روايتي الاولي لبقية حياتي معك - الجزء الآول بقلم بسمة سمير

الحلقة 24

الحلقة الـ ( 24 ) من روايتى الاولى

لبقية حياتى معك

For The Rest Of My Life,I'll Be with You

عمر (من خلفها بتعجب): بتعملى ايه هنا؟

إنتفضت بسمة بشـــدة و خبأت الورقة خلفها

بسمة (بإرتباك): بـ بـ إ انت جيت امتى

عمر (لاحظ ارتباكها): لسة حالا

ثم بنظرة تفحص: مالك مش على بعضك

بسمة (اعصابها سابت):.....................

عمر ينظر للدرج المفتوح ببعض الدهشة و عصبية مكتومة

بسمة (بحزن و ندم): والله ما كنت اقصد حتى لما لقيت المذكرات دى مكنتش هقرأ حاجة من غير مانتا تعرف بسـ ....

عمر: بس ايه؟

بسمة (بخوف و استغراب): بس فى ورقة شدتنى ولقيتنى بقرأ فيها من غير ما احس وانت دخلت عليا

و مدت يدها تعطيه الورقة بخوف و احراج فنظرلها عمر و زادت دهشته

عمر (بضيق): بتلعبى فى حاجة مش بتاعتك ليه؟

بسمة ( بزعل لإسلوبه): ايه ياعمر هو انت يعنى مش كنت هتوريهالى

عمر (بألم و هدوء): كنت هوريكى يا بسمة بس حاجات احسن من كدا

بسمة (تخفض راسها بملامح حزينة): انا اسفة 🙁

فتح عيونه ببطء و رأت فيهم حزن كبير مدفون

بسمة (بحزن لحاله): متزعلش يا عمر لما اكون معاك كدا صدقنى غصب عنى

إنت اول راجل غريب أتعامل معاه قصدى أول راجل بعد اخواتى و بابا و علاقى بيك مش زى اخواتى ولا بابا علاقتى بيك اكبر من كدا بكتير و دا مش سهل عليا

انا اصلا مش عارفة أتعامل معاك ازاى

انا طول عمرى اشوف راجل فى الشارع اغض بصرى بسرعة إتعودت كمان على كدا حتى تلاحظ عليا بعمل معاك ده

طب هقولك على حاجة انا ساعات بحس انى بعمل حاجة غلط

لأنى مش متعودة على الحاجات دى دايما عندى تحفظ جدا من ناحية الرجالة دايما عندى خوف منهم عشان كنت بحاول على اد ما اقدر احفظ نفسى و قلبى و كل حاجة للانسان اللى هرتبط بيه

و كمان امنيتى يكون الراجل اللى هرتبط بيه انا اول واحدة فى حياته زى ما هو اول واحد فى حياتى

ثم بإبتسامة: و هيكون اخر واحد ان شاء الله

ثم بسرعة: المهم انى محتاجة شوية وقت .. شوية تعود .. شوية استحمااال

عمر يبتسم و يهز راسه بالموافقة

عمر ( بسعاااادة): طب انا اقول ايه بقى بعد الكلام اللى قولتيه ده