#غادرتني_المشاعر
#الحلقه_27
انا: الوو
الشاب: نور معيا
انا: اه تفضل من انت
الشاب : انا رياض يانور
انا: اه اهلين شخبارك
رياض: تمام والله الحمد الله انتي شن جوك
انا: دووم ان شاء الله . انا كويسه
رياض: طبعا ترددت واجد قبل مانتصل بيك بس عنديش حد يساعدني غيرك
انا: شنو وانا كان نقدر مش حنقصر
رياض: انا متعارك معا الهبلا بنت عمك واليوم عيد ميلادها
ونبي انعيد عليها ونبي انجيبلها هديا
فكان تقدري طلعيها برا انتلقو ولا انجي نعطيهن لها يعني ديرلك اي لقطه
انا: ههههه ننقنها هبلا به حاظر والله يارياض تو نقوللهم نطلعو ونتلقو برا شن رايك
رياض: هكي تمام بكل وين تمشو
انا: تو خليني انطفولها شمعتها ونتفق امعاهم ونرد عليك ونقولك وين وكيف
رياض: تم معناها نرجاك
انا: خلاص باي
رياض: باي
وسكرت من رياض وفرحت للاسيل ان رياض فكر فيها ونسش عيد ميلادها حلو الاحساس الي يحبك يفكر فيك ويفجأك بعيد ميلادك
من الكذاب الي يحكي فوق 👆ماعلينا ماجربتوش احساس ادير سندوتش خبزه ساخنه وهريسة حوش وتن وطماطم ومعه كباية شاهي وحليب تي احساس مالش حل من الاخير😜😂😂
تو فكونا من خفة الدم وخلونا نردو لقصتنا
شلنا تباسي انا وموده للمربوعا الي برا وحطينا التورتا وحطينها عليها شموع ولعنهن وطفينا الضي وعدينا جبنا اسيل وطبعا كانو كلهم ملتمين ودرنالها عيد ميلاد وجأ يهبل بكل وعجبنها الهدايا امتعنا وقصينا تورتا وكلينها
انا: سامو
حسام: همممم ياكل في تورتا اصلا
انا: هيا نطلعو
حسام: وين وانتي غالي عليك لجيج
انا: ههههه نمشو سندباد نكسدو فيه
حسام: امممم
انا: تفكرش واجد هيا وراس سامو
حسام: باهي قولي للنسرفات رخرات يوتن اروحهن
انا: نجك وخلاص
وقتلهن نلبسو لان مشيين للسندباد وطبعا اسيل برغم من المفجأه الي درنها لها نحنا بس كانت زعلنا وفرحتها مش كامله
انا: كنك ياسولي
اسيل: اه لاشي
انا: والله كنك في حاجه كنا رقيلك
اسيل: نحسبش رياض هكي يفوتني بكل ومايكلمنيش بيش تعرفي ان هو كيفا كيف شباب كان مكسد عليا وخلاص وماصدق لقا فرصه يتبعد فيها عليا
انا: حرام تظلميش الراجل مرات عندا ظرف ولا حاجه . وكنت مسكا روحي بالسيف
اسيل: لاظرف لاشي عندا بنت وحدا اخره تعرف عليها شكلا هذا الي عندا بس حسبي الله ونعم الوكيل
انا: تؤ تؤ والله حرام عليك
اسيل: انت بنفهم انتي ليش دافعي عليه
انا: لان نعرف رياض يحبك وشاريك
اسيل: اه واضح واجد اخره الله يربحك فكيني من سيرتا وخليني نكمل لبس
طبعا انا دزيت مسج للرياض وقتلا فيه ان مشين للسندباد ونتلقو غادي
ورنيت ع صوفي
انا: الووو
سيف: يامرحبا تو كنت بنرن عليك
انا: والله
سيف: وراسك انتي
انا: بس انا اسرع منك رنيت عليك قبل
سيف: تي انتي نجك ليا
انا: ههههه وينك
سيف: والله قاعدلي في مكتب العقارات
انا: كنك
سيف: نشري في حوش لنا
انا: ههههه مسمطك
سيف: كنك تضحكي نحكي جد
انا: تي بلاش سماطه احكي كويس
سيف: وراسك انتي شريت ارض ليا وهذي الي نبي نبني عليها حوشنا
انا: به مبروووك
سيف: قولي مبروك علينا مش مبروك
انا: مبروك علينا
سيف: الله يبارك فيك ياحبيبتي يامراتي ياأميرتي
انا: راك في مكتب العقارات ماقريتيش فتحتي بيش اتقولي مراتي
سيف: ههههههههه تي انتي مراتي من اول يوم انشوفك فيه
انا: يانا عليا
سيف: ههههههه عوديها
انا: شنو
سيف: كلما الي توا
انا: وليش
سيف: اتهبل قلتيها وراسي عوديها
انا: يانا عليا
سيف: ههههه يانا عليا منك انتي وخلاص
