روايتي الاولي لبقية حياتي معك - الجزء الآول بقلم بسمة سمير

الحلقة 32

الحلقة الـ ( 32 ) من روايتى الاولى

لبقية حياتى معك

For The Rest Of My Life,I'll Be with You

و بعد ضحك الاتنين مع بعض قال عمر بإهتمام: ها يا لمضة موضوع ايه اللى عايزانى فيه ؟

بسمة: عايزاك تحفظنى قرآن ^^

عمر (بفرحة كبيرة ثم بتعجب): طب ما إنتى بتحفظى .. تقصدى أراجعلك يعنى؟

بسمة (بكسوووف): تؤ تؤ تحفظنى

عايزاك إنت اللى تاخد الاجر و تاخد حسنات كتيييير

و تكون من ( خيركم من تعلم القرآن و علمه )

و تكون من ( خير الناس أنفعهم للناس )

عمر (بفرحة): اجمل طلب طلبتيه منى 😊

فبادلته إبتسامة واسعة و قال: قومى يلا هاتى المصحف

بسمة (بزهول): ممم أ بسرعة كدا ؟ يعنى المرة الجاية

عمر (بتصميم): خير البر عاجله يلا قومى

بسمة (تبتسم ثم بإحراج جدااا لنفسها): هموت من الاحراج

ذهبت و جاءت بعد دقائق بكسوف شديييد و أعطته المصحف و ظل يقلب فيه

عمر (بتعجب شديد): المصحف دا زى بتاعى بالظبط

بسمة (تضحك بخفوت): هو بتاعك اصلا

عمر (بتعجب أكثر): بسم الله الرحمن الرحيم .. ايه اللى جابه هنا ؟!

بسمة (تضحك بشدة): انا ناديت مامتك من البلكونة تديهولى

عمر (بنفس التعجب): طب ليه ؟

بسمة (تأخذهُ منه): عشان عايزة أنفذ معاك حاجة

عمر (بفضول): طب قووولى

بسمة (تكتب حاجة فى ورقة): اصبر بقى الله

عمر (بتنهيدة): يا مسهل

بعد لحظات أعطته بسمة المصحف و لسة هيفتحه

بسمة (بسرعة): إستنى هقولك على حاجة الاول

بُص انا متعلقة بالمصحف بتاعى جدا و بحبه اوى مقدرش أغيره خلاص إتعودت عليه

و أنا كان نفسى أجبلك مُصحف هدية بس عرفت انك انت كمان زيى

قولت فنفسى يعنى خلاص يا بت يا بسبوسة عمر مش هتعرفى تكسبى من وراه حسنات ولا هو هيعرف يكسب من وراكى حسنات

فجاتلى فكرة و نفذتها دلوقت إفتح بقى الورقة و هكمل كلامى لما تشوفها

عمر (ما زال متعجب بإعجاب من كلامها وفتح الورقة و إندهش أكثر عندما قرأ

" ما هو أنا مش هينفع ادخل الجنة لوحدى لازم نبقى فيها سوا "

إمضاء: زوجتك بسمة