سلسل #غادرتني_المشاعر
الحلقه 8..
طلعت من المحاظره الي مافهمتش منها حاجه لان عقلي كان مش معيا بكل
رن موبايلي
انا: الو
اسيل: وينك ياهمي
قاعده: في الاداب كيف طالعا من المحاظره
اسيل: امممم كملتي وين تبي تقعدي تو
انا: والله مش عارف يانمشي للعلوم يانقعمز في الاداب نين اتكمل شهد ونروح
اسيل: به يالحب معناها انا تو انجيكي تو لان كملت محظرتي وتعالي انتلاقو عند الكافتيريا
انا: تم انتلاقو غادي
سكرت من اسيل وقلت للرواند نمشو للكافتيريا
ومشينا غادي خذن البنات شكولاطات وسنترا وطلعنا مشينا للاقتصاد قعمزنا غادي وقعدنا نهدرزو
اسيل: اوني رياض يبي يجيني توا
انا: به شن انديرلك
اسيل: ديريلي طبل
انا: لاخليها بندير خير
اسيل: ياسامطا نحكيلك انا كنك قالبا وجك
انا: حسني متمزطا
اسيل:كنك يا أوني مش من عوايدك النكد
انا :كان نقولك مرايفا عليه وخاطري انشوفا اتكذبيني وتقوليلي امتا هذا كلا انقول مش عارف
اسيل: حسا بيك والله ومش حنسألك لا امتا لاوين لان في حبي من اول نظره
انا: يعني مش كذب هذا حب مش اعجاب
اسيل:ع حسب شن اتحسي
انا: حي كان ع احساس ياما انحس خاطري انشوفا اندور فيه كل الوقت ونتخايل فيه لدرجة نحلم بيه ولما نوض ونلقا روحي في حوشنا ومش في مصر نضايق وتغم عليا
نسمع في الاغاني ونتخايل فيه نكتب في اسما ع كل شي ايجي قدامي اربعه وعشرين ساعه سرحنا ونفكر في شكلا ونظرتا وكلاما ليا
اسيل: تؤ تؤ تؤ هذا كلا سيرلك ياأوني
انا: شفتي هذا كلا سيرلي
اسيل: والله وجعني حالك يابنت عمي
انا: عدي سبع البرمبا جا
اسيل: خزيه عليكي ماتقوليش عليه هكي
انا: يانا عليا وخلاص
.
.
رياض : خير ياشينه
اسيل: اهلين
رياض: شن الامور
اسيل: تمام بشوفتك
رياض: وحشتيني مووووت وحشتني الضحكه السمحه هذي
اسيل: خلاص يابيبي تحرج فيا
رياض: حي عليا ياهووو اتحشم
اسيل: مسمطك
رياض: اوووي كنك قلبتي وجهك
اسيل:شئ
رياض: زعلتي يعني
اسيل: شن رايك
رياض: وانا قلت غلط قلت الحق تو انتي تحشمي
اسيل: رياااااض مازالت تعاود فيها
رياض: انبصر ياحبيبي كنك ماصدقتي
اسيل: حتي انا انديرلك في طروح
رياض: اممممم ياطروح انتي به احكيلي شن درتي في مصر
وقعدو رياض واسيل يهدرزو مع بعضهم وانا انهدرز مع البنات وجتني شهد واتصلت بالسواق وقعدنا انراجو فيه يجي يأخذنا وانا طالعا وماشيا للباركي نسمع في صوت يكلم فيا اسيل اسيل
انا التفتت
ساره: خير
انا: خيرات وسلمت عليها بالخد
ساره: قلبت عليك الجامعه كلها سألت البنات قاللي ماشيا شور الباركي قلت انلحق عليك قبل ماتمشي
انا: اها اصلا كملت محاظره وخلاص معش عندي شي
ساره: اها باهي انا جايا نبي نعطيكي كرت هذا بكره عرس بنت خالتي عارفتيها مبروكه
انا: اه نجيها تبي تزوج
ساره: اه خلاص لعقبالك وعطتني الكرت وقالتلي بيش تعزمي نور ضروري
انا: تسلمي ياحبي وعقبالك حتي انتي وسلميلي عليها واجد وباركيلي لها
ساره: يوصل بس ردي بالك ماتغيبيش راه العروس بروحها عزمتك
انا: حاظر والله من عيوني مانجيش لاعز منكم
ساره : خلاص معناها انتلاقو بكره وعزمت حتي اسيل وموده بيش اتقوليلهن ايجن
انا: ان شاء الله تم ياسموحه سلام توا
ساره: باي
روحت انا وشهد للحوش خشيت غيرت دبشي وصليت الظهر وتغديت وخشيت رقدت نضت العشيه صليت العصر ونزلت لوطا لقيت شهد ديرا روحها تقرأ وماما راقدا
شهد: خير
انا: هلا وين بابا
شهد: مازال ماروح من العمل
انا: صح مسكين اكيد تعبان
شهد: اكيد
انا: تمشي معايا بكره لعرس
شهد: والله ماني عارفه ع حسب جوي
انا: عرفتك عدا نكديه مش وجه افراح وجه عزوات انتي
شهد: خزيه كنك تحكيلي هكي ياحاله
انا: انتي الي حاله اصلا ماتحبيش الافراح
شهد: القصه مش قصة مانحبش الافراح القصه البسي ومكجي وديري شعرك ع ساعه ولا ساعتين يعني ملل وخلاص
انا: عليك فلسفه
شهد: به تراه فكيني من الاستفزاز امتاعك
انا: خلاص اس نبي نسمع الاغنيه هذي وحاليت ع اغنيه اليسا ..
