روايتي الاولي لبقية حياتي معك - الجزء الآول بقلم بسمة سمير

الحلقة 31

الحلقة الـ ( 31 ) من روايتى الاولى

لبقية حياتى معك

For The Rest Of My Life,I'll Be with You

فقامت ببطء و إتجهت الى البلكونة بإبتسامة واسعة تختلط بالكسوف

قربت إليه بسمة وجدته واقف مندمج مع الهوا و مغمض عينيه بإبتسامة

إبتسمت بفرح و إستمتاع بالهواء و ظلت تنظرله دون أن يشعر

عمر (يفتح عينيه بتنهيدة ثم بتعجب): بسمة!

بسمة (تميل راسها بإبتسامة عذبة): ايوة بسمة

ثم بتريقة: سرحان و ابتسامة و تنهيدة ايه دا كله

عمر (بضحكة): دانتى هنا من بدرى بقى

بسمة (بهزار): مش اوى يعنى حوالى نص ساعة

عمر: يا سلاااام

بسمة (بمرح): ماتتوهنيش بقى قولى بتحب جديد ماتخفش سرك فى بير

عمر (بضحكة ثم بمرح): لا ياختى أنا مرتشبط

و ضحكو الاتنين بسعادة و فجأة تذكر عمر و سكت فنظرتله بسمة بإستغراب وجدت ملامحه إتحولت الى الضيق الشديد

بسمة (بقلق خائف): مالك؟

عمر (بلا مبالاة): ابدا متشغليش بالك

بسمة (تحول وجهها الى عصبية شديدة ثم تنطق ببعض الهدوء): انت عارف انى مبحبش الكلمة دى

ثم بعصبية مكتومة: ازاى يعنى مشغلش بالى

عمر (ببرود): عادى

بسمة (تزداد عصبيتها ثم تحاول تقول بهدوء): مبحبش الكلمة دى كمان

عمر (بإندفاع): يعنى حابة بس خالك ينام جمبك

بسمة تتذكر بعدم فهم

عمر (يكمل بغضب): و أبعتلك رسالة تطنشينى لأ وكمان توسعيله مكان

بسمة تدارى وجهها الناحية التانية وهى تكتم الضحك بالعافية ثم إلتفتتله بسرعة إحتراما له

بسمة (بإبتسامة): ممكن نتكلم براحة

عمر (يحاول يبدو طبيعى): مفيش كلام اصلا دلوقت علشان انتى تعبانة

بسمة (بحنان): منا مش هسيبك زعلان

ثم و هى تشده من يده ليجلسو: الرسول عليه الصلاة و السلام قال إذا غضب أحدكم فليغير مكانه فإذا كان واقف فليجلس والعكس

عمر هدأ بعض الشئ

بسمة (بهدوء): خالى اللى مسك ايدى مش أنا و أول مرة يعملها

و بصراحة كنت مكسوفة و أكيد من القلق زى ما إنت بتقلق و تمسك ايدى بيحصل ولا لا

عمر:..................

بسمة أحست ان كلامها جه فى الجون

بسمة تكمل بتعجب: ولما بعت الرسالة كنت فكراك بتهزر بصراحة متخيلتش انك تغير من خالو حسين بجد