روايتي الاولي لبقية حياتي معك - الجزء الآول بقلم بسمة سمير

الحلقة 34

الحلقة الـ ( 34 ) من روايتى الاولى

لبقية حياتى معك

For The Rest Of My Life,I'll Be with You

عمر (يرخى ضهره للخلف و يمسح وجههة بيديه ثم يأخذ نفس عميييق و يقول بنبرة حزن): أنـا سـبت الـشـغـل بـتـاعى

بسمة (بزهول): لــيــه ؟ 😮

عمر (بتنهيدة): هحكيلك

انتى عارفة ان مدير الشركة بيثق فيا اكتر واحد و بيستأمنى على كل حاجة

فكان فى واحد معايا فى الشركة مش برتاحله و بشك فيه و حكيت لماما عليه من زمان

و قالتالى متظلمهوش اوعى يا عمر تظن فيه سيئ او تتجسس عليه او تقعد مع واحد تقول عليه كلام مش كويس فيه

قال الله تعالى { يٰأَيُّهَا ٱلَّذِينَ آمَنُواْ ٱجْتَنِبُواْ كَثِيراً مِّنَ ٱلظَّنِّ إِنَّ بَعْضَ ٱلظَّنِّ إِثْمٌ وَلاَ تَجَسَّسُواْ وَلاَ يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَٱتَّقُواْ ٱللَّهَ إِنَّ ٱللَّهَ تَوَّابٌ رَّحِيمٌ }

قولتلها لا طبعا يا ماما حضرتك معلمتنيش كدا و دى مش اخلاقى

و قولتلها انى هراقبه من بعيد يعنى تصرفاته و افعاله و كلامه و طريقته

و كل مدى كان شكى فيه بيزيد لحد ما قعدت من الشغل الفترة اللى فاتت من ساعة ما رجلى اتكسرت لحد بعد فرح الاء

بسمة: ها و بعدين

عمر: فاكرة لما قولتلك إتصلو عليا اجى الشغل بدرى

بسمة (بإهتمام و قلق): أيوة حصل ايه ؟

عمر: روحت و لقيت اوراق مهمة جدا مش موجودة فى دُرج المكتب بتاعى

و المدير إتهمنى بالاستهتار و عدم المسؤلية 🙁

ثم بحزن كبير: و من ساعتها و انا مقدرتش اروح تانى و مش عارف أتصرف إزاى فى الاوراق دى

بسمة (بحزن و ضيق شديد): حسبى الله و نعم الوكيل

عمر (بزفرة ضيق شديدة): المشكلة دلوقتى ان مبقاش معايا الا 100 جنيه امشى بيها

بسمة (بتفكير عميق): اهدى بس كدا و هتفرج ان شاء الله .. انا من رأيى

ان احنا دلوقتى نشوف طفل يتيم حالته صعبة و نديله حاجة بسيطة من الـ 100 جنيه دى علشان تقدر تمشى بيها باقى الشهر

عمر (يتذكر شيئا بزهول): بسمة 😮

انتى خلتينى أنتبه لحاجة مهمة جدا كانت غايبة عنى

بسمة (بتعجب): خير قول

عمر (بألم و ضيق شديد): كان فى واحدة ارملة و معاها طفلين كنت كل فترة بروحلهم أديهم حاجة على أد ما اقدر .. و كنت بلاقى رزقى بيوسع و بركة عجيبة فى المرتب و فى حياتى