أمستردام

١٦

بسمه جات نازله بكل ثقه ووراها اثار ..

مقداد:بسمه
بسمه: اي يا جدو
مقداد: تلفونك كان وين قبل ما يتلقي في غرفه شمس
بسمه: ما بتزكر
مقداد: كيف ما بتتزكري مش تلفونك والمفروض تفقدي
بسمه: اكيد فقدتو كنت عاوزة اعمل حاجه مهمه ومالقيتو

نجمه جات نازله ووقفت قدامها والزعل واضح في وشها ..
نجمه: انتي عاوزة تصلي لشنو ؟ تلفقي حاجه ذي دي لشمس ليه ؟ عملت ليك شنو ؟
بسمه: انا ما لفقت شي كلكم شفتو التلفون كان عندها
نجمه:مافي زول شاف شي غيرك غير اني سمعتك انتي واثار بتتكلمو قبل شويه انكم خططو ل كدة
اثار: كذابه ، مافي حاجه بتخلينا نعمل كدا
نجمه:لا في وانتو براكم البتعرفو ..
عاينت ل جدها ..
نجمه: هم الختو التلفون في غرفتها يا اما اصلا بسمه ما لقتو في غرفتها وبتتبلا عليها ..
مقداد جا عليها: الكلام دا صح ؟
بسمه رجعت وراء: انتو ليه بتتدافعو ليها كل دا ختى وهي الغلطانه ؟
مقداد: ردي علي كلام نجمه صاح
بسمه سكتت وعيونها غرقانين دموع: لا
مقداد: والله لو كلامها صاح حسابك حيبقى عندي ..
ايمان: في شنو يا ابوي انت بتصدق نجمه وتكذب بتي
مقداد:لاني عارف بتك ودي حركاتها
ايمان: انا لتي ربيتها كويس بتكذبها وتصدق شمس ؟ الجايبها من الشارع يا ابوي ؟
ميمونه:اسكتي انتي خلاص
مقداد:خليها تتكلم ..
ايمان: اي ما حسكتت طول ما انتو بتدافعو لليتيمه دي على حساب بتي

في اللحظه دي الكل كان لعاين بصمت .. شمس دخلت ورا شهاب الاصر انو يجيبها وفعلا جات راجعه معاهو .. سمعت اخر كلام قالتو ايمان .. واتقدمت خطوات عشان ترد علبها ..
شمس: انو اكون يتيمه دا ما عيب ولا شتيمه ، انا ما جيت مع مقداد عشان اتهان ولا عشان اعيش هنا حباً فيكم كلكم عارفين انو ماعندي ضهر وجيت بس عشان اشد ضهري واحقق طموحي واشتغل .. كتر خيركم كلكم في النهايه اويتوني في بيتكم ..

طلعت بخطوات سريعه للسلم بعد ما عاينت ل بسمه ..

مقداد قعد في كرسيه وختا راسو بين يديه ..
شهاب:في شنو ؟
مافي زول ردا عليه ..
بشرى:اطلعو خلونا برانا يا شهاب وصهيب ..
طلعو بخطوات بطيئه وهم بعاينو لجدهم ...
ايمان: ولسانها طويل كمان
مقداد:ايمان ماعايز اسمع صوتك سوقي بتك وامشو من هنا ..
ايمان ما اتكلمت وساقت بسمه ودخلت معاعا غرفتها ..
اما روضه اشرت ل اثار عشان تطلع غرفتها وهي برضو طلعت ..
بشرى: استاذن ..
فضلو سيف ومجاهد وابوهم وميمونه ...

______

نجمه دخلت ورا اثار ..

نجمه: ليه عملتو كدا يا اثار ؟
اثار: احنا ما عملنا شي
نجمه: انا سمعتك انتي وبسمه بتتكلمو
اثار: تقومي تفضحينا صح؟
نجمه: يعني كلامي صح
اثار: اي صح
نجمه: ليه طيب
اثار: اسألي بسمه ما تسأليني انا
نجمه: طيب يا اثار ..

واتوجهت للباب وطلعت .. اول ما طلعت شافت جدها جاي من جهه السلم ..
نجمه: جدو ؟
مقداد: شمس في غرفتها صاح
نجمه: اي
خلاها وودخل غرفه شمس بعد ما طرق الباب ..
نجمه عاينت ل علاء الطلع من غرفتو واشر ليها تجي ...

