روايتي الاولي لبقية حياتي معك - الجزء الآول بقلم بسمة سمير

الحلقة 30

الحلقة الـ ( 30 ) من روايتى الاولى

لبقية حياتى معك

For The Rest Of My Life,I'll Be with You

سلمو عليها و خرجو و بعدها دخل عمر

عمر (بإبتسامة واسعة): بسبوستى

بسمة:...............

عمر (لنفسه): شكلها عرفت ربنا يستر 😕

عمر (يجلس): مالك بقى

بسمة (بملامح غاضبة):...........

عمر (لنفسه): لقد وقعنا فى الفخ

عمر: مين زعلك وأنا أظبطهولك

بسمة (بنظرة عتاب): تخبى عليا يا عمر

حرام عليك طب قولى كنت حتى ادعيله

ثم بعدم استوعاب: بابا يعمل عملية و انا معرفش ليه موت

عمر (بسرعة): بعد الشر عليكى

بسمة: زعلانة منك اوى يا عمر اوى ... ودارت بوجهها الناحية التانية 🙁

عمر: ممكن تبطلى عياط و هفهمك

بسمة: تفهمنى ايه ما خلاص

عمر (بزعل): يعنى مش هتسمعينى

بعد لحظات ..

بسمة: قــول

عمر (يتنهد بحزن): اولا عمك اللى حذرنى مقولكيش

ثانيا لو مكنش حذرنى انا مكنتش هقولك بردو

ثالثا انتى عارفة بتحبى باباكى اد ايه و متستحمليش تشوفيه كدا

و طبعا الزعل هياخد حقه معاكى وانتى ضغطك واطى جدا و أديكى شايفة الدكتور عمال يحاول يظبطهولك و بالطبع لما تعرفى هيوطى اكتر بكتير

وانا بصراحة مش مستغنى عنك و مبحبش اشوفك زعلانة

بسمة (بملامح مريحة ثم تحاول تستوعب): يعنى كل اللى عملته معايا انهردة و السعادة اللى دخلتها على قلبى دى عشان متخلينيش احس بحاجة وخايف عليا وعايزنى ابقى مبسوطة وبس

عمر (يهز راسة بنظرة حنية و يطلع الشكولاتة من جيبه): ااايوة .. اتفضلى بقى

بسمة (تبتسم بفرحة تختلط بتعجب شديد): من أى نوع خُلقت؟!

عمر (بضحك): من البشر

بسمة (مازالت مش مستوعبة): لا مصدقش

عمر (بضحكة اكبر): انا عملت ايه يعنى دى اقل حاجة

بسمة تغلق عيناها و تتنهد بعمق وهى تشعر بالراحة الكبيرة من شدة كرم ربنا عليها وظلت تحمد الله كثيرا

خبط الباب خبطتين لكن محدش رد فكل منهم سرحان فى عالمه

فى نفس اللحظة التى خبط فيها الباب و إنفتح إنتبه عمر و بسمة