روايتي الاولي لبقية حياتي معك - الجزء الآول بقلم بسمة سمير

الحلقة 28

الحلقة الـ ( 28 ) من روايتى الاولى

لبقية حياتى معك

For The Rest Of My Life,I'll Be with You

بسمة: عايزة أتكلم معاك فى حاجة قبل ما باسم يجى

عمر: عارفها

بسمة (تضربه بخفة على يده): منا عارفة انك عارفها

ضحك بخفوت و هى ابتسمت بحرج

ثم بجدية: فاكر لما قولتلك يوم الرؤية ليه إخترتنى أنا ؟

عمر يهز راسه بإبتسامة حنونة بعيون لامعة

بسمة (بكسوف): رديت عليا رد جامد بكل ثقة

عمر: هتعرفى بعد كتب الكتاب 😊

بسمة (بإبتسامة واسعة): هو ده .. يلا إعترف

عمر: ممكن نأجله لما تقومى بالسلامة

بسمة: تؤ تؤ متحاولش يلا متضيعش وقت

عمر (يتنهد بضيق شديد): أظن إنتى عرفتى اللى مكنتش عايز اقوله

اغلقت عيناها بشدة .. فسكت عمر

بسمة (بصعوبة): احكى

بعد محايلات يقول

عمر (بحرج): طول عمرى من و أنا صغير قرايبى يشكرو فى شكلى جدا جدا و إنى جميل و امور و حتى لما دخلت المدرسة كانت البنات بتعاكسنى

كبرت و دخلت الجامعة و ياريتنى ما دخلتها

ثم بإشمئزاز: ايه قلة الحياء دى لبس ضيق فظيع و برفانات من كل حتة

دا غير انى كنت بحس انى قاعد فى سوق الخضار من الالوان اللى كانت بتعدى

بسمة (بغيرة مكتومة): ...........

عمر (بجدية): دا كان اول يوم روحت البيت مخنوووق اوووى و عمال استغفر ربنا و دعيت ربنا فى قيام الليل انه يعينى و يقوينى على غض البصر و يبعدنى عنهم بأى طريقة و يرزوقنى واحدة عفيفة زى منا بعف نفسى

ثم بتعجب: المهم يعنى مش عارف كانو محسسنى انى توم كروز

بسمة (بضحك بخفوت): انت فعلا امور و فيك جاذبية .. احم احم ها كمل

عمر (بجدية): المهم انا طبعا عينى فى الارض على طول و ماليش اى اختلاط بعالم البنات دى

كانو صحابى يفضلو يقولولى البنت فلانة و البنت عِلانة هتموت عليك

طب يابنى شوف دى قمر بُصلها حتى و لو نظرة

طب دى عينها منزلتش من عليك

و الاقى ورق يتحدف عليا و انا قاعد فى السكشن

دا غير ان ساعات بنات كانت تيجى وتقولى هاااى ممكن نتعرف

فكنت بسيبهم و أمشى على طول وانا مخنوق وبستغفر ربنا

وللاسف صحابى مكنش فيهم واحد يعرف ربنا يشجعنى .. كانو عاديين لكن بفضل الله ثبت