____

كانت ضامه نفسها وقاعدة جنب شباك غرفتها .. وقفت اول ما سمعت صوت الباب وبعدها مقداد دخل وما اتكلمت .. جاذ عليها وختا يدو في راسها ..
مقداد: انتي كويسه
شمس هزات راسها بمعني ايوة
مقداد:ما تزعلي من كلامهم انا عارفك كويس ما بتعملي كدا
شمس: ......
مقداد: انا حخلي بسمه واثار يجو يعتزرو ليك لانهم غلطو انهم افترو عليك
شمس: ما عايزة زول يعتزر في النهايه انا الدخيله ودا بيتهم .. انا بس عاوزة اطلب طلب!!
مقداد: قولي
شمس: عاوزة مرتبي يزيد شويه عشان اعرف اجر شقه
مقداد: شنو ؟
شمس: اي انا اتعودت خلاص وبجد ماقصرتا معاي بس انتو في غناء عن مشاكلي المابتخلص فا ياريت ..
مقداد قاطعها بحزم: مافي حاجه من القلتيها دي حتحصل انا ماصدقت لقي ..
وسكتت
مسح على وشو وكمل: ما حتقدي براك انتي مافي السودان
شمس: الله يطول في عمرك اقبل بطلبي دا وبعدها اعمل العايزو مستعدة اشتغل ليل نهار ..
مقداد: عايني يا بتي انا جيت عشان ارضيك لو طلبك دا في صالحك كنت حوافق بس هو اكيد مافي صالحك .. مافي زول حيتعرض ليك تاني باي كلمه وما حتطلعي من البيت دا فاهمه ..

وطلع خلاها واقفه بين تساؤلاتها ..

____

علاء: الحاصل شنو تحت ؟
نجمه: ولا شي ما تاخد في بالك
علاء: انا اول مرة اشوف جدو جا طابقنا ما غريبه شويه؟
نجمه: اي كان لازم يجي يراضيها انت ما عارف بسمه واثار عملو شنو
علاء: اي اي سمعت بس يمكن معاهم حق
نجمه: علاء انت جادي من متين بسمه واثار معاهم حق؟
وضاح جا طالع: بتقطعو في اختي
نجمه: اختك براها بتجيب القطيعه ل نفسها
وضاح: الله يهديها

________

الساعه 12:30 صباحاً

اصوات عاليه .. واضح انو في عاصفه قويه ...

وقفت عشان تقفل شباك غرفتها .. رجعت سريرها وكان في صوت جاي من برة .. طلعت بس ما كان في شي .. الصوت لسه بيعلي وكانو مألوف لانها ما اول مرة تسمو .. عاينت للطابق التالت كالعادة مظلم .. المرة دي ما اترددت وحاولت تطلع تشوف مصدر الصوت .. كانت ماشيه في السلم وفجاءة اتفزعت لما سمعت صوت من رواها .. وقعت على رجلها وبدت تتأوه بصوت واطي ..

شهاب: ما تتحركي انتي كويسه
رفعت راسها: اي كوبسه زح ايدك
شهاب رجع لورا: كنتي طالعه فوق ؟
شمس وقفت ببطئ: اي
شهاب: ليه ؟
شمس: كان في صوت من فوق
شهاب: اي صوت اكيد بتخيلك
شمس: ما بتخيل لي المرة دي متاكدة انو في صوت من فوق ودي ما اول مرة لو بتتزكر
شهاب: حتى لو في ما مهم ارجعي غرفتك الوقت متاخر
شمس: نفسي افهم انت بتطلع من وين ؟
شهاب: جني
شمس: شنو ؟
شهاب:جني قلنا يلا ارجعي
شمس: طيب خلينا نشوف ..
شهاب قاطعها: قلتا مافي شي حترجعي ولا كيف
شمس وقفت وعاينت للطابق وقتها اتاكدت انو في شي لانو شهاب كان مصر انها ترجع غرفتها ..
كان بعاين ليها لحدي ما اتاكد انها رجعت غرفتها وبعدها هو رجع ..

* ماذا يخفي الطابق الثالث في منزل الاسعدي؟ *

توقعاتكم للبارت الجاي

يتبع