روايتي الاولي لبقية حياتي معك - الجزء الآول بقلم بسمة سمير

الحلقة 14

الحلقة الـ ( 14 ) من روايتى الاولى

لبقية حياتى معك

For The Rest Of My Life,I'll Be with You

وصلت بسمة الجامعة و اتجهت الى المكان اللى اتفقو عليه

بسمة تخض منار من خصرها: اررركب الهوا

منار (بخضة شديدة): يابنتى حرااام عليكى اللى بتعمليه فيا هتموتينى ناقصة عمر

بسمة (تضحك بشدة) : دى هواية عندى مقدرش استغنى عنها عجبك ولا مش عاجبك؟ ثم ان اصلا مينفعش تقولى هتموتينى ناقصة عمر محدش بيموت ناقص عمر لان أجلنا مكتوب عند ربنا من قبل ما نتولد

منار: عاجبنى ياختى و الا مكنتش صاحبتك يا ستنا الشيخة

فاطمة (تتدخل): و انتى كمان يا بسمة مينفعش تخضيها

عَنْ جَابِرِ بْنِ زَيْدٍ ، قَالَ : بَلَغَنِي عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ، قَالَ : " مَنْ رَوَّعَ مُسْلِمًا رَوَّعَهُ اللَّهُ يَوْمَ الْقِيَامَةِ

بسمة (بخوف): ياخبرررر لأ خلاص توبت يلا كلها انهردة و هتستريحى منى

منار (بحزن): اااااه بجد زعلانة اوى مين هيخضينى تانى من بعدك

ثم تقول بصوت واطى بهزار: هخلص منها الحمدلله

بسمة: والله؟؟ بكرة تقولى ولا يوم من ايامك يا بوسى

منار (بضحك): طبعا يابنتى بهزر معاك يا رمضان انت مبتحبش الهزار ولا ايه

بسمة (تضربها على دماغها بخفة): لا ياختى بهزر

منار (بتألم): ااااه يا مفترية

بسمة: تستاهلى عشان تحرمى تبقى موزة كدا كل يوم

منار (تضحك بشدة): هو فى احلى منك يا جميل

بسمة: كفاية عيونك اللى مش عايزة تسلفيهالى دى بس انا بحب الرمادى اكتر من الاخضر

منار: كمان هتتشرطى .. اجرى يابت شوفى الكلية بتاعتك

فاطمة: طب قومو انجزو اتأخرنا

منار (تنظر للساعة): يانهار الوان

بسمة: و بطاطس و بتنجان

منار و بسمة و فاطمة : ههههههههههههههههههههه

و بعد انتهاء اليوم الدراسى إتجهو الى اقرب كفتريا فى الجامعة

بسمة (بتألم): آاااه يا ضهرى

فاطمة (بإرهاق): آاااه يا رجلى

منار (تضع يدها على بطنها): آاااه يا بطنى هموت من الجوع

بسمة: بما انك السليمة اللى فينا روحى هاتى لينا الاكل " و ملحقتش بسمة تكمل الكلام و اختفت منار "