روايتي الاولي لبقية حياتي معك - الجزء الآول بقلم بسمة سمير

الحلقة 36

الحلقة الـ ( 36 ) من روايتى الاولى

لبقية حياتى معك

For The Rest Of My Life,I'll Be with You

و بعد صلاة التراويح نزلت النساء فى الحديقة و جاءت الرجال جلست فى مكان خاص بهم

و بعد ما جلس عمر معاهم شوية و إتفقو على شوية حاجات قام يدوّر على بسمة

وجدها هى و زياد و باسم بيلعبو كورة

عمر (يقترب بتعجب): و كمان بتعرفى تلعبى كورة 😳

بسمة (تقف بضحكة كبيرة بدون صوت): لأ للاسف الكورة الوحيدة اللى متعلمتهاش

عمر: لا ياشيخة إتعلمى

بسمة (تضحك مرة اخرى وتذهب ناحيته وتقوله بتحذير): هتتريق تانى

عمر: لا يا باشا انا اقدر بردو

ثم شدها من يدها: تعالى عايزك فى موضوع

وجلسو عالارض فى مكان فيه خُضرة مع الهواء الجميل

بسمة (خافضة راسها للاسفل): خير؟

عمر (بحماسة و سعادة): انا اتفقت مع باباكى هننزل فى العيد نختار شقتنا

بسمة (متنحة ثم بعد ثوانى تحاول تستوعب و تقول بسرحان): ايه ده هو احنا هيكون لينا شقة ؟ وهنعيش فيها وكدا ؟

عمر: لا هنعيش فى الشارع

بسمة (تخبطه على كتفه): بتكلم جد

عمر (بضحكة خفيفة): عايزانى اقولك ايه يعنى

بسمة: قول اه او لا

عمر: اه شقتنا اللى هنعيش فيها انا و انتى وعيالنا فى المستقبل ان شاء الله

شقتنا اللى هتجمعنا سوا و هتكون مليانة بذكر الله

شقتنا اللى هتكون فيها اجمل و احلى زوجة ليا فالحياة

بسمة (بإبتسامة كسوف): وانت كمان اجمل واحلى زوج و تنفع شاعر كمان 😃

ثم تنتبه: يعنى بجد احنا هنتجوز و نعيش فى شقة لوحدنا ؟!!

يعنى احنا هنتجوز اصلا ؟! قصدى يعنى انا هسيب البيت ده و هروح اعيش معاك لوحدى ؟!

عمر: ايوة يا بنتى .. ايه كمية الاستغراب دى

بسمة (بسرحان): مش عارفة يا عمر مش متخيلة حاجة زى دى

ايه رأيك نخلينا كدا على طول وخلاص

عمر: وماله ياختى متجوزك علشان تفضلى فى بيت ابوكى زى مانتى

بسمة (بزعل): انت عمال تتريق عليا من الصبح كدا ليه

عمر: هههههههههههههههه لا مش قصدى اتريق

بسمة (بجدية): طيب ها ايه رأيك؟