أمستردام

٤

سمعت صوت بناديها ..
عاينت حوليها وابتسمت ..
مقداد: صباح الخير ياشمس تعالي
شمس: صباح النور
ميمونه: تعالي افطري
شمس قعدت في سفره خشبيه طويله بخجل .. عاينت للكانو قاعدين وقالت: صباح الخير ..
ردو كلهم:صباح النور ..
مقداد: اها جاهزه للشغل
شمس: ايوه طبعا ومتحمسه
ميمونه ابتسمت: شكلك نشيطه وبتحبي الشغل
شمس: اي
بشرى(زوجه سيف):حلو حتى نجمه بتي بترسم اصلاً هي مجنونه رسم اتعلمو من بعض ..
شمس: ان شا الله
مقداد: وين ايمان وبناتها والاولاد ؟؟
ميمونه: ايمان طلعت شغلها بدري والبنات لسه ما صحو اما اياد وعلاء والبقيه علمي علمك
شمس ما حبت تقعد اكتر ووقفت عشان ترجع غرفتها ..
مقداد: على وين يا بتي
شمس: حطلع اكمل ترتيب
مقداد: ما حتكملي ترتيب اجهزي عشان حنمشي المعرض ..
شمس: دقائق وحجهز ..
طلعت بسرعه والكل عيونو عليها ..
بشرى: الله يكون في عونها
مقداد: ما عايزكم تجيبو سيره لاولادكم عن اي شي لازم اعرف حعمل شنو اول
روضه(زوجه مجاهد): طيب انت ناوي على شنو يا عمي
مقداد: كل خير ان شا الله

علاء واياد ووضاح دخلو ورا بعض ..
علاء: دا شنو الما عايزنا نعرفو يا جدو
مقداد: لا ولاشي ، لي مبلولين كدا؟
بشرى: علاء انتو نزلتو المسبح ؟
علاء بتعلثم: لا
اياد: كنا بنرش بعض بالمويه عادي
روضه: مدام اياد نكر معناها صح نزلو المسبح .. انا تعبت منكم والله ..
وقفت ومشت المطبخ وبشرى وراها ..
مقداد: احسن تكبرو وتبطلو انتو ما بقيتو صغار ..
وضاح: هس احنا عملنا شنو ..
ميمونه: حتجلط امك وعملتا شنو ؟
مقداد: ادخلو غيرو عشان حتمرضو ..
اياد: طيب طيب ..

_________

الخادمه وقفت بتوتر قصاد الباب ، كانت شايله صينيه الشاي مسكتها بيد واحده وطرقت الباب .. كانت متوتره والخوف واضح في وشها .. انفتح الباب بهدوء ودخلت ..
خادمه:اتفضل شاي ..
- ختي واطلعي ..
طلعت بسرعه واستغربت انو ما علىّ عليها صوتو واتنرفز ذي كل مره ، الحصل العكس تماماً وانو كان هادي ..

طلعت وبقت تتكلم مع نفسها وهي نازله .. اتزكرت انو مقداد رسلها تنادي شمس كمان .. طلعت وطرقت باب الغرفه الفي نفس الوقت انفتح ..
شمس ابتسمت ..
الخادمه: جدو مقداد منتظرك ..
شمس: يلا حنزل معاك ..

رفعت نظارتها ولبست شنطتها ونزلت بحماس ، عطرها كان حلو ولبسها كان هادي ويناسب شغلها ..

شمس وقفت جنب مقداد الكان مستنيها: اسفه اتاخرت
مقداد سكت لثواني وكان بعاين ليها انتبه لنفسو وابتسم بهدو: يلا نمشي ..

وطلعو مع بعض للمعرض ..

ميمونه كانت مبتسمه وبتعاين ليها من بعيد ..
بشرى: احسن حاجه عملها عمي انو جابها هنا
روضه: لا ما احسن ولاشي انتي ناسيه الحصل ي بشرى
بشرى: لا ما ناسيه بس هي ما عندها ذنب
روضه عاينت لميمونه:ما حبيتها يا خالتي
ميمونه: واضح انها طيبه يا روضه بطلي تحكمي على الناس من اول مره
روضه وقفت وهي طالعه غرفتها: والله انتو ادرى ..

____

في غرفه واسعه .. سودا وكل اثاثها بالابيض ..
اياد: شباب
وضاح بلبس في التشيرت: احكي خير
اياد: انتو عارفين الليله في شنو صح ؟
علاء عاين ل وضاح: لا ما عارفين
وضاح: في شنو ؟
اياد: بتهظرو ؟؟
علاء: ورينا طيب
اياد: ياخ الليله النادي حيكون مفتوح ل4 ساعات وفرقه الXV حتكون هناك
وضاح: جد ؟
اياد: اي مكتبوب عندي في اخر تحديث لجدول النادي
علاء: طبعا ما حنمشي
اياد: ليه ؟ ااه نسيت انك بتكره الفرقه دي
علاء: فرقه شنو ، انت ناسي انو بكره الخميس يعني رجعه بدري ولمه عيله والكلام دا
وضاح قعد في الكرسي وكتف يديه: لو جينا للصراحه جدو عارف انو الخميس في اوفرنايت في كل النوادي فااا .. وضحك
علاء: بالضبط كدا عشان كدا اكسر الحنك
اياد: اسمعو انا حمشي حمشي واليحصل يحصل اليوم دا ما بتفوت ..
وضاح عاين لاياد وسكت ..

يتبع