اياد اتقدم بخطوات سريعه .. ونجمه وراه بتقولو خلينا نرجع ..
اياد: هشش ..
اول ما قرب عليه ضربو في ايدو عدة ضربات ونجمه فتحت النور بعد ما بدت تصرخ " حرااامي ".. كان واقع وبيتأوه ..
اياد رما العصايه: انت ؟
نجمه ختت يدها في خشمها: شهاب ؟
شهاب: ليه ضربتني كدا انت جنيت ؟
اياد: كنت .. كنت قاليل
بسمه واثار جو طالعين ووراهم شمس وصهيب وعلاء ووضاح برضو طلعو ..
صهيب عاين لشهاب الواقع: دا شنو في شنو ؟
شهاب وقع: الاغبيه ديل وقعو فيني ضرب
اياد: يعني انت ما الحرامي ؟
نجمه: احنا كنا لاحقين حرامي
شهاب: حرامي ؟
بسمه: والساعه 10 ؟ سيريس يا اياد ونجمه ؟
نجمه: ما غلطنا انت شنو البحموك باليل وكمان مغطي وشك
شهاب: انا ما مغطي وشي لكن
اياد: كان مغطي وشو احنا متاكدين
نجمه: اي
علاء بنعاس: اكيد بتتخيلو ياخ ارح تصبحو على خير
نجمه: اقيف ياخ والله ما بنتخيل
شهاب ماسك كتفو: بتتخيلو يلا كل واحد على غرفتو
كلهم رجعو ماعدا اياد ونجمه .. كأنو متاكيد انو الشافوه ما نفسو شهاب .. بس طنشو الموضوع وكل واحد رجع غرفتو .. شمس كانت واقفه جنب باب غرفتها واستدركت انها دايما بتسمغ صوت من الطابق التالت .. حست بخوف وامنت باب الغرفه ...
_________
صباح يوم الخميس ..
الساعه 8:00 صباحاً
صحت بدري .. عن غير عادتها كانت سايبه شعرها .. لبست فستان بسيط ونزلت ..
في السفرة البتجمعهم دايماّ الكل كان موجود المرة دي عدا شمس .. كانت نازله من السلم والكل انتبه ل نزولها .. شهاب وقف عشان يطلع وما انتبه ليها وهي نازله ..
شهاب: يلا انا حطلع
شمس: صباح الخير
ردو كلهم:صباح النور
مقداد ابتسم اول ما شافها وميمونه نفس الشي
شهاب وقف وعاين ليها لما سمع صوتها ..
ميمونه: سبقناك اعفي لينا
شمس: عادي انا ما جعانه حمشي المعرض طوالي
مقداد: لالا افطري اول
شمس: حفطر هناك لما اجوع ..
ميمونه:شهاب انت طالع ؟
شهاب كان سرحان ..
ميمونه: شهاب ؟
شهاب: اي
ميمونه: لو حتطلع اطلعو سوا
شمس: لا السواق منتظرني
ميمونه: عادي اترافقو
شهاب عاين ليها: يلا ..
اتحركو مع بعض و بسمه كانت بتعاين ليهم ..
اثار: شفتي مهتمين بيها كيف
بسمه: ...
ولسه متابعاهم لحدي ما طلعو سوا ..
صهيب: طيب انا برضو حطلع
روضه: اقعد انت اكلت شنو ؟
صهيب: شبعت حبيبتي ..
وطلع وراهم ..
بسمه رمت المعلقه بصوت وطلعت السلم بنرفزة خلت الكل يلاحظ ..
نجمه: جدو مسابقي بعد اسبوع عارف صح
مقداد: اي موفقه يا بتي
نجمه: حتجو كلكم طبعا
بشرى والكل: اي ان شالله ..
_______
اول ما وصلو المعرض شمس حاولت تفتح الباب ومارضى يفتح معاها ..
شهاب ضحك بدون مايحس: زحي حفتحو ليك
شمس: شكرا بعرف
شهاب: بتعرفي شنو زحي بس
شمس فتحت الباب ونزلت وهي متضايقه ..
شهاب نزل وراها وكانو روا بعض ..
وصلو ممر طويل ومسكها من يدها ..
شهاب: استني يا شمس
شمس عاينت لايدو الماسكه يدها وبسرعه فكتها ..
شمس: منو السمحلك تمسك ايدي
شهاب: انا بعمل الانا عايزو
شمس: بصفتك شنو
شهاب: ولا شي وبعدين اقل شي المفروض تعملي انك تقولي شكرا
شمس: شكرا ياسيدي وياريت تلزم حدودك معاي
اتقدمت وخلتو واقف .. ما كان قدامو غير يقبل بطول لسانها ويدخل مكتبو ..
_________
قفلت الباب بقوة وقعدت في طرف السرير وبدت تبكي وتهز في رجولها ..
الباب اتفتح
اثار: انتي بتبكي ليه هس ؟
بسمه: اثار ما عايزة اسمع صوتك بليز
اثار: غبيه والله انا لو محلك امسكها من شعرها واضربها
بسمه: عشان الكل يقيف معاها ويغلطني صح ؟
اثار: لا مافي زول حيقيف معاها
بسمه: انا بكرهو اصلا وما يستاهل
اثار: شهاب بحبك يا غبيه ما تخليها تعكر مزاجك
بسمه مسحت دموعا: شمس حلوة يا اثاروالكل عيونو عليها حتى صهيب امس وصلها
اثار سكتت وقعدت جنبها ..
اما بشرى وروضه ..
طلعو الحديقه عشان يشربو قهوتهم المعتادة ..
_____
نجمه طلعت مع اصحابها وبعد خلصت .. اتصلت على شهاب اخوها ..
نجمه: حبيبي
شهاب باستهبال :منو معاي ؟
نجمه: نجمه سيف الدين مقداد كامل الاسعدي
شهاب ضحك: خير اكيد عاوزة شي
نجمه: لا بس شكلك ناسي
شهاب: شنو؟
نجمه: مش قلنا حنطلع كلنا المنتجع
شهاب: اي صح طيب اخلص واجي وراكم
نجمه: طيب نتلاقى ..
الساعه كانت 4:00 مساءا
شمس عاينت لتلفونها البتصل .. شالتو وردت ..
شمس: هلا نجمه
نجمه: يلا انا تحت
شمس: تحت وين؟
نجمه:تحت المعرض
شمس: اسفه يا نجمه ماخقدر اجي بالجد مشغوله
نجمه: ما حقبل اعزار يلا انزلي .. وقفلت الخط
شمس كملت الفي ايدها ونزلت بعد دقائق نجمه كانت واقفه مع صهيب ..
نجمه: بسمه واثار راحو مع علاء واياد ووضاح وشهاب قال حيلحقنا ..
صهيب: طيب مشينا
شمس:يلا ..
* ما راجعت الاخطاء العفو *
يتبع
