روايتي الاولي لبقية حياتي معك - الجزء الآول بقلم بسمة سمير

الحلقة 40

الحلقة الـ ( 40 ) من روايتى الاولى

لبقية حياتى معك

For The Rest Of My Life,I'll Be with You

وصلو الى الشاطئ الذى يوجد فيه العائلة

جلست بسمة و فاطمة مع البنات و عمر و على مع الشباب

و كلا منهم أظهر أنه طبيعى جدا مثل ما إتفقو ...

و بمجرد ما بسمة جلست رنت على عمر فإلتفتلها و شاورلها بيقولها عايزة حاجة فشاورتله وهى بتقف تعالى يعنى فقام عمر

زياد (اول ما شاف طبق فيه السمكة بتاعتها مسك عمر بسرعة): خليك انت هشوفها بدالك

عمر (يضحك): لأ هروح انا دى اكيد ليا مش ليك 😛

و إتقابلو فى النص ما بين ترابيزة السيدات و ما بين ترابيزة الرجالة

الاء (تخفض صوتها): شوفو البت الناصحة بتعمل ايه

فاطمة: دى عشان بس مبتحبوش

الاء: ااااه طب انا روحت فين كانت ادتهالى " و منى و ميرفت و سامية بيضحكو عليها و يدعولهم بتيسير زواجهم "

بسمة (تعطيه الطبق): كُل دى

عمر (بإستغراب): و انتى هتاكلى ايه

بسمة: ماما عملالى ساندوتشات علشان مبحبش السمك

عمر (بنظرة حنان و أخذها منها): طيب كُلى كويس مش عايزين نرجع للضُعف تانى

هزت راسها بالموافقة بإبتسامة حنونة .. فى الوقت اللى واقفين فيه حصل الاتى

هانى (بصوت عالى): رشـــــاااا طب و انا ؟

رشا (منشغلة فالاكل): معرفكش

مصطفى (يطلق ضحكة عالية): ندالة من اولها .. طب بُص و إتعلم من المعلم

ثم بصوت عالى: الاااااااء " و لسة هيكمل كلامه سبقته الاء "

الاء (تلتفتله): انت تعرفنى؟! شوفتنى قبل كدا؟ إتقابلنا؟ " و كملت اكلها "

و ضحك الجميع بشدة

مصطفى (بغيظ): احنا كدا هنحقد عالواد عمر

هانى (من بين ضحكه): عندك حق تعالى نرخم عليه

مصطفى (عجبته الفكرة و سارع بقول بصوت عالى بغمزة): ايوة ياعم مين ادك دلوقت

هانى (بصوت عالى): طب متنسانيش فى الديل حتى

و ضحك الجميع و جاء عمر جلس

عمر (بملامح غضب): ايه يالا انت و هو فى ايه

هانى (بغمزة): ولا حاجة

مصطفى (يكتم الضحك): كفاية بقى احسن عمر لما بيغير مبيشوفش قدامه

يعنى ممكن يحصل كسر بسيط فى ايدك و مفيش مانع فى رجلك و يجبلك عور فى عينك