روايتي الاولي لبقية حياتي معك - الجزء الآول بقلم بسمة سمير

الحلقة 33

الحلقة الـ ( 33 ) من روايتى الاولى

لبقية حياتى معك

For The Rest Of My Life,I'll Be with You

عمر خرج يتمشى فى اى مكان حتى لا يلاحظ حد غضبه و ظل يعاتب فيها مع نفسه بغضب شديد

أما بسمة جلست و هى تضحك

باسم (بإستغراب و ضيق): بتضحكى على ايه مش شايفة هببتى ايه

بسمة (من بين ضحكاتها): كنت بمثل عليه يابنى

باسم: يخربيتك دانتى فنانة :3

روحى بقى صالحيه شكله بيغير اااوى

بسمة (تقف بجدية): ماشى بس متقولش لحد

ثم لنفسها و هى ماشية بسعادة: دا انا هجننك يا عمر مش إنت اللى إخترتنى إشرب بقى يا برنس

ثم بحزن: بس صعب عليا اوى ياعينى ياريتنى ما مثلت

فخرجه من شروده صوت رنين الهاتف نظر للشاشة بغضب اشد و قلبه يكاد يحترق من شدة الغيرة

ظل الهاتف يرن يرن لكن مفيش رد

ثم جائتها فكرة و بعتتله رسالة ففتحها عمر

my heart: بالله عليك ياعمر ترد عليا هفهمك حاجة

ظلت ترن مرة اخرى لكن مفيش رد

بسمة (ترمى الموبايل بعصبية): اووووف بقى اعمل ايه دلوقت

وفجأة رن هاتفها اتصال من عمر فأخذته بخوف و فتحت الخط

عمر (بصوت غاضب بشدة): أفندم؟؟؟

بسمة (بخوف اشد): سلام عليكم

عمر (بنفاذ صبر): وعليكم السلام

بسمة (أحست بألم فى قلبها فقالت بهدوء): ممكن ترجع؟

عمر (بإندفاع جدا): لأ مش ممكن

بسمة (تتجمع الدموع فى عينيها):........

و عدت لحظات يخيم عليهم الصمت

عمر (بعصبية مكتومة): طب سلام

بسمة (بسرعة): إستنى

عمر (صامت):...........

بسمة (بصدق و بصوت رقيق): عمر ... أنا بحب عينيك

عمر (يبتسم لا ارادياً لكن مستغرب):.............

بسمة (تكمل بصوت حزين): فيها ايه يعنى لما عملت عليك تمثيلية علشان بحب اشوف الشرار اللى بيطلع من عينيك لما بتغير عليا

عمر (تتسمع ابتسامته لكن ما زال فى اثر من الغضب):...........

بسمة (بإحساس نابع من القلب): بحس بالرجولة

ثم من كل قلبها: إنت راجل بجد يا عمر و مشوفتش أرجل منك

عمر مش مصدق ودانه وزال غضبه بسرعة و حل مكانه السعادة