روايتي الاولي لبقية حياتي معك - الجزء الآول بقلم بسمة سمير

الحلقة 16

الحلقة الـ ( 16 ) من روايتى الاولى

لبقية حياتى معك

For The Rest Of My Life,I'll Be with You

الاء: شوفتى يا بسمة الفرح إتأجل 3 شهور

بسمة (بخضة): لييييه ياحبيبتى خير فى ايه؟

الاء (بحزن): مصطفى قالى لسة شوية فى الشقة

بسمة: معلش يا لولو ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ )

الاء (ببعض الراحة): عندك حق محدش عارف الخير فين

بسمة (بإبتسامة): الخير فيما اختاره الله

الاء (براحة): على رأيك ,, يلا خلينى فى أرابيزك شوية

بسمة (بهزار): صبرنى يارب الـ 3 شهور دول

الاء (تخبطها بخفة): يا شوز

بسمة (بضحك): حبيبتى يا لولو والله

الاء (بخبث): انا اللى حبيبتك بردو

بسمة (بكسوف رهيب):..................

ضحكت الاء عليها فضربتها بسمة بخفة

و تمر الايام و كل ما توقف حاجة قدام بسمة فى المنهج تقول لـ عمر يشرحهالها

و بعد ما خلص معاها شرح

عمر (متذكراً): مش ناوية تقوليلى على سحابة الحزن اللى بشوفها كل ما اشرحلك و أدايق فى نفسى و أسكت

بسمة (جحظت عيناها بشدة):.................

عمر: متفتكريش انى مش واخد بالى

بسمة (تخفض راسها للاسفل بخجل):...............

عمر (بتمنى): لسة مش هتقوليلى؟

بسمة:.................

ثم بعد لحظات: بصراحة انا فكرت فى الموضوع حسيت انه هيجيب مشاكل بعد الموقف اللى حصل مع ابن خالتى

سامحنى يا عمر مش هقدر احكيلك

عمر (جحظت عيناه بصدمة):..................

ثم بنظرات عتاب: يعنى ايه مش هقدرى

بسمة (بخوف): مش هتستحمل تسمعنى و أنا مش هقدر اتكلم

عمر (بملامح غاضبة):..................

بسمة (بخوف اكتر): طب تخيل معايا كدا

انت اتفقت معايا انك هتحكيلى على حاجات وحصل بعدها موقف وضحلك نقطة معينة و حصلت مشكلة وانت شايف ان الحاجات اللى هتحكيها دى هتجيب المشكلة تانى وأكتر بكتير هترضى انك تحكى الحاجات اللى اتفقت معايا عليها؟؟

ساد فترة من الصمت

عمر (بتفكير): احكيلى يا بسمة و متخفيش

بسمة (بضيق): اضمن منين مش هتحصل مشكلة

ثم ضغطت على نفسها: معلش مش هتحمل نظرات و عصبية منك أنا جيباها بإيدى