روايتي الاولي لبقية حياتي معك - الجزء الآول بقلم بسمة سمير

الحلقة 3

ذهبت بسمة حضرت الدرس الخصوصى و بعد ان انتهت و هى متجهة الى منزلها قرأت اعلان عـن
نـــدوة بـعـد صـلاة الـعـشـاء
قررت بسمة تحضرها و تاخد فاطمة معاها و رحبت بهالاقتراح
بسمة (بحزن): كان نفسى منار تحضر بس للاسف بيتها بعيد
فاطمة: نبقى نحكيلها وخلاص
بسمة (بإبتسامة واسعة): فكرة جامدة
دخلو المكان عبارة عن دورين الدور الارضى كان للرجال و طلعو الدور التانى المخصص للنساء
بدأ الكل يسكت و أصبحو فى هدوء حتى وصل الصوت فى المايك ..
احم احم
السلام عليكم ورحمة الله وبركاته
ازيكم يا شباب عاملين ايه انهردة , انا مبسوط جدا ان فى ناس بقت تحضر و تتابع معايا , ياريت بقى اشوف تطبيق و إلا هيكون فى عقاب
فإبتسم بعض الشباب و قال احدهم: طب انا طبقت المرة اللى فاتت
الداعية: ليك عندى هدية يا معلم
الولد: إشطا يا شيخ " وضحك الجميع ثم بدأ بجدية "
الحمدلله و كفى و صلاة و سلاما على عباده الذين اصطفى ثم أما بعد :
كلمة سمعتها ومنستهاش ابدا من يوم ما سمعتها يا جماعة , كان فى حوار بيتعمل مع لعيب إسمه روماريو كان عنده 35 سنة
زى خيل الحكومة خلاص هيعتزل و كان فى لعيب تانى لعيب برازيلى مشهور جدا عالميا وقتها
اسمه رونالدو كان عنده 17 سنة فبيعملو حوار مع روماريو و هو خلاص بيودّع الملاعب
فبيقولو ايه رأيك فى رونالدو ؟
قال كلمة متتنسيش ابدا قال " ينتظره ايام رائعة "
قولت يااه شوف اهل الدنيا حسيت ان واحد بيتسحب منه حاجة غالية عليه اوى و شايف واحد تانى بياخدها و بيبصله يقوله يا بختك
يـنتـظـره ايــام رائعة لأ والله العظيم يا جماعة الكلمة دى بقولهالكو انتو
الكلمة دى انا بقولها لينا احنا , الكلمة دى لكل واحد عايز يتوب لكل واحدة عايزة تعرف طريق ربنا
لكل واحد عايز يبدأ صفحة جديدة مع الله , لكل واحد عايز ينطلق الى الله
يـــنـــتــــظــــركـــم أيـــــاااام راااائعة
يا كل واحد قلبك اشتاق لربنا , يا كل واحدة رايحة لربنا بقلبها مش برجليها
" بسمة و فاطمة عمالين يبصو لبعض بزهول و كأن الكلام مخصوص ليهم فركزو اكتر "
يا كل واحد نفسك انت كل يوم تقرب من ربنا خطوة جديدة
يا كل واحد قررت انك تتوب و قررتى انك تتوبى
ينتظركم اياااااام رااائعة
الدين دا اروع ايام فى الحياة , ارووع ايام
- كان فى احد الامراء زمان ماشى فلقى بيت واحد من السلف , بيت قديم و شكله فقر رهيب و كان هذا السلفى سافر يحج
فقال بيت من هذا ؟ فقال بيت فلان ,, فلان ده اللى فى البيت حالة فقر رهيبة و جعانين جدا و حالتهم صعبة
فمسك كيس فيه دنانير ذهب و ألقاه فيه و أول ما ألقاه كل اللى فالبيت اهل البيت و الاطفال و الزوجة هيتجننو من الفرحة
اغتنينا فى لحظة , ربنا فرجها علينا فى لحظة
الا بنت صغيرة خدت جمب و قعدت تبكى فأمها بتقولها يا بنية لما تبكى ؟ شوفى ربنا فرجها علينا ازاى ؟
فقالت يا امى: هذه نظره نظرها لنا عبد , فكيف لو نظر لنا الله ؟
