عاين ليها وهي لسه ساكته ..
وبدأ يحكي ليها الحصل قبل 20 سنه ..
#فلاش_باك
في نفس القصر قبل 18 سنه .. وسط اصوات عاليه وضجر ..
مقداد:يااولدي انت كدة بتجررم في حق دينك اتراجع عن قرارك وطلقها
فياض: اطلقها؟
ميمونه: ايوة طلقها واصلا العرس كلو غلط وما صح
فياض: بس لانها مسيحيه؟؟ ولا عشان اجنبيه وما مننا؟؟
سيف الدين: فياض بطل امور الشفع دي وطلقاا
فياض بثقه: ميارا حامل وحتولد في الايام دي
ميمونه بصدمه: حااامل !!!!!
مقداد: لاحولا ولا قوة الا بالله
سيف الدين: الطفل دة ما شرع...
فياض قاطعو: ابلع حلقك يا سيف وابعد عن الموضوع ..
سيف: تسلم يا اخوي .. نزل وهو زعلان وعابس ..
مقداد: الحصل حصل هساا حنعمل شنو؟؟
فياض باس راس ابوهو وبصوت باكي: ساامحني يا ابوي بس لسه ما جا الوقت عشان تعرفو الحقيقه!
ميمونه: حقيقه شنو يا فياض يا ولدي
مقداد: ؟؟؟؟؟
فيااض ما رد عليهم .. نزل بعد ما غمض عيونو بغييظ .. عاين لتلفونو " أماليا "كانت متصله عليهو ردا عليها وطلب منها تستنى .. نزل وطلع من القصر عاين ليها بانكسار
أماليا مسكت ايدو: عارفه انهم ما حيوافقو بزواجنا
(اماليا اهلها من اشهر العيل الهولنديه .. اتلاقو هي وفياض في معرض رسومات قبل 3 سنين - حبو بعض واتزوجو .. اهل اماليا كانو مبسوطين بالزواج ما كان بهمهم غير سعادتها .. اما اهل فياض كانو رافضين خصوصا انها مسيحيه )
فياض: ربنا حيصلح اي شي ان شا الله
اماليا: ان شا الله
طلعو عربيه فياض .. اماليا كانت بتتحسس على بطنها منتظراا مولودها .. فياض كان حاسس بشعور الابوة قبل ما طفلو يجي على الدنيا ..
اماليا: بيتحرك بسررعه
فياض خت ايدو وهو سايق .. كان مبستم ومركز معاها .. بين ثواني عديدة العربيه اتقلبت بيهم .. صمت ووجع فراق وموت دموع وحزن .. فياض مات في نفس اللحظه .. وميارا شبه ماتت .. اتنقلت للمستشفى .. بين ساعات بسيطه ميارا استسلمت للموت .. لحقت فياض .. بس ما ساقت معاها طفلتها القدرو الاطباء ينجوها 💔 .. مع اول صرخاتها امها راحت بعيد وما حترجع ..
كانت ايام مؤلمه للعيلتين .. اهل اماليا اخدو الطفله .. بس جدها وجدتها اتوفو بسنه بعد موت اماليا وفياض .. خيلانها وخالاتها قررو يودوها لاهل ابوها بعد ما يأسو منها .. بس اليأس الحقيقي بعد ما اهل فياض رفضو يتبنوها للحقيقه المافي زول حينكرها وانها غير شرعيه طول ما زواج فياض واماليا كان باطل .. سيف الح كتير على ابوه انو يديها لعيله سودانيه ودا انسب حل انهم يتأكدو انو ما حيحصل ليها شي وفي نفس الوقت تكون بعيدة عنهم .. ميمونه كانت رافضه انهم يرموها بس ما كان في ايدها شي ..
_
الحاضر ..
فشل في انو يكتم شهقاتو ، احنى راسو ونزلت دموعو بغزارة ..
