و فى اليوم التالى ...
ذهبت بسمة المدرسة و علمو بنزول جدول الامتحانات
فجريو عالسلالم بسرعة علشان ياخدوه
و هى نازلة وجدت عاملة النضافة بتكنس السلم فتذكرت ان الكلمة الطيبة صدقة فوقفت و قالت
بسمة (بإبتسامة حنونة و تشفق عليها): ربنا يديكى الصحة يا دادة
الدادة (وقفت شغل ورفعت ايدها للسما بإبتسامة فرح واسعة): امين يارب يا بنتى
ثم نظرتلها بحب: والله انتى عسل اول مرة حد يقولى كدا
ربنا ينجحك يارب و يسترها معاكى و يجعل ليكى فى كل خطوة سلامة
و بسمة نزلت تكمل طريقها و هى مكسوفة و مبسوووطة فقد كانت الكلمة على المرأة مفعول السحر جعلتها تكمل شغلها بحماس
و بعد انتهاء اليوم الدراسى طلعت من المدرسة على الدرس الخصوصى على طول
دخلت بسمة الدرس بلبسها الواسع المحترم فقد زاد من حياءها ^^
ألقت السلام ثم جلست بكل كسوف و كالعادة رمقها الاستاذ بنظرة اعجاب
فهو يعاملها معاملة تختلف عن البقية و من ساعت ما اتغيرت حياتها تماما أصبح جميع المدرسين يعاملوها معاملة خاصة كلها إحترام و تقدير
طالبة (بتريقة): ايه الهدوء دا يا بسمة عاملة نفسك مؤدبة قدام المستر
بسمة كانت ناظرة فى الارض كالعادة بإبتسامة كسوف لكن كلام البنت ضايقها فمحبتش تظهر ذلك لكنها تفاجئت
الاستاذ (بنظرة غضب): ملكيش دعوة بـ بسمة
البنت (بإستنكار): يا مستر دى عاملة نفسها هادية بس قدامك لكن من ورانا طايشة و مجنونة
الاستاذ (بكل هدوء دون ان ينظرلها): انا ماليش دعوة من ورايا كفاية انها قدامى هادية و مؤدبة و ياريت الكل يكون زيها
كتم بعض البنات ضحكتهم لإحراج البنت و البعض الاخر نظرلها بـغيرة و غيظ
فقالت اخرى و هى تميل على بسمة بصوت واطى: بقولك يا بسمة
لو واحد عمل ذنوب كتير ممكن ربنا يغفرله ؟
فإفتكرت بسمة لما كانت بتسأل نفسها السؤال ده و ردت عليها بالاية الكريمة التى تدل على رحمة ربنا و غفرانه لعباده التائبين
فكانت البنات تفضل وقت الريست تسألها عن حياتها و ليه اتغيرتى ... إلخ
و ترد عليهم بكلام منطقى جدا متعرفش كان بيطلع ازاى
مما جعل الاستاذ يراقبها و فى كل مرة يسمعها يعجب بعقلها جدا و يعجب بها أكثر و يشاركها الرأى .
و لأن إنهردة يوم الخميس فكانت بسمة صايمة كعادتها بعد ما علمت بمدى الاجر و الثواب و عظمة الصوم
أنت تقرأ
روايتي الاولي لبقية حياتي معك - الجزء الآول بقلم بسمة سمير
General Fictionتتحدث الرواية عن كثير من المشاكل التى تحدث بين الزوجين و كيفية التعامل مع هذه الخلافات بطريقة صحيحة سليمة بحيث تكون هذه المشاكل (( نقطة قوة )) تقوى علاقتهم أكثر ما تضعفها و تهدمها و تنهيها .. إننا بإيدينا نختار أن نحيا حياتنا , فنحن المسؤلون عنها و...
