روايتي الاولي لبقية حياتي معك - الجزء الآول بقلم بسمة سمير

الحلقة 1

بسم الله الرحمن الرحيم

السلام عليكم ورحمة الله وبركاته

دى أول رواية ليا أتمنى من الله انها تنفع الجميع بما يصلحهم

وأن تعجبكم ويجعل فيها النجاح

تنبـــيــه: أبرئ نفسى امام الله من استخدام الرواية فيما لا يرضى الله

الرواية بدأت كتابتها في عام 2014 و إنتهت كتابتها 3 أجزاء في عام 2017

نبدأ بـعـون الله

روايتى الاولى

لبقية حياتى معك

For The Rest Of My Life,I'll Be with You

الـبـطـلـة هى شخصية تُمثل كل بنت فينا

بــطــلــة روايــتــنــا هى " بســــــــمـــــة "

بنوتة رقيقة بريئة فى أخر سنة لها فى الثانوية العامة

عندها خجل ملهوش حدود و تعشق الهدوء تحب تسرح بخيالها كتيييير

........

فى أحد المدن الجديدة بالقاهرة

يوجد مبنى مكون من 3 طوابق أمامه حديقة مليئة بالورود و الزهور الرائعة و مبنى اخر بجواره مكون من طابقين

كانت تجلس بسمة فى المبنى الاول فى غرفتها و مشغلة السماعات بصوت عالى كعاداتها

سامية (بصوت عالى من بعيد): هو مين ده اللى سابلك فراغ كبير يا مزغودة

رن جرس الباب و بعد السلامات و التحيات دخلت البنت الى غرفة بسمة بعد ما خبطت خبطتين

بسمة (توطى السماعات و تقف تسلم): أهلا أهلا ببنت خالتى

فاطمة (تجلس بكل حماس بإبتسامة واسعة): سمعتى ألبوم عمرو دياب الجديد ؟

بسمة رفعت صوت السماعة و ضحكت

فاطمة (بحزن): عاااااااااااا

بسمة (تتذكر بحرج و تأسف): معلش انا اسفة جيت عالجرح

فاطمة (تترمى فى حضنها و تعيط): خلاص يا بسمة مشى إنهردة و مش هشوفه تانى

خلاص هيسيب العمارة اللى جمبيكو و هيسافر

بسمة (تطبطب عليها): معلش يا فطوم ميستاهلكيش والله

لو كان بيحبك بجد مكنش علقك بيه و سابك

إنتى تستاهلى أحسن منه

فاطمة (ببكاء اكثر): مش قادرة يا بسمة أتحمل بُعده

بسمة (بمرح تلطف الجو): ياستى يمكن السُكّان الجُداد يكون فيهم واحد قمر كدا و يعجب بيكى و يكون هو اللى يستاهلك و يعوضك عن الحقير التانى

فاطمة (تبتسم): تفتكرى هقدر أحب غيرو ؟

بسمة (بجدية): لو طلعتى الاولانى من دماغك أفتكر ونص