ساعات بنشوف الحب وهو مابيشوفنش
وساعات بيقبلنا الحب ويمشي وماعرفنش
وساعات بيجينا الحب ويمشي كأنو ماجاش
وكتير بيسبنا الحب وجرحو مابيسبناش
مش كل الي بنحبهم بيكونو لينا
ولاكل الي بنحبهم لقينا علينا
يمكن نلقي الي ياما حلمنا بيهم
ويلقونا ومانلقيش الحب فيهم
ساعات بنشوف الحب وهو مابيشوفنش
وساعات بيقبلنا الحب ويمشي وماعرفنش
وساعات بيجينا الحب ويمشي كأنو ماجاش
وكتير بيسبنا الحب وجرحو مابيسبناش
مش كل الي راح منينا ساب جرحو فينا
ماجايز يروح من نينا والخير يجينا
يمكن نعاند ويفضل بين ايدينا
وبعد جراحو مانلقيش الي يدوينا
شهد: هييييييي كنك تبكي
انا: الاغنيه واحساسها أثر فيا وكلمات الاغنيه اتقول تحكي عليا
شهد: كيف اتحبيه قصدك
انا: مش عارف نبيه ونبي انشوفا ونبي نحكي عليه نبي نذكرا كأني نعرفا من زمان مش عارف شن دار فيا
وكملتها نهدرز لشهد ع سيف ونحكو ع حب وقصصا لعند ماناضت ماما وهدرزنا امعها وجا بابا تعشينا وخش كل واحد في دارا رقدت وعيت تاني يوم مابيتش نمشي للجامعه
انا: مامي قتلك عندي عرس صحبتي ونبي نمشيلا
ماما: به عدي من يبي يمشي معاك
انا: اسيل وموده مشيات وشهد مأكدتليش طبعا كالعاده
ماما: تعرف بنات عمك
انا: اه صحبتنا ومعنا في جامعه
ماما : خلاص شوفي باتك وقوليلا يوصلكن
انا: تو انعدي نسألا توا
بابا .بابا.توفيق
بابا: هنا يابابا قاعد صار توفيق صار
انا: خهههههههه ليا ساعه انعيط اصلا
بابا: به كنك اكيد تبي فلوس
انا: ظلمتني والله يا تويفيقا
بابا: غريبه شن تبي معناها
انا: نبيك اتوصلني عندي عرس صحبتي
بابا: والله يا نور مش فاضي يابابا شوف حسام
انا: به تو نكلما
وخشيت للدار رنيت ع حسام
حسام: ايو
انا: هلا وغلا
حسام: خههههههه اختصري بديتي في لقاقا ودحنسا معناها تبي حاجه
انا: نجك ليا ديما فهمني
حسام: شنو يابترأ شن تبي
انا: عندي عرس ونبيك اتوصلني انا وخواتك
حسام: والله ياناني انا ماني فاضي اليوم بس تو انشوفلك مالك يشيلكن سكري نكلما ونرد عليك
انا: به انراجي فيك
ورن حسام ع مالك وقالا وطبعا بعد صراع طويل بيش وافق وفوق من نفس موافق
طبعا لميت روحي انا وشهد وحاجاتنا ومشينا نلبسو في حوش عمي مع البنات بيش يشيلنا مالك مرا وحدا لبسنا كلنا قفاطين لونهن احمر وكملنا لبس .وطلعنا كلنا مشاء الله علينا حلوات بكل طبعا انا نحطش في خمار طلعنا ونبو نركبو في السياره
مالك
.
.
.
#يتبع
