دخلت غرفتها وشالت تلفونها وطلعت .. واحد من الخدم نازل من الطابق التالت ومعاه اكل .. استغربت وفضولها كان بقولها اسأليه ليه رجع الاكل ومنو الساكن في الطابق الفوق لانه كان واضح انو مهجور .. نزلت بعد الخادم ما نزل ورجعت تحضر الفطور مع شمس ..
ميمونه: نجمه خلي ديونا ( اسم الخادمه) تنادي الكل ..
نجمه عملت ذي ما قالت ليها وهي وشمس وميمونه استنوهم ..
نجمه: انا حنادي جدو
ميمونه: خليه نايم ، قال ما نصحيه ..
نجمه: بصراحه جدو اخر فترة ما عاجبني ما بياكل ودايماً سرحان
ميمونه: ما تخافي عليه هو عارف مصلحتو ..
نزلت بسمه ومعاها اثار ، بسمه سايبه شعرها في اكتافها ولابسه شال بني قعدت نجب ميمونه واثار قصادها جنب شمس ونجمه ..
بسمه: كيفكم
ردو: حمدلله ..
ميمونه: وين البقيه ؟
علاء جا نازل: هنا يا احلى ميمونه
باسها وصبح على الكل ..وقعد جنب ميمونه بالجهه التانيه ..
نجمه: اياد ووضاح نايمين لسه؟
علاء: اي ما حينزلو ابدو انتو ..
بدو ياكلو وبعدها جات روضه وبشرى ..
بشرى: انا حطلع ، في زول عاوز شي
علاء: اقعدي افطري يا امي
بشرى: لالا اتأخرت انا اصلا ..
وطلعت ..
ميمونه: بالمناسبه شمس هي العملت الفطور
نجمه: احم
ميمونه: ونجمه برضو
روضه: تسلم ايديك يا شمس
شمس: شكرا
علاء: احب اقولك انو انا بحب فطائر الهوت دق فا حتتعبي الايام الجايه
شمس ضحكت: ولو ما عندك مشكله ..
علاء: طيب نشوف
اثار وبسمه عاينو لبعض بنظرات هم واحدهم البفسروها ..
بسمه: تسلم الايادي بس مكترة الزيوت ودا فجور يعني ما ينفع الاكل كلو زيت
نجمه: والله داك المطبخ امشي اعملي البيجي في بالك وخالي زيوت
بسمه: انا كلامي مع شمس
نجمه: انا كمان عملت الفطور معاها
بسمه: عشان كدا ما بيستاكل اصلا
ميمونه: بسمه اكلي وانتي ساكته
وقفت ولزت الكرسي: خلي نجمه تاكلو ..
ودخلت الصاله ..
روضه كاتمه ضحكتها: انا برضو شبعت ..
اثار: وانا كمان يا ماما ..
فضلو شمس ونجمه وعلاء وميمونه ..
ميمونه: استغفر الله ياربي
علاء عاين لنجمه: ما كنتي تردي ليها انتي عارفه طبعها
شمس وقفت بابتسامه وخافيه إحراجها: بالعافيه
وما انتظرتهم يردو وطلعت غرفتها ..
ميمونه طلعت وراها بعد دقائق ..
طرقت الباب
شمس كانت ماسكه صندوق صغير وبتفضي منه فرش رسم ..
شمس: اتفضل
ميمونه دخلت وقفلت الباب: ما تزعلي من بسمه يا بتي
شمس: لا ما زعلانه والله
ميمونه: معناها اتضايقتي
شمس: شويه لكن عادي انا ما بعرفها عشان ازعل ولا هي بتعرفني
ميمونه: طيب تعالي اقعدي جنبي..
شمس ختت الصندوق ورجعت خصله كانت في جبينها وقعدت جنبها ..
ميمونه: كل الفي البيت طبعهم قاسي شويه ، قولي ليه
شمس: ليه
ميمونه: عشان احنا في امستردام في بلد غربي وتربيه ما نفس تربيه السودان ولا الصله والحب الفي السودان
شمس: انا مقدرة طبعهم والله فالاخر انا غريبه وما متطرين يظهرو حب ولاشي
ميمونه: لكن ..
شمس قاطعتها: انا جيت هنا بس عشان مستقبلي وطموحي وكفايه انك ووسيد مقداد متقبلني وانكم جبتوني بيتكم خدمه عمري ما حنساها .. و ما تعتزري لي لاني ما زعلت
ميمونه: الله يحفظك ويسهل دربك ..
شمس بابتسامه: امين
ميمونه: طيب انزلي كملي فطورك
شمس: لا انا شبعت
ميمونه:متاكده
شمس: اي
ميمونه: طيب يلا اسيبك شكلك مشغوله
شمس: طيب
طلعت ووقفت جنب باب غرفتها وقالت في نفسها ( متين تعرفي انو انا حبوبتك ام ابوك واضمك متين) .. عيونها دمعت بس ما لحقت تبكي ..
وضاح: ميمونه ؟ والله الطابق التاني نور
اياد طلع راسو من باب غرفتو: اوووبا ميمونه بحالها جنب غرفتنا
ضحكت: والله فايقين يعني انا ما حصل جيت طابقكم
وضاح: ما اقل من سنه مش يا اياد
اياد: انه كذلك والله
ميمونه: حتشوفوني كتير وبعدين ليه ما نزلتو الفطور دامكم صاحين
اياد: عاينو لبعض جدو تحت ؟
ميمونه: اهااااا فاكرين جدكم تحت عشان كدا ما نزلتو
اياد: اجل نعم
وضاح: انا ميت جوع ارح حنزل ..
نزلو قدامها وهي بتضحك فيهم .. عاينت للطابق التالت كانها بتتفقدو بس ما طولت ونزلت وراهم ..
___
في الصاله ..
روضه: اسمعو يا بنات شمس دي ما جات الا عشان تضركم احسن تعملو حسابكم
بسمه: ممكن افهم يا خالتو انتي وماما ليه بتحزرونا منها؟
روضه سكتت لثواني: حتعرفو
اثار: ماما بليز لغز هو ؟
روضه: اسمعو كلامي وخلاص اقنعو جدكم انو يطلعها من البيت دا انسب حل
بسمه: والسؤال انو هو جابها ليه اصلا
روضه: جابها وانتهى الموضوع ركزو في هسي بس
بسمه: طيب بس فهمينا
روضه: عشان شمس دي ..
قاطعتهم نجمه: شهاب وين ؟
بسمه: اكيد ما قاعدين فيهو
نجمه ما ردت عليها: خالتو روضه ميمونه بتناديك ..
وطلعت ..
روضه لحقتها من دون ما تكمل كلامها ..
اثار: ودي التانيه حلها شنو
بسمه كانت ساكته وبتفكر في كلام امها ومرت عمها روضه ..
__
اول مرة تفتح شباك غرفتها بالكامل .. الثلوج كانت بتنزل بغزاره وجزء منها بيدخل الغرفه بس ما اكترثت .. البهجه ماليه وشها لانها اول مرة حترسم في هولندا وفي وضع جديد .. بدت ترسم وشعرها كان بيتباعد بسبب الهواء .. ما كانت سامعه صوت الباب لانها خاته سامعاتها .. انفتح الباب وهنا هي انتبهت .. زحت السامعه بسرعه ووقفت رسم ..
شافت منو ؟
* ما راجعت الاخطاء التمسو العذر *
يتبع
