أمستردام

١٨

تاني يوم ..
الساعه 7:00 صباحاً ..

لبست بسرعه ونزلت .. ابتسمت للسواق وطلبت منو يوصلها المستشفى .. الحو كان بارد والغيوم مغطيه السماء ونسيت تلبس معطفها .. بس ما اهتمت ..

اول ما وصلت الغرفه الكان فيها مقداد دخلت بهدوء .. سيف ومجاهد وميمونه كانو في الغرفه بدون ايمان .. ومقداد كان ساند على مخدة والتعب ظاهر في وشو! .. ابتسم لا إرادياً اول ما شافها ..

شمس: صباح الخير
ردو: صباح النور
اتقدمت ببطء: كيفك
مقداد: حمدلله ( كان نفسو يقول ليها بعد شوفتك )
شمس: الحمدلله لما عرفت انك صحيت جيت طوالي بس انت كويس يعني
مقداد: كويس يا بتي الحمدلله
ابتسمت وقعدت في كرسي ..
سيف: وين البقيه ما جو معاك ؟
شمس: لا بس جاين
..

كان في هدوء لوقت طويل ..

وبعدها كلهم جو واطمنو عليه .. والدكتور قرر يخرجو المساء لما يتاكدو من صحتو ....

شمس وقفت عشان تطلع ..
صهيب: شمس انتي حتمشي
شمس: اي
صهيب: طيب حوصلك معاي انا برضو ماشي
شمس ما حبت تحرجو وطلعت معاه ..
شهاب عاين لبسمه الكانت بتعاين ليه بنفس النظرة .. استاذن ولحقهم المعرض ..

عدت ساعات وسيف وايمان رجعو مع ابوهم وامهم .. مقداد طلع غرفتو طوالي عشان يرتاح وميمونه لحقتو .. اليوم كان قاسي عليهم عشان كدا قررو هم كمان يطلعو يرتاحو ..

___

تاني يوم الصباح ..

شمس طلعت الحديقه بدري قبل مواعيد شغلها ..
اصال واصيل ( بنات ايمان) كانو في الحديقه ..

جات عليهم مبتسمه: انتو شنو المصحيكم ياحلوين
اصال: جينا نلعب في التلج
شمس: كدا حتمرضو ادخلو جوة طيب
اصيل: ماما قالت نلعب هنا عاوزين نلعب
شمس: طيب رايكم شنو تطلعو معاي الغرفه واوريكم حاجات حلوة ..
اصال: والله ؟
شمس: اي يلا ..
اول ما لفت عشان يدخلو لقت بسمه في وشها ..

بسمه جات عليها: خير ما كفوك الكبار عايزة تضمي الصغار برضو عليك ؟
شمس: نعم؟ قصدك شنو
بسمه: قصدي واضح ابعدي عن شهاب يا شمس وقولي لا اله الا الله
شمس: قوليها انتي وابعدي من طريقي
بسمه مسكت يدها: المرة دي حزرتك بس المرة الجايه حتشوفي بعيونك ..
شمس استعدلت: عايزة اعرف حتعملي شنو
اتحركت بسرعه ولزت بسمه .. علاء كان واقف في المرر ومن دون ما تحس لزتو هو برضو وطلعت غرفتها وقفلت الباب ..
بصوت عالي: يارب صبرني ..

علاء عاين بغرابه وطلع لبسمه: في شنو شمس مالها؟
بسمه: اسألها هي
ومشت خلتو
عاين ليها لحدي ما دخلت ورجع ابتسم لاصال واصيل ..

__

شالت تلفونها واتمحت الابتسامه الكانت في وشها .. صمتتو ورجعت تسرح شعرها .. اول ما خلصت جاها اتصال تاني .. ونفس الشي طنشت .. اول ما خلصت شالت ادوات الرسم حقتها وطلعت .. لاقت شمس طالعه من غرفتها ..
شمس: صباح الخير
نجمه: صباح النور ، على الشغل ؟
شمس: اي انتي رايحه وين حلوة كدا
نجمه بضحك: عندي مسابقه اوليه تمرين يعني
شمس: في طريقه امشي معاك؟
نجمه: طبعا ، بس شغلك
شمس: ما قادرة ماعندي ليه مزاج
نجمه بابتسامه: معناها حننبسط الليله
شمس: اي يلا
نجمه:يلا ..