شمس رفعت راسها بصوت شهقاتو ، وقفت على حيالها وجات عليهو ، رفع راسو وعاين ليها بس ما كان متوقع انها تحضنو ، شمس حضنتو لأول مرة ، ولأول مرة برضو تحس بشعور الأمان ، على قدر ماهي زعلانه اتزكرت برضو انو هو السبب في وجودها هنا هو الكان سبب في انها تحقق طموحها ، اتزكرت دافعو دايما عنها وكلامو الحلوها ليها ، وقتها استدركت ليه كان بعاملها كويس دايماً ..
مقداد بادلها العناق الدام دقائق طويله ..
شمس: ما كان قصدي اعلي صوتي اسفه
مقداد: انا الاسف يابتي سامحيني وخليني اموت مرتاح
شمس مسحت دموعها: تموت ؟ عاوز تمشي تخليني ذي فياض؟
مقداد هز راسو بمعنى لا وباسها في راسها ، حس انو ملك الدنيا وما فيها ، يادوب حس انو الهموم العاش بيها طول السنين دي نزلت عن اكتفو ..
مقداد: انتي ما نكرة ، انتي حفيدتي وحفيدة الاسعدي والهنا كلهم بحبوك وعاوزنك معانا وفي نصنا ..
شمس ابتسمت ورجعت حضنتو ..
علا: دا كلو كان حاصل واحنا ما عارفين ؟
ميمونه: ما كان لازم تعرفو
بشرى: دسينا منكم عشان مصلحتكم ..
اياد: وين مصلحتنا في الموضوع يا خالتو؟ انو شمس اتشردت واتيتمت واهلها لسه عايشين ؟
ميمونه: مافي زول ما بغلط واحنا غلطنا
شهاب جا على جدتو : الحصل حصل يا جماعه هس المفروض شمس تتقبل انها تعيش هنا ..
سكتو لما جدهم جا نازل من غرفتو وماسك شمس من ايدها ..
نجمه حات عليها: شمس انتي كويسه ؟
شمس: اي
سيف عاين لابوه الماسك شمس واستغرب جدا ..
مقداد ردا على شهاب: شمس حتعيش معانا اكيد بس في حاجه كلكم لازم تعرفوها واولهم انت يا سيف ..
سيف: شنو ؟
ايمان جات داخله البيت وبتعاين لشمس بإستغراب انها لسه في البيت ..
مقداد: وكويس انو ايمان برضو جات ..
ايمان: انتي لسه هنا ؟
مقداد: كلامك معاي يا ايمان ..
سيف: عاوز تقول شنو يا ابوي ؟
مقداد اخد نفس : فياض كان متزوج اماليا
مجاهد: ايوة كلنا عارفين بس ..
مقداد قاطعو: اماليا اسلمت ودا الما كنا عارفنو وفياض رفض يورينا الحاجه دي لانها كانت مخبياها من اهلها برضو .. انا وللاسف عرفت الحاجه دي قبل كم شهر ..
عاين لشمس الكانت بتعاين ليهو بإستغراب انو ما قال ليها الحاجه دي فوق: ابوك كان منتظرك يومها ومبسوط انك حتطلعي للدنيا عكسنا كلنا ياريت فياض كان عايش .. ميمونه جات على شمس وحضنتها والمرة دي بصفتها جدتها ..
ايمان عيونها لمعت للحظه وبسرعه نزلت راسها ودخلت غرفتها .. شوقها لفياض غلب كرهها ليهو .. ويمكن سيف نفس الشي .. كل الكان خاصل سوء تفاهم واستعجال وتعصب قدر يخرب حياة 3 اشخاص في نفس الوقت ..
عدت الايام والوضع في البيت بقا احسن من الأول ..
شمس طلبت من نجمه تقعد معاها في غرفتها ، وبسمه طلعت من المستشفى بكرسي متحرك ، وصهيب دايما كان حوليها ، روضه لسه بتكره شمس واثار نفس الشي ، ودا كلو بسبب حب العيله الزايد وواضح لشمس ، وضاح قرب من اختو اكتر ودي الحاجه الوحيدة الكانت بسمه مبسوطه بيها ..
اما شمس كان كل هدفها تعرف الشخص الكان في الطابق التالت ومن يومها ماقدرت تتجرأ وتطلع الطابق التالت ولا حتى تسأل نجمه منو !!!!
يتبع
