روايتي الاولي لبقية حياتي معك - الجزء الآول بقلم بسمة سمير

الحلقة 18

الحلقة الـ ( 18 ) من روايتى الاولى

لبقية حياتى معك

For The Rest Of My Life,I'll Be with You

سامية: يلا احنا نمشى يا بسمة

ميرفت: لالالالا ميحصلش خليكم معانا شوية

سامية: هنجيلو تانى معلش يا ام عمر

ميرفت: طب خلى بسمة معايا شوية

نظرت سامية لبسمة فملقتش على وجهها اى ملامح

الاء: خليها معايا شوية يا طنط بعد اذنك

سامية: ماشى يا لولو

سلمو على بعض و مشيت جلست بسمة و مازال الحزن مسيطر عليها و بعد ما قعدو يتكلمو شوية مع بعضهم

قالت بسمة (بتردد): هدخل اشوفه قبل ما امشى

ميرفت: اتفضلى ياحبيبتى

مشيت بسمة وفتحت الغرفة ببطء و هى خايفة جدا دخلت خطوتين بشويش و رأته نايم فتجمعت الدموع فى عينيها

نظرت لوجهه المتألم و جبينه المقتطضب فتنزل منها الدموع و يحس بها عمر و يفتح عيونه فتنهمر منها الدموع اكثر

بسمة (من بين دموعها بندم): انا السبب

عمر (بصوت متعب): متقوليش كدا و ممكن تبطلى عياط بقى

و بعد ما هديت بعض الشئ

بسمة (تقف): هسيبك تستريح بقى

عمر: طب ممكن تقرأيلى قرآن بصوتك الاول

بسمة (بكسوف ثم تقول بمرح): صوتى وحش هتنزعج منه

عمر: لا هيعجبنى يلا بس اقرأيلى

بدأت تتلو ايات الله من سورة ابراهيم

وقفت الاء امام الغرفة وجدت بسمة تقرأله قرآن ابتسمت بفرح و مشيت

ظلت تقرأ بصوتها العذب الجميل الى ان احست بإسترخاء يده

فوقفت قراءة و إلتفتتله وجدته ذهب فى نوم عميق

فنظرتله بإشفاق و حنان و تجمعت الدموع فى عينيها مرة اخرى

فتماسكت و سحبت نفسها ببطء و مشيت

فى اليوم التالى اتصلت بسمة على الاء

بسمة: عمر صحى؟

الاء: اه من ساعة كدا

بسمة: طيب انا جاية

وقفلو مع بعض و ذهبت بسمة تلبس بعد ان استأذنت من باباها

بسمة لسامية: يلا يا ماما انا جهزت

سامية: جاية اهو

و ذهبت الاء الى غرفة عمر: بسمة جاية دلوقت

عمر (بسعادة): قولى والله

الاء (بضحك): اه والله زمانها هتخبط الباب كمان