يااا شباب كيف لو نظر لنا الله ؟ يا امة محمد كيف لو نظر لنا الله ؟ لو ربنا نظر لنا نظرة رحمة
طب لو ربنا نظر لنا لقانا قدام الكليبات , لو ربنا نظر لنا لقانا بنعصيه هيحصل ايه ؟
و لو ربنا نظرلك لقاكى بتبكى فى السجود فى التلت الاخير ؟ لو ربنا نظرلك لقاك ماسك المصحف قاعد بتقرأ و ترتل و تبكى ؟ لو ربنا نظرلنا لقانا عايشين حياتنا فى طاعة ربنا ؟ كيييف لو نظر لنا الله ؟
واحدة اخت لبست النقاب بتقول كلمة جميلة اوى
( بتقول انا حاسة ان انا عروسة الدنيا كلها بتزفنى )
انا عايزك تبقى عروسة الدنيا كلها تزفك
هدفى انهردة انك تبقى عروسة الدنيا كلها تزفك من السعادة اللى انتى فيها
كنت انا فى مرة مع شوية إخوة قولت ليهم كلمة لإبراهيم بن أدهم
( إنا لنجد لذة لو يعلمها أبناء الملوك لجالدونا عليها بالسيوف )
منساش ابداً مرة ركبت مع والد احد إخواننا أحد الشباب التائبين
قالى: انا لما حد بيسألنى عن تاريخ ميلاد ابنى بقوله 25\ 4\2003
25 ايه ؟! دا ابنك اتخرج خلاص ما شاء الله و بيتجوز ازاى ؟
قال دا تاريخ إلتزام ابنى
يااه جنة والله يا جماعة اللى بيلتزم ده بيبقى جنة فى حياته
لو فتحت صدره هتلاقى جواه جنة انسان عايش سعيد , انسان من غير هموم , إن ربنا كافيه من كل همومه
احد الشباب كان مرة بيقول : هو أنا لو إلتزمت هعيش سعيد ؟
" اندمجت بسمة و فاطمة عالاخر و مستنين اجابة السؤال بفارغ الصبر "
ياااه دا انت هتدوق السعادة اللى محدش شافها , و الايام الرائعة اللى محدش شافها
يا ابنى انت عارف رحمة ربنا اد ايه ؟
لو ابن ساب ابوه و الاب خلاص مش عارف يجيب ابنه و الابن قاعد تايه فى الدنيا و سايح فيها و بعدين الاب سمع ان ابنه إتسجن إتأثر و إتقهر على ابنه
فى ليلة من الليالى لقى الباب بيخبط و لقى ابنه قدامه
يعمله ايه ؟ يديله ايه ؟ يفرح بيه اد ايه ؟ و لله المثل الاعلى بقى ,,
ينتظركم ايام رائعة يا شباب ينتظركم ايام جميلة اوعى تضيعها , اوعى تضيع ايامك الحلوة الجميلة
ينتظركم ايام رائعة لو عرفتو ربنا و تبتوا يا آباء و يا امهات
ينتظركم ايام رائعة لو مشيتى فى طريق ربنا
واحد صاحبى كان عنده فى ضرسه ثقب هيموته من الوجع فبيقولى:
اول ما إلتزمت و إستعملت السواك ربنا أذهب كل ده عنى
و واحد صاحبى بيقولى أنا قبل ما ألتزم 13 تيرم ساقطهم مافيش ولا تيرم عديت فيه نضيف
أنا معرفتش النجاح نضيف غير لما إلتزمت و غير لما تبت لربنا سبحانه و تعالى
ينتظركم ايام رائعة يا شباب والله عايز تعيش السعادة كلها و البهجة كلها فى طريق ربنا
كنت قاعد مرة مع الشباب فى الدروس و كنت عايز اى علامة رضا من ربنا ليا و قعدنا ندعى اللهم ارزقنا البشرى فى الدنيا و الاخرة
روحت البيت و اتصل عليا واحد غير متوقع خالص اخبرنى برؤية كذا و كذا
قولت سبحان الله دا احنا كنا لسة بندعى ربنا امبارح
جربت احساس ان ربنا بيحبك ؟ ان ربنا فرحان بيك ؟ ان ربنا راضى عنك ؟ ان ربنا فاتحلك ابوابه ؟
ينتظركم ايام رائعة ايام جميلة لو انت إلتزمت والله
