طلعت غرفتها بسرعه من دون ما تتعاطى مع زول .. غيرت ملابسها واخدت حمام ورجعت تفتح الاوارق .. عاينت لجهه الباب الانفتح ..
نجمه: هلو
شمس: هلا ادخلي
نجمه: يلا الغداء مستنينك
شمس:ما جعانه
نجمه: ماينفع جدو طلب اجيبك معاي
شمس: طيب ثواني
نجمه: حنزل قدامك
شمس: استنى حنزل معاك ..
لفت شعرها ولبست جكت طويل ونزلت مع نجمه ..
كل عيله مقداد كانت متجمعه في السفره
اولادو واحفادو ونسوانهم ..
قعدت جنب نجمه بخجل .. ما اتعودت على جو الاسرة الا قبل ساعات ٦
.. في جزء بياكل وجزء بيتونس وجزء بعاين ليها ..
نجمه همست ليها: اكلي
شمس ابتسمت ليها وبدت تاكل ..
ايمان بت مقداد كانت بتعاين ليها وساكته ونفس الشي سيف الدين ومجاهد ..
اصيل(بت ايمان): ماما دي ضيفه ؟
ايمان: اي
اصال: حتقعد معانا ؟
ايمان: اي وما تسألو كتير
ميمونه ضحكت: ايوه دي ضيفه بس اعتبروها اختكم .. وعاينت لايمان بنظره غريبه ..
مجاهد: من متين بترسمي يا شمس
شمس: من 8 سنين
مجاهد بضحك: كويس يعني ابوي لقاك جاهزه
مقداد: فعلاً مبدعه ما شا الله
بسمه:وبتعرفي تطبخي ؟
الكل سكت لسؤال بسمه ..
شمس ردت بعفويه: ايوه
اثار(بت مجاهد وروضه): معناها بكره الغداء من ايديك
ميمونه:تطبخ ليه وفي طباخين
شمس: عادي حطبخ ان شا الله
مقداد عاين لإيثار وبسمه: احسن تاكلو وانتو ساكتين ..
بسمه لوت خشمها وكانت حتتكلم بس امها مسكتها ..
ايمان: تعالي ي بسمه عاوزاك ..
بسمه: بس انا ما اكلت شي
ايمان بحزم: بسمه يلا قدامي عاوزاك ..
وقفت بنرفزه ومشت مع امها لغرفتها ..
نجمه: ما تزعلي
شمس: لا على شنو
وقفت: عن اذنكم وطلعت غرفتها ..
مقداد عاين لاثار: انتي وبسمه متين حتبطلو البتعملو فيه دا
اثار: جدو هس ..
مقداد: ما عايز اسمع كلمه .. دي ضيفه ولحدي ما تمشي بتمنى من الكل يحترمها ..
شهاب جا نازل من غرفتو بصوت جدو: صحتك يا جدو خير في شنو
مقداد: مافي شي اقعد اتغداء
ميمونه: انت كنت وين من قبيل
شهاب: في غرفتي انشغلت شويه
ميمونه: وين اخوانك
شهاب: اياد وعلاء ووضاح؟ ديل متين في زول بعرف مكانهم
مقداد: تصرفاتهم دي ما حيخلوها هم التانين
شهاب: خليهم براحتهم ياجدو وما تتعب نفسك معاهم
سيف: شهاب معاهو حق انا بتصرف معاهم اهم شي صحتك ..
مقداد وقف وطلغ غرفتو بدون ما يرد عليهم ..
نجمه: من بسمه ل اياد وعلاء ووضاح حتجلطوهو وتقعدو
شهاب: بعد الشر انتي كمان حاسبي على كلامك
نجمه: بابا شوف حل مع ولدك واياد ووضاح لانهم كتروها الايام دي لجدو
سيف: بتصل اشوفهم وين ، اها كيف كان تدريبك
نجمه اخدت نفس: الحمدلله قريب حيكون في مسابقه
بشرى: ربنا يوفقك حبيبتي
شهاب: وانا مافي لي دعوه ولا شنو ؟
بشرى: دعواتي ليكم كلكم طبعا
نجمه: اميين
بشرى: الصباح دردشت مع شمش شويه وباين انها محترفه في الرسم خليها تعلمك ..
نجمه بضحك: حاضر بس هي توافق
شهاب كان بعاين بعيونو وفجاءة: دي نفس البت الشغلها جدو في المعرض؟
نجمه: اي
شهاب: طيب ليه جابها هنا ؟
بشرى:عادي يتيمه وما بتعرف ناس هنا ..
وعاينت لميمونه .. وبعدها كملو اكلهم
