلهن البنات يجرن عليه و يبنا و هو مش مدور
راوند: تي وين تلقي واحد هكي ي ماما و فوقها دكتور و بعدين انتي اصلا قولي الحمدلله لي مخصصلك وقت و يحكي معاك
سالي: صح والله كان انا مش مخطوبه بس هو و الدكتور مالك تبارك الرحمن عليهم بجد
اماني: وووه عليا م كلامكم خليتوني نزيد نحبه 😭
راوند: مبردك والله ههههههه، زيدي حبيه و كبدي فيه اخري مني انا
سالي: هههههههههه نعنجد هكي هبله ولقت سبله عاد لا انتي تحبيه قبلنا حتي نحن ، خطرها مزال شكلهن سارة و ريماس ف القاعه
راوند: لالا ف الكافتيريا يجيبن ف قهوه
اماني: بعدك راسي مصدع انا و نحس ف تفكيري متشوش بكل
راوند: م كتر التفكير ف حبيب القلب
اماني: بطلي ي بارده مزال مش مقتنعه بالكلام هدا انا
سالي: ههههههه حتي نحن مازلنا مش متوقعينك تحبيه والله هبله
نورا: بنات خلوكم ف همي مستاحشه لجمال، ع جيه ريماس و سارة
ريماس: ياربي م جمال لي قطعتيني بيه ف الحوش و توا ف الجامعه خلاص خودي رست شويه
سارة: حرام عليك خليها تفضفض، راوند شن صار فيك ف الامتحان حليتي انا ما حليت شي بكل وحق الله متنكده و عبدالله ما كلمنيش ف الصبح جوي اعييي
راوند: انا والله حليت ف حاجات مش جايبينهن م الشيت بكل يحسابونا بروف
سارة: نلقنهم يقهرو انا مش عارفه شن بندير ف الاورال متاع بعد بكره و الله يستر الله هدي غير البدايه
راوند: اسكتي الاورال (الشفوي) خلي بروحه هدا انا ح نتوتر و نقعد هكي اسالتهم صعبه بكل و كميه الاحراج لي فيه مش طبيعيه و الله مش عارفه شن بيصير فينا
ريماس: غيرولنا سيرة القرايه المقرفه هدي و خلونا توا ف تولين، من بتمشيلها اليوم
راوند: انا بنمشيلها بعدين خويا بياخدني ويحطني عندها
ريماس: نورا انتي مشيتي ما تحلميش تمشي خلاص سادك
نورا: والله ي عمري و شن دخلني انا اصلا لي بياخدك يحطك بنكون معاك ي غبيه
سالي: حتي انا لما يجيني حمادي بنمشيلها، بصراحه مقصره معاها واجد انا
اماني: حتي انا بس بنمشيلها ع المغرب مش توا
سارة: حتي انا معناها نخليها المغرب ع الاقل ما نمشوش كلنا مره وحده و بعدها تكسد بروحها، كل مره وحده ع خاطر اهو ما تكسدش و يبدأ كل مره وحده فينا تقعد معاها
ريماس و راوند : أها صح فكره حلوه هيا بنات كل وحده تتصل ب هلها
نورا: صح لان ما تنسوش انا و اماني و سالي بكره عندنا امتحان