روايتي الاولي لبقية حياتي معك - الجزء الآول بقلم بسمة سمير

الحلقة 20

الحلقة الـ ( 20 ) من روايتى الاولى

لبقية حياتى معك

For The Rest Of My Life,I'll Be with You

بعد مرور اسبوع

عمر اتحسن كتير و بقى يمشى على رجله لكن بيسند بالعكاز

ميرفت و سامية و الاء و بسمة خلصو فرش الشقة

بسمة رغم ارهاقها فى الكلية كانت بتروح تساعدهم بنية

( كان الله فى عون العبد ما دام العبد فى عون اخيه )

( و حديث الرسول عليه الصلاة و السلام لأن أمشى فى حاجة أخى خير لى من أن أعتكف فى مسجدى هذا شهراً كاملا .. و يقصد مسجد الرسول )

و قبل معاد الفرح بيوم ..

بسمة للاء: ها جاهزة ؟

الاء: نفسى اعرف هتعملى ايه

بسمة (بعيون لامعة): هانت متستعجليش

الاء: لازم يعنى؟

بسمة (بتصميم): اووووف مش اتكلمنا كتير فى الموضوع ده انجزى الوقت بيجرى

الاء: يلا يا ام دماغ ناشفة

و ذهبت الاء و بسمة الى شقة العروسة ( الاء)

بسمة: بصى انتى شوفى اى حاجة ناقصة فى الشقة اعمليها ماعدا اوضة النوم

الاء (بغيظ): يااااربى عليكى نفسى اعرف هتعملى ايه

بسمة (بضحك): خليكى على نار 😛

دخلت بسمة اوضة النوم و اخدت نفس عميييق ثم شغلت قرآن و بدأت فى اخراج الادوات من الشنطة .. طلعت مفرش العروسة و فرشته و نظرتله بإبتسامة .. و بدأت فى تزيين السرير بطريقتها

وضعت عليه الورد المجفف و رسمت بيه قلب كبير مكتوب فيه

( انا و زوجى قلب واحد )

ثم وضعت لمبات صغيرة ملونة حوالين السرير و أضائتها

بعدين طلعت بلالين كتير باللون الاحمر و الابيض وفضلت تنفخ فيهم شوية و تستريح شوية

فى هذه اللحظة دخل عمر شقة الاء بعد ما اتصل عليها و عرّفها انه جاى ياخدهم لان الدنيا بقت ليل

عمر (ينهج): حرام عليكى يا مفترية

الاء (بضحك): يعنى هو ذنبى اومال لو كنا اخدنا الشقة اللى فى الدور السابع كنت عملت ايه

عمر (يجلس على اول كرسى قابله): لاااااا الخامس حلو اوى .. المهم خلصتو ؟

الاء: اه خلاص اهو فاضل حاجات بسيطة

و اتصل مصطفى على الاء و ردت عليه و مشيت بعيد عن عمر و لما عمر لقى الاء طولت فى المكالمة و سمع صوت حد بيدندن قام وقف و ابتدى يقرب ناحية الصوت