انا: شن بنقولك
سيف: قولي
انا: طالعا انا وبنات شيلنا حسام للسندباد انكسدو فيه
سيف: انتم وحسام بس
انا: نحنا وحسام بس
سيف: به ياأميرتي عدي ونبسطي
انا: باهي وانت رد بالك من روحك
سيف: حتي انتي باي
انا: باي
وسكرت من صوفي لبست وشاحي وطلعنا وصلنا للسندباد ونزلنا خذينا طاوله وقعمزنا فيها وقعدنا نهدرزو وطلبنا عصير طبيعي بعدها دزلي رياض مسج كتبلي فيه ان هو برا وخاش تو
انا: اسولي تمشي امعايا للحمام
اسيل: باهي هيا
انا:هيا
وخليت شهد وموده مع حسام ومشيت انا واسيل للحمام ورنيت ع رياض
انا: وينك
رياض: انا خشيت وينكن انتن
انا: تلقنا عند جيهة الحمام بس حاول اتجي بسرعه
رياض :خلاص اني جاي
وقعدت اشويه هكي ديروحني انسقم في وشاحي لعند مارن رياض وقالي ان هو برا قدام الحمام يرجا
وطلعنا نحنا ومشينا وكان رياض عطينا بظهرا
ونحنا مخطمين انا فطنتلا بس اسيل مافطنتلش
رياض: بسبس
انا واسيل: التفتنا وتنصدم اسيل وتحط ايديها علي فمها وماصدقتش ان رياض ايجي ورياض كان يضحك
طبعا انا تبعدت عليهم ورنيت ع موده وقتلها تلهي حسام عند مانكملو
رياض: شن جو وكل سنه وانتي طيبه ياهبلتي وعطها الهديه
اسيل: هههه تمام وانت طيب شكرا بس هذي وين انحطها
رياض: تسدش شنطتك
اسيل: لالا . تو نحطها في شنطة نور كبيره
رياض: اه صاح نور جاي بسكو اتقول امسافره
اسيل: هههههههه مسمطك
رياض: وحشتيني واااجد معقولا هكي درتي فيا
اسيل: خلاص ودموع يبن يملن اعيونها حتي انت وحشتني بس قدر موقفي الا انا فيه يارياض ليا سنتين معاك
رياض: ماهو المشكله ان انا مقدر وعارف روحي انا الي غلطان بس ماقدرتش ع بعدك عليا وحشتيني واجد وفقدتك واجد شهر الي فات هذا كلا عرفت روحي مستحيل نقدر انعيش بدونك
اسيل: ولا انا يارياض بس غصبن عليا اندير هكي وانا اسفه مش قص
وقطع رياض كلام اسيل
رياض: اششش خلاص تقوليش شي وماتأسفيليش انحبك ياروحي وعمري انتي
اسيل: قبل طارت من فرحا لها شهر كامل شفتش ولاسمعت صوتا وكانت امرايفا عليه واااجد
حتي انا انحبك
رياض: به افتحي الهديه شوفيها
اسيل: باهي
وفتحت هديه وكانت باكو كبير وفية ساعه ومعه شيشة عطر وشكولاته
اسيل: الله تهبل يابيبي شكرا وااااجد
رياض : عجباتك
اسيل: تي اتجنن بكل مش عجبتني وبس سلمك جياب ياربي اتعيش واتجيبلي ياحبيبي
رياض: تي لا انا هكي حنخطفك ونهرب بيك راه
اسيل: ههههههه لا هديلنا روحك واعقل
رياض: ولا ماعد فيها انتي اتخلي حد يعقل
اسيل: هذي الي يومتها تلقينا معاك في محل كنت تشري فيها
رياض: ايو هذي هيا
اسيل: احلا هديه واحلا مفجأه كانت في عيد ميلادي انت
رياض: مازال في مفجأه اخره
اسيل: شنو
رياض: تو تعرفيها بعدين ع موبايل نحكيها لكي
اسيل: باهي مع ان عنديش صبر عند بعدين
رياض: لا تحمليلك اشويه . خلاص ياعمري عدي تو لان انتن طولتن ومرات حسام يسأل عليكن
اسيل: تمام باهي انت امروح
رياض : اه طاق شور الجماعا تو وبعدين بعد انروح تو انرن عليك
اسيل: به خلاص عدي ورد بالك ع روحك
رياض: تبي حاجه انتي توا
اسيل: لالا يابيبي سلامتك
رياض: خلاص ياعيوني هيا اطلعي قدامي
وعديت انا واسيل ودست الهديا في شنطتي وكانت فرحانا قبل تبي اطير من الفرحا وقعمزنا في طاولتنا ورياض روح وقعدنا نهدرزو واسيل انطلقت وقعدت اتهدرز
وانا كنت امقعمزا وعطيا للباب بظهري
شهد: حي شوفو من الي جا
انا: التفتت انشوف وننصدم ب
.
.
.
.
.
.
#يتبع_في_الحلقه28
