الحلقة الـ ( 38 ) من روايتى الاولى
لبقية حياتى معك
For The Rest Of My Life,I'll Be with You
و جاء مصطفى و الاء فى بيت عبدالعزيز علشان يمشو سوا و جهز الجميع شنطهم كلهم من بالليل
و طبعا بسمة مش هتنام طول الليل فى يوم زى ده كالعادة من الفرحة
فـ هتعمل كوباية نسكافيه تفوقها و تخرج البلكونة تشم هوا
و أخذت الموبايل و شغلت نشيد أجمل فرحة لماهر زين
و أغمضت عيناها و هى تتذكر يوم كتب الكتاب كله و الابتسامة لا تفارقها
فتحت بسمة عيناها عندما إنتهت الانشودة و جحظت عيناها عندما رأت عمر واقف ينظرلها بإبتسامة جذابة
بسمة (بإرتباك و كسوف): إ إنت واقف هنا من امتى؟
عمر (بإبتسامة واسعة): من خمس دقايق
ثم بعد ثوانى: حلو النشيد ده
بسمة (بإبتسامة فرح): أها بتاع ماهر زين بحبه جدا
عمر (بغضب مندفع): قصدك بتحبى النشيد
بسمة (ببراءة): أيوة كل أناشيده تحفة و صوته أصلا رااائع
إكتست ملامحه بالغضب الشديد و ظهر عليها الزعل ففهمت بسمة السبب
بسمة (بحزن): مالك؟
عمر (بجمود): مفيش
بسمة (بمرح): طب عينى فى عينك كدا
عمر (يقترب بوجهه بإندفاع): اهو
بسمة (تخفض راسها بإبتسامة كسوف): بس انا مش هقدر أبص فيهم
عمر (يبتسم رغما عنه): لما إنتى مش أد الكلام بتقولى ليه
بسمة (بعند و ثقة): لأ انا أده كويس أوى
فنظرلها عمر بخبث و قال بإبتسامة: ممكن تبعتيهولى
بسمة (بإبتسامة خجولة): إفتح البلوتوث
عمر: لو عندك أناشيد رومانسية إبعتيها
بسمة: عندى كتيير " و بعتتله كلهم "
عمر (بإبتسامة فرح): دا إحنا مدكنين أهو
أطلقت بسمة ضحكة من القلب
عمر (نظرلها بإعجاب و سرحان): ايووووة بقى
و أطلقت بسمة ضحكة بصوت عالى خفقت قلب عمر
بسمة (من بين ضحكها): إنت ليك فى أيوة بقى يا شيخ عمر لأ دانتا إنحرفت خالص
عمر: شيخ مين بس اسكتى خلتينى منحرف و اللى كان كان
بسمة (بضحكة): لأ ياخويا انت منحرف من أول يوم
أنت تقرأ
روايتي الاولي لبقية حياتي معك - الجزء الآول بقلم بسمة سمير
قصص عامةتتحدث الرواية عن كثير من المشاكل التى تحدث بين الزوجين و كيفية التعامل مع هذه الخلافات بطريقة صحيحة سليمة بحيث تكون هذه المشاكل (( نقطة قوة )) تقوى علاقتهم أكثر ما تضعفها و تهدمها و تنهيها .. إننا بإيدينا نختار أن نحيا حياتنا , فنحن المسؤلون عنها و...