تخيلى ان انتى هتقعدى قدام قناة و بتتفرجى على برامج دينية جميلة مؤثرة جدا
تلاقى فى النص طالعلك واحد بحلة تيفال يقولك :
عرض مميز جدا , بتمن مميز جدا , لحلة مميزة جدا , ليها غطا مميز جدا
الحلة دى تنفع فى كل حاجة يا جماعة يعنى ممكن ست البيت تطبخ فيها يبقى تطبخ فيها ست البيت و ممكن تبقى طاربوش يلبسه راجل البيت و ممكن لو عندكم كتاكيت تملوها مية و تحموا فيها كتاكيت البيت
" فضحك الجميع و ضحك معاهم فى جو مليئ بالراحة و السكينة "
ايام جميلة والله يا شباب فى الراحة النفسية
كان واحد صاحبنا مرة ماشى بعربيته و جه وقف قدامه شاب خارج من النادى و غرقان فى دموعه و قاله متتحركش مش هتتحرك انا عايزك تاخد بإيدى لربنا انا عايز اتوب انا عايز ارجع لربنا انا تعبان انا مش قادر استحمل العيشة دى انا بتعذب
فأخده الى اقرب مسجد لصلاة الفجر بيقول طول ما هو واقف خلف الامام عمال يهتز و انا مش عارف ماله حتى عند التشهد عمال يهتز اتارى جسمه بيرتجف
بيرتجف و هو بيصلى اول صلاة بعد التوبة لربنا
مشاعر التائبين يا جماعة مشاعر اللى راجع لربنا
" و هنا بدأت عين بسمة تدمع نعم هو نفس الاحساس و نفس المشاعر "
الالتزام دا جنة والله العظيم ما تتعوض اوعى تخسرها فى حياتك اوعى تخسريها فى حياتك
اوعى تقول انا مش قادر البيئة الفاسدة و هى اللى منعانا و الناس اللى بتحبطنا
شوفو قصر فرعون خرج منه 3 من العمالقة الايمان فى تاريخ البشرية
امرأه فرعون و ماشطة بنت فرعون
الاتنين ضحو بأغلى ما يملكو و كان جزائهم عند ربنا كبيييير
لازم تضحو يا شباب علشان خاطر الجنة
( الجنة مش ببلاش آلا ان سلعة الله غالية آلا ان سلعة الله الجنة )
قوم و إجتهد و حاول و اوعى تضيع الايام الجميلة اوعى تضيع هذه الايام الرائعة
مش هتحس ان الحياة ليها طعم غير فى الـدين
متبقوش زى روماريو اللى قعد يحسد فى رونالدو و يقول ينتظره ايام رائعة
و فالاخر دلوقت رونالدو حصلو 3 تمزقات فى الاربطة فى رجليه و مهدد بإعتزال الملاعب
إتنش عين من روماريو جابته الارض
لو كان رونالدو مسلم و بيقول اذكار الصباح و المساء زى الشباب الحلو بتاعنا اللى هيعمل كدا مع اول الفجر اللى جاى ده بإذن الله كان ربنا سترها معاه اوى
جيم اوفر يا روماريو , جيم اوفر يا رونالدو
جيم اوفر يا كل واحد عصيت ربنا و مشيت فى طريق المعصية
جيم اوفر يا كل واحد حسبت ان المعصية فيها سعادة و ان المخدرات فيها سعادة ولا سكة البنات فيها سعادة
جيم اوفر يا كل واحدة مرضيتش تتحجب و مرضيتش تُقبل على ربها
خلاص خسرانة خسرانة انتهت ما دام فى طريق غير ربنا
جيم اوفر يا شباب اللى هيتوب و يعرف ربنا بس مش جيم اوفر خسرانين
لا والله الجيم هيخلص و احنا كلنا كسبانين و احنا كلنا منتصرين على شهواتنا و فرحانين
( مع ربنا مفيش حد بيخسر ابداً , مع ربنا مفيش حاجة بتضيع ابداً )
بإيديكم الاختيار يا شباب بإيديكم الاختيار يا بنات
دا طريق ربنا للسعادة
و دا طريق الشيطان للتعاسة
بإيديكم تختارو تعيشو حياتكم
. . . .
