عندما يقع رجال الأعمال في العشق {ج1_مكتمله}

الحلقه السادسه

لتفتح أسيل الباب بصدمة قائلة : أنت قولت إيه؟؟

أمير  ببعض من التلعثم
  : قولت.. أنا.. أنا يعني.. أنتِ سمعتي بقا بلاش دلع

أسيل بتمتمة غير مسموعة :
صعب عليه يقولها مرة تانية.. متكبر مغرور بارد ورخم كمان

أمير وقد سمع ما تفوهت به من صفات له فأحب أن يكمل لها : وصعب أي حاجة ترضيني

أسيل وهي مشتتة في تفكيرها :
صح.. وصعب أي حاجة ترضيه

الآن الصدمة.. هو.. هو من أكمل لها الحديث.. لقد استمع لكل هذه الشتائم لتنظر له وهي تفرك يدها بتوتر وتنظر إلى الأرض : أنت سمعت كلامي

تجاهل اأمير كلامها ثم اردف بتصميم  : بكرة هبعت لكِ السواق عشان يوصلك للشغل وكل الكلام اللي أنتِ قولتِه في المكتب ده تنسيه

أسيل لنفسها وهي تتمتم
: أهبل.. ده بيشتمني إيه ده مش هو اللي لسه معتذر دلوقتي.. أقسم بالله عنده تقاصم في شخصيته.. شخصيتين في بعض.. هي اسمها تقاصم معرفش بقا المهم أنَّه كده

أمير وقد لاحظ أنَّها في حرب الآن مع عقلها في التفكير
: ها مسمعتش ردك

أسيل وهي مشتتة ولم تسمع ما تفوه به  من الأساس : ماشي ماشي

أمير في نفسه باستغراب تام  : البنت ده هتجنني إيه اللي وأخذ كل تفكيرها كده

ولم يعلم هذا الأمير أن صغيرته الآن في تفكير عميق تحدد شخصيته

قاطع تفكيرهم جيهان بجدية  : خلاص حصل خير خليكم عشان تتغدوا معانا

أحمد بجوع : أنا واقع من الجوع

جيجي بلوم : يعني أنتوا مش تيجوا غير وأنتوا متخانقين مع بعض

أحمد بنفي تام : لا والله
جيهان بمشاكسة : والله!!!  ده أنا فرحت أن بسبب أسيل أنتوا بتيجوا كثير هنا مش زي الاول كنتوا ناسيني ....

وأخيرًا  نكلم الأمير ليقول بحِنَيِّة بالغة :  هو أحنا نقدر برضوا يا جميل . ليتجه إلى أمه ويقبل يديها

أسيل لنفسها وهي تكمل تفكير : إيه ده شكله كمان عنده شخصية حِنَيِّنة ، ده طلع عنده تقاصم لثلث أشخاص.

لتفيق من تفكيرها على صوت جيجي تنادي عليها لكي تحضّر السفرة معها
وبعد يوم من المرح ،وقد نسيت أسيل ما حدث في الصباح ،وبعد تصميم جيهان على بقاء أولادها معها ، رحلوا أمير وأحمد وجيهان إلى بيتهم ودلفت أسيل إلى غرفتها لكي تنام ،وبعد فترة ذهبت في نوم عميق
أما في غرفة الأخوين
أحمد بمزاح كعادته : إيه مش ملاحظ أن أحنا بقينا ننام في الغرفة ده كثير دلوقتي من ساعة ما عرفت أسيل

أمير بنظراته الحادة : أكتم بدل ما أرمي عليكِ حاجة

أحمد بلوم ونظرة خبيثة : يعني مش هتقول لأخوك على اللي حاسس بيه . لينظر أمير إلي أقرب شيء بجانبه ثم يرميه علي أخيه