عندما يقع رجال الأعمال في العشق {ج1_مكتمله}

الحلقه الثالثه

ثم يأتي يوم جديد... كان أمير يفكر بها  طوال الليل.

ولكن ما إن أغمض عينيه ونام على شروق الشمس رن منبههُ معلانًا بداية يوم عمل جديد

عمل.. وعمل... وعمل وعمل هذه هي حياته منذ أن كان عمره 19 عام ، عمل بجد وفعل ما لم يُفعل ليحصل على شركاته تلك ويلقب بأمير الاقتصاد في الوطن العربي

ولكن الآن هل ما يحتاجه هو العمل أم شيء آخر
نفض تلك الأفكار من رأسه متذكرًا ما سوف يحتاجه غير العمل والمال وزيادة الشموخ والهيبة والكبرياء 

بعد قليل من الوقت كان يضع من تلك الرائحة الخلابة ، بعد أن ربط ربطه عنقه السوداء ، وبعد أن بلغه رئيس الأمن ( جمال) أن البودي جارد قد وصلوا مع السائق الخاص به والسائق الخاص بأحمد ، كانوا الآن في المصعد متجهين إلى شركاتهم

بعد أكثر من ربع ساعة

كانوا في شركاتهم يدلفون بخطواتهم الواثقة ، جلس في مكتبه بعد أن أشار لسكرتيرته الخاصة بعدم إتباعه للداخل فسوف يتكلم مع أخيه في أمور عمل أولًا ثم يعرف مواعيد اليوم .
.......

جلس على مكتبه وأمامه أحمد ينتظر ما سوف يقوله له
ليقول أمير بصرامة فهو لا يقبل أي خطأ في العمل حتى أن كانت من أخيه : على فكره أنت عندك شغل كتير أوي النهاردة .. وهتحضر الاجتماع معانا

رد عليه أحمد بقلة اهتمام  : أديه لحد تاني مش عايز اشتغل في الصفقة الجديدة ده

نظر أمير له وهو يتساءل متي سوف يكون مسؤولًا ، متى سوق يعمل ويتحمل المسؤولية :  ماشي... بس الشغل ده تبع صفقة  كبيرة أوي وهنسفر لهم القرى السياحية وهنقعد ٣ أسابيع منهم فسح.. فبراحتك.... أحنا أصلًا هنحضر اجتماع مع الشركة الثانية النهاردة وبعدين مش هنشتغل في الصفقة ده غير بعد ٣.. أو  ٤ شهور لما هما يصفوا شركاتهم اللي بره  فبراحتك
متشتغلش وأدي الشغل لرأفت وهو اللي هيسافر معايا

ظل  أحمد يفكر في الموضوع سريعًا لذا سحب ما قاله سريعًا مردفًا  : لا لا خلاص.. ما دام سفر وفسح هشتغل في الصفقه ده

نظر أمير له ثم لا يعلم لما أراد مشاغبته مردفًا : متأكد... ولا ٱقول لك الصفقة ده كبيرة عليك.. أنا هقول لرأفت وهو يسافر معايا

ظل أحمد يترجاه وهو يشعر بالندم : خلاص بقا أنا اللي هشتغل معاك فيها... أنا معاك يالا يا أمير بقا هات الملفات

ظل ينظر له قليلًا ثم أمسك بتلك الملفات ثم أعطاها له موصيًا: ماشي... هنشوف بس لو معجبنيش شغلك.. هقول لرأفت ومفهاش زعل أنت عارفني في الشغل

أكمل له أحمد حديثه قائلا : يا عم عارف ولا تعرف أبوك ولا أخوك ولا نفسك حتى

أماء له أمير وهو يستشعر كلام أخر يقصده في حديث أخاه غير الظاهر أمامه  : روح أنت دلوقتي ودخل ليّ جومانة