أمستردام

١٠

انفتح الباب وهنا هي انتبهت .. زحت السماعه بسرعه ووقفت رسم ..
علاء اشر ليها بإيدو: اسف لو دخلت بدون اذن دا تلفونك نسيتيه تحت ..
شمس ابتسمت: شكرا
علاء ختاه ووقف بعاين ليها ..
شمس: في شي؟
علاء: انا واحد فضولي شديد فما حقدر ما اسألك بترسمي شنو
شمس ضحكت: يادوب بديت بس ما مشكله تعال شوف ..
جا جنبها وعاين في اللوحه: بترسمي بالمائي ؟
شمس: ايوا
علاء: وانتي في السن دا
شمس: ايوا ليه لا
علاء: لا بس كانو شويه صعب
شمس: انا برسم من سن ال11 فاي شي بقا ساهل
علاء: طيب عايني رايك شنو تعلميني الرسم لانو حاولت مع نجمه اختي وعامله فيها مشغوله
شمس: امم يعني اعملك فطائر هوت دوك واعلمك الرسم وانا استفيد شنو
علاء: عايزة تتعلمي شنو انا بعرف اي شي
شمس: الغناء
علاء: لا صعبه دي .. مستحيله عديل
شمس: لا بهظر من دون مقابل عادي
علاء: وانا برضو كنت بهظر لكن اتفاق الفطائر قائم ..
شمس: اكيد
علاء: بلا اسيبك تكملي موفقه ..
وطلع ..
شمس: رجعت ترسم تاني وهي مبتسمه ..

_______

بعد اسبوع ..

نزلت من العربيه بسرعه وشكرت السواق انو وصلها بسرعه .. دخلت المعرض بخطوات سريعه .. واضح انها لاحقه حاجه مهمه ..
دخلت اول مكتب في الطابق بتاعها بدون ما تضرب الباب .. الكل عاين ليها وهي واقفه
شمس: اسفه ..
دخلت موطيه راسها وقعدت مع الكل في طاوله كبيرة ..
شهاب: منو السمحلك تقعدي
شمس انتبهت للصوت ورفعت راسها واشرت على نفسها: انا؟
شهاب: في غيرك جا متأخر وداخل من غير ما يستأذن ؟
شمس وقغت ببطء: بس انا اعتزرت
شهاب: ما سمعت ..
الكل كان براقب الوضع بصمتت ..
شمس: ما مشكلتي انك ما بتسمع
شهاب: نعم ؟
شمس: انا اعتزرت اول ما دخلت يعني فرقت ..
شهاب: بعد كده حتى لو اعتزرتي اعتزارك ما حصرفه واتفضلي اطلعي ..
شمس: بس ..
قاطعها: اتفضلي ياشمس بره ..
شالت شنطتها بنرفزة وطلعت بسرعه ..
- مستفززز .. اخدت نفس وقالت: اول اجتماع انطرد منو ؟
اتحركت لمكتبها ورمت الفي ايدها في المكتب وبدت ترسم..

بعد ربع ساعه دخلو زمايلها المعاها في المكتب ..
في واحد منهم سعودي ..

عبدالله: والله ما رضيتها لك
مرام: عبدالله سيبها في حالها
شمس: سيبني في حالي ذي ما قالتلك
عبدالله: ابقا افهم شنو اللي اخرك وانتو من نفس البيت
شمس عاينت ليه: وانت منو القالك كدا ؟
عبدالله: الكل يدري انتو بتقربو بعض ولا ايش
شمس: لا .. وبعدين انا ما فاضيه وفر اسألتك شويه
عبدالله: اي اي اشتغلي وعوضي يمكن اللحين يطلبك ويرفدك
مرام: والله ماعندك موضوع اسكت ياخ ..
السكرتيرة دخلت: شمس؟
شمس ملامح وشها اتغيرت لما شافت سكرتيرة شهاب: نعم
السكرتيره: سيد شهاب عاوزك في مكتبو ..
شمس عاينت ل عبدالله الكان بضحك وطلعت وراء السكرتيرة ..

_____

في مكتب سيف ..

دخل مجاهد .. ورما ل سيف اوراق في الطاوله بتاعتو ..
سيف: ديل شنو ؟
مجاهد سكتت لثواني: دي اوراق تابعه ل فياض وأماليا
سيف: حقت شنو ولقيتهم وين
مجاهد: اوراق بيت في ويستر باسم فياض وأماليا
سيف مسكهم وبدا يتصفح .. كل كلمه كانت بتاكد انو فعلا فياض وأماليا كان عندهم بيت في حي تاني في امستردام ابعد ..
مجاهد:لقيتهم بالصدفه في القبو ..
سيف: عرفت مكانو ؟
مجاهد: اي مكتوب بس ما شفتو
سيف: مافي زوي يعرف يامجاهد
مجاهد: ناوي على شنو
مقداد: انا كل الشاغل بالي حالياً شمس وواضح انو ابوي ناوي يخليها هنا على طول وما معروف يعمل شنو اكتر
مجاهد: سيف خلي شمس في حالها
سيف: اكيد ما حضرها في النهايه بت اخوي بس برضو ما حسمح تدمر البنيتو
مجاهد: مكبر الموضوع احسن تهدا وورينا حنعمل شنو في للاوراق الظهرت دي ؟

انفتح الباب فجاءة
مقداد: السلام عليكم
سيف اتلبك: وعليكم اتفضل يا ابوي
مقداد: اوراق شنو يا مجاهد ؟
مجاهد عاين لسيف وسكتت ..

يتبع