و صقفت الشباب بإبتسامة واسعة و شكروه جدا
و بسمة و فاطمة مسحو دموعهم فى خفاء فقد إتأثرو جدا و الكلام لامس قلوبهم للغاية
فإنتبهو الى صوت احد الشباب بيسأله: هى حياة الملتزمين دى مش خنيقة ؟
فقال: حياتنا دى اجمل و احلى و امتع و أهنأ حياة
دا احنا عايشين الجنة فى الدنيا و على امل بحسن ظن فى الله نعيشها فى الاخرة
صدق الله حينما قال: مَنْ عَمِلَ صَالِحًا مِنْ ذَكَرٍ أَوْ أُنْثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ
" إندهشت بسمة عندما سمعت الايات انه ذلك الصوت الملائكى فإبتسمت بسعادة و احست براحة اكتر "
فأكمل: الحياة الخنيقة فعلا اللى الناس عايشاها فى ذنوب و معاصى و ماشيين ورا شهواتهم
جرب كدا تصلى صلاة تستشعر بيها رحمة ربنا و غفرانه
جرب كدا تقرأ قرآن بتدبر و تفهم ايات ربنا
جرب تقوم فى الخفاء بالليل و تروح لبيت ناس فقراء تتصدق عليهم
هى دى اجمل لحظات السعادة و الراحة
ثم بإبتسامة مداعبة: جرب يا واد مش هتخسر حاجة
الولد (يعوج فمه): واد ايه بس يا شيخ مش قدام الناس كدا بس هعديها عشان الهدية هههههه
الداعية (بضحكة): هههههههههههه طيب خد اهى الهدية
اعطاه زجاجة برفان و معاها خاتم تسبيح و فرح بهم كثيرا و شكره اكتر
ابتسمت بسمة و فاطمة لهزارهم فقد تعجبو كثيراً كانو لا يظنون أنهم يهزرون و يضحكون مثل باقى البشر !
فقامو لكى ينصرفو لأن الوقت إتأخر و فى طريقهم
إتفقو هما الاتنين يلبسو حجاب يرضى ربنا
حجاب واسع لا يصف ولا يشف الى ان اختارو الملحفة
و بالفعل إتجهو الى أقرب محل و إشترو ليهم هما الاتنين و هم فى قمة سعادتهم و كل واحدة أخدت الاتجاه المعاكس لبيتها
و فى عودة بسمة بمفردها وجدت شاب يعاكس فيها من الخلف و قلبها يدق بسرعة كبيرة و وشها إصفر من كتر الخوف
فتسرعت خطواتها بسرعة كبيرة حتى وصلت الى باب حديقة منزلهم الذى يتكون من عمارتين بجوار بعض
و هنا تركها الشاب و ذهب و من شدة خوفها محستش بذلك
لكن فالحقيقة توجد خطوات شاب خلفها تسمعها فى الحديقة و كاد قلبها ان يقف و مش عارفة تتصرف ازاى و كل ما تمشى الخطوات تمشى بردو
كاد قلبها ان ينخلع و عيونها محمرة جدا من الدموع التى تجمعت
و فجأة صرررخت و طلعت تجرى زى الاطفال
فإنتبه الشاب الذى كان واضع راسه و عينه فى الارض

^
^
^
انتظرووو الحلقة القادمة ان شاء الله
تم